د بښنې نړۍوال سازمان اسلام اباد کې د مخابراتي شبکو پر فعالیت بندیز او د سړکونو بندول غندلي
د بښنې نړۍوال سازمان په اسلام اباد او راولپنډۍ کې د مخابراتي شبکو پر فعالیت بندیز او د تحریک انصاف ډلې د مظاهرو د مخنیوي لپاره د سړکونو بندول غندلي.
د بښنې نړۍوال سازمان په اسلام اباد او راولپنډۍ کې د مخابراتي شبکو پر فعالیت بندیز او د تحریک انصاف ډلې د مظاهرو د مخنیوي لپاره د سړکونو بندول غندلي.
دغه سازمان پر اېکس پاڼه کاږلي:« په اسلام اباد او راولپنډۍ کې د مخابراتي شبکو او انټرنېټ بندول د بیان ازادۍ، معلوماتو ته د لاسرسي حق او د خلکو حقونه تر پښو لاندې کوي.»
دغه سازمان لیکلي، لکه څنګه چې حکومت د احتجاج په تمه د پيټيای په سلګونو پلویان نیولي او په پر له پسې ډول د پاکستان د تحریک انصاف (پی ټي ای) د مشرانو او ملاتړ کوونکو پر وړاندې یې د جنایي تورونو پر لګولو سره فشارونه زیات کړي دي.
د دغه سازمان په وینا، تر دې مخکې د اکتوبر په دویمه نېټه، پولیسو د خیبر پښتونخوا په خېبر ولسوالۍ کې د پښتون ژغورنې غورځنګ د خېمو د له منځه وړلو لپاره د اوښکې بهوونکي ګاز څخه کار واخیست.
د بښنې نړۍوال سازمان پر پاکستاني چارواکو غږ کړی، چې سمدستي دې مخابراتي شبکې بېرته فعالې کړي، د اعتراض حق ته دې درناوی وکړي او د سولهییزو مظاهره کوونکو پر ضد دې د هر ډول ناقانونه ځواک له کارولو ډډه وکړي.
دغه سازمان وړاندې ویلي، نیول شوي کسان دې باید سمدستي بېرته خوشې شي.
