د پښتونخوا سروزیر د اسلام اباد پر مخالفت سربېره د طالبانو له سرکونسل سره پر سوله خبرې وکړې

امریکا او ازبکستان موافقه کړې، چې د افغان پېلوټانو له خوا ازبکستان ته بوول شوې ۴۶ پوځي چورلکې او الوتکې په موقتي توګه ازبکستان ته وسپاري.

په ازبکستان کې د امریکا سفیر تېره میاشت ويلي و، د افغان پوځ ۴۶ الوتکې به د ازبکستان تر څارنې لاندې پاتې شي.

طالب مشرانو له ازبکستانه د دغو الوتکو د بېرته سپارلو غوښتنه کړې، خو ازبک چارواکو ویلي، چې له امریکايي لوري سره د دغو پوځي وسایطو د وضعیت په اړه لا هم خبرې روانې دي.

د طالبانو تر کنټرول لاندي باختر خبري اژانس نن هم د دغه ډلې د هوايي ځواک او هوايي مدافعې پوهنتن د ۳ پيلوټاتو په غونډه کې د لوی درستيز د خبرو ځني برخې نشر کړې دي.

فصیح الدین فطرت دا هم ويلي «په اسلامي روحيه او قوی مرال بشپړه اسلامي ملي اردو» جوړوي.

د نوموړي په خبره، همدا اردو به د «خاوري، هېواد، اسلامي شريعت او ارزښتونو» دفاع وکړي.

د طالبانو د دفاع وزارت وړاندي ويلي و چې د پوځ د بشپړېدو لپاره وخت ته اړتيا لري.

د طالبانو اطلاعاتو کلتور وزیر ملا خیرالله خیرخواه څلور ورځې مخکې د روسیې په بلنه د فرهنګونو یووالي غونډه کې د ګډون لپاره مسکو ته لاړ.

د روسیې د اطلاعاتو کلتو وزارت وېبپاڼه کې د نوموړي او د روسیې د اړوند وزیرې الګا لوبیمووا د لیدنې خبر او څو ګډ انځورونه خپاره شوي دي.

د دې خبر تر خپرېدو وروسته ځینې رسنیو او افغان روڼ اندو پر ملا خیراالله خیرخوا د نیوکې په ډول وویل، چې له خپل طالبي قانون یې سرغړونه کړې ده.

د طالبانو په واک کې باختر اژانس د دې لیدنې اړوند خبر کې د طالبانو او د روسیې بیرغ خپور کړی دی.

د دې خبر له مخې د روسیې د کلتور وزیرې له ښاغلي خیرخواه سره په لیدنه کې د کلتور برخه کې د افغانستان لپاره مسلکي کسانو د روژلو ژمنه کړې ده.

د روسیې د اطلاعاتو فرهنګ وزارت په خبر کې بیا د ملا خیرالله خیرخواه له قوله ویل شوي چې نوموړي د ورته غونډو او نندارتونو جوړېدل د خپلمنځي کلتوري اړیکو د پراختیا او همکارۍ لپاره مهم وبلل.

د روسيې په کوربتوب د فرهنګونو د یوالي غونډه د سسپټمبر په۱۱په سن پترزبرګ کې پیل شوې او ننپای ته رسېږي.

روسیه که څه هم د طالبانو حکومت په رسمیت نه پېژني، خو مختلفو اقتصادي، سیاسي، علمي او کلتوري ناستو ته د دې ډلې مشران ور بولي.

تر دې وړاندي د طالبانو د پوهني وزير حبیب الله اغا، د لوړو زدکړو وزير ندامحمد نديم په روسيه کې د پوهنې په نړيواله څلور ورځنۍ غونده او د طالبانو د کار او ټولنيزو چارو وزير عبدالمنان عمري بیا په اقتصادي غونډه کې د ګډون لپاره دغه هېواد ته تللي وو.

غلامي وايي وياړ لري، چې په نړيوال جام کې د خپل هېواد لپاره لوبيږي.

مهران غلامي د فیفا له وېبپاڼې سره په مرکه کې ویلي، چې د ارجنټاین لوبډلې له مشهورو ستورو نیکو سارمینټو او کریسټین بورتو سره به مخامخ شي.

غلامي په داسي حال کې په نړيوال جام کې لوبيږی، چې هغه د نیوزيلينډي ميروسلاو ماليووک څخه ۲۳ کاله کم عمره دی.

د فیفا د وېبپاڼې د معلوماتو له مخې، نړیوال جام ته د افغانستان تګ د اسیا جام په سیالیو کې د دغه ۱۸ کلن لوبغاړي د بریا او ګولونو له امله دی.

مهران غلامي د فیفا ویب پاڼې ته وویل: «دا زما د ژوند تر ټولو ښه ورځ وه. موږ ښه لوبه وکړه او د ښې نتیجې له امله مو وکولای شول نړیوال جام ته لار پیدا کړو. زه واقعیا ویاړم، چې موږ خپل هیواد د لومړي ځل لپاره نړیوال جام ته رسولی.»

مهران غلامي د فیفا ویب پاڼې ته وویل، چې د افغانستان د ملي لوبډلې اصلي هدف د نړیوال جام له ګروپي پړاو څخه مخکې تګ دی. هغه زیاته کړه، چې هغه په ​​ټولنیزو شبکو کې د ارجنټاین ځینې لوبغاړي تعقیبوي او د دوی پروړاندې له لوبيدو خوند اخلي.

غلامي زیاته کړه، چې اوکراین پرتګال ته ماتې ورکړه‎ او دا ښيي، چې دا لوبډله څومره پیاوړې ده.

د افغانستان خلک نړیوال جام ته ډیر لیواله دي او زه د خلکو له ملاتړ څخه مننه کوم او هیله لرم، چې د ملتونو د جام په څیر په نړیوال جام کې هم بریالي شو.

دغه سازمان ویلي، کله چې د ۱۴۰۰ کال د زمري په میاشت کې طالبان واک ته ورسېدل تر دې مهاله داعش ډلې د هزاره وګړو پر وړاندې د ۱۷ بریدونو پړه منلې، چې له امله یې شاوخوا ۷۰۰ تنو ته په کې مرګ ژوبله اوښتې ده.

د بشري حقونو څار سازمان په دایکنډي کې د ۱۴ هزاره ټبرو وژنې ته په اشارې چې داعش ډلې یې پړه منلې ویلي، چې له ۲۰۱۵ کال راهیسې چې د داعش ډلې په افغانستان کې سر راپورته کړی، زرګونه هزاره او د نورو مذهبي لږکیو پیروانو ته مرګ ژوبله اوښتې ده.
د بشري حقونو د څار دغه سازمان وايي، په ۲۰۲۱ کال کې دوی دې پایلې ته ورسېدل چې د داعش خراسان ډلې او نورو هغو هدفي وژنو ته چې د هزاره قوم پر وړاندې کېږي باید د بشري جنایت نوم ورکړل شي.
دغه بنسټ د جمعې په ورځ (د وږي په ۱۳مه) وویل، چې د افغانستان لپاره د ملګرو ملتونو د سازمان ځانګړي راپور ورکوونکي ریچارد بنېټ هم په افغانستان کې د داعش د بریدونو په اړه د څېړنو غوښتنه کړې.

د بشري حقونو څار سازمان لیکلي:« وروستي برید ته په کتو طالبان باید ژر تر ژره په افغانستان کې د ټولو زیانمنونکو په تېره د هزاره وګړو او نورو شیعه مذهبو د خوندیتوب لپاره کوټلي ګامونه واخلي.»
دغه سازمان ټینګار کوي، هغه هېوادونه چې له طالبانو سره اړیکې لري، په کار ده چې د زیانمنونکو خلکو په څنګ کې ودرېږي او په افغانستان کې د نړۍوالو جرمونو او جنایتونو پر وړاندې د ځواب ورکولو په کار کې خپل ملاتړ په ډاګه کړي.
د بشري حقونو د څار سازمان وايي، د وژل شویو کسانو کورنۍ عدالت ته د لاسرسي په چاره کې مرستې او ملاتړ ته اړمنې دي.
دغه سازمان ویلي، د ملګرو ملتونو د بشري حقونو شورا ته په کار دي،چې د افغانو او نړۍوالو بشري حقونو له ډلو سره یو ځای په افغانستان کې د بشري حقونو د سرغړوونکو د ځواب ویلو لپاره د یوې نړۍوالې تګلارې د رامنځته کولو په کار کې هم پاملرنه وکړي.
د داعش خراسان څانګې د پنجشنبې په ورځ (د وږي په ۲۲مه) په یوه بیان کې وویل، چې په دایکنډي کې یې ۱۵ ولسي خلک وژلي دي.
داعش ډلې د طالبانو له واکمنېدو څو میاشتې وروسته ګواښ وکړ، چې شیعه مذهبه وګړي به «له بغداده تر خراسانه» په نښه کوي او وژني به یې.

عمران خان د راولپنډۍ په اډياله زندان کې رسنیو ته وويل، چې علي امین ګنډاپور ته یې ویلي چې د خداى لپاره لاړ شئ او له افغانستان سره خبرې وکړئ.

د پاکستان جیو ټلوېزیون د خبر له مخې د پاکستان تحریک انصاف ګوند بنسټګر او پخوانی لومړی وزیر عمران خان په اډیاله زندان کې له خبریالانو سره په خبرو کې وویل، چې د دغه هېواد د پوليسو افسران د بغاوت په لور روان دي، پوليس په هر ځاي کې لاریونونه کوي، ځکه دوی له ٢٤ کالو راهسې د ترهګرۍ په ضد جګړه کې ښکیل دي.

عمران خان د خبریالانو د پوښتنو په ځواب کې ویلي: «په پاکستان کې د ترهګرۍ پای ته رسول بايد لمړيتوب وي، که ترهګري کنټرول نه کړل شي، نو د هیواد په زيان به وي او اقتصاد به په ټپه ولاړ وي.»

عمران خان زیاتوي، چې تر څو چې له افغانستان سره اړيکې نه وي ښې شوې، تر هغو به پاکستان ترهګرۍ سره لاس او ګرېوان وي. هغه ادعا وکړه چې د تحریک انصاف ګوند په واکمنۍ کې تر ټولو کمې د ترهګرۍ پېښې شوې وې. هغه ویلي: «که څوک د ترهګرۍ د پای ته رسولو هڅه کوي، همکاري دې وکړي، علي امين ګنډارپور د هېواد په ګټه خبرې کوي او د هېواد خلاف نه دی.»

د يادونې وړ ده، چې د خيبر پښتونخوا سر وزیر له افغان طالبانو سره د یوې جرګې له لارې په خپله په مستقیمه توګه د خبرو اعلان کړی دی.

د خیبرپښتونخوا سر وزیر علي امين ګنډاپور ویلي، چې مرکزي حکومت دې يوه جرګه جوړه کړي او ګاونډي هېواد ته دې د خبرو اترو لپاره واستوي.

نوموړي دغه څرګندونې په پېښور کې د طالبانو قونسل جنرال حافظ محب الله شاکر سره د لیدنې پرمهال کړې دي.
په دغه لیدنه کې د خېبرپښتونخوا سر وزير علي امين ګنډاپور ویلي، چې په سيمه كې د تلپاتې امن لپاره دې جدي هڅې روانې شي.
هغه وویل، چې سیمه‌ییزه سوله د پاکستان او افغانستان دواړو په ګټه ده.
نوموړي دغه راز زیاته کړې، چې حکومت په دغې صوبه کې د قانوني مېشتو شویو افغانانو د ستونزو د حل په برخه کې جدي کار کوي.
د دواړو خواوو ترمنځ په دې کتنه کې پر دوه اړخیزې سوداګرۍ، د سیمې د سولې، ټیکاو او د افغانانو پر ستونزو هم خبرې وشوې.
له بل پلوه د پاکستان د دفاع وزیر خواجه اصف د پنجشنبې په ورځ (د وږي ۲۲مه) وویل، چې هېڅ صوبه له کوم هېواد سره مستقیمې خبرې نه شي کولی او دا چې په دې اړه د خیبر پښتونخوا د سر وزیر علي امین ګنډاپور څرګندونې زهرجنې دي.
علي امین ګنډاپور تېره ورځ په پېښور کې د وکیلانو په یوې ناسته کې د وینا پر مهال له افغان طالبانو سره د مستقیمو خبرو اترو د پیلېدا خبره کړې وه.