اصف دورانی: طالبان دې په افغانستان کې د «ترهګرو» ډلو پر ضد ګامونه پورته کړي

یادې دوې لوبغاړې به نن په ۵۲ کیلو وزن کې په درېیو پړاونو کې خپله لوبه ترسره کړي.

د افغانستان د ازادو سیالیو لوبغاړې اروز احمدي ۱۸ کلنه ده او تر دې مهاله یې څلور لوبې ترسره کړې دي.

نوموړې خپلې درې لوبې ګټلې او یوه یې بایللې ده.

هغې تردې وړاندې د افغانستان په استازیتوب په بهرنیو او کورنیو سیالیو کې مډالونه هم ګټلي دي.

د اغلې احمدي پاکستانۍ سیاله مهام بیګ ۲۴ کله ده او د کیک بوکس او ایم ایم اې په برخه کې یې پنځه سیالۍ تر سره کړې، چې څلور یې ګټلې او یوه یې بایللي ده.

د پېښور امنیتي ادارې له تېرو څو ورځو راهیسې په خیبر کې د دغې کېدونکي جرګې پر جوړونکو بریدونه کوي، اوښلن ګاز پرې شیندي او د دوی خیمو ته اور ورته کوي.

ټي ټي پي ویلي، چې د هر هغه کس، ډلې او غورځنګ ملاتړ کوي، چې د مظلومانو د حقونو په اړه غږ پورته کوي او عملي ګامونه اخلي.

پاکستاني طالبانو د شنبې په ورځ د (تلې ۱۴مه) د یوې خبرپاڼې په خپرولو سره د پښتون ژغورنې غورځنګ له لوري د اکټوبر په ۱۱مه په خیبر کې د پښتنو له ترسره کېدونکي لویې قامي جرګې څخه خپل ملاتړ اعلان کړی.

د ټي‌ټي‌پي له لوري په خپره شوې خبرپاڼه کې لیکل شوي، چې پاکستاني طالبان له «هر هغه کس، ډلې او غورځنګ» ملاتړ کوي، چې د مظلومو کسانو د حقونو لپاره غږ پورته کوي او په دې برخه کې عملي ګامونه اخلي.

تحریک طالبان پاکستان لیکلي، چې د پاکستان د ظالم ریاست له لوري د پښتونو پر حقونو او طبیعي زیرمو چور او تالان روان دی.

پاکستاني طالبان وايي،‌ چې پر پښتنو د پاکستان د حکومت له لوري، ظلم، د کسانو نادرکه کولو، بمباریو او د پښتنو به سیمو کې پر طبیعي زیرمو ناجایزه ولکې له امله د پښتون ژغورنې غورځنګ لویه قامي جرګه جوړوي، خو د پاکستان له لوري د پښتنو د حق غوښتنې دغه کلتوري جرګه او غږ پورته کول نا قانونه بلل کیږي او د جرګې پر تنظیمونکو او پښتونو باندې بریدونه کیږي.

پاکستاني طالبانو د پښتنو د لويي قامي جرګې په ملاتړ ویلي: «د پاکستان واکمنو ته وایو، چې دومره ظلم وکړئ، چې بیا یې د زغملو توان ولرئ، ځکه چې د ظلم دا دوران به مو ژر ختم شي»

دا په داسې حال کې ده، چې د پاکستان حکومت د اکټوبر په ۱۱مه د ترسره کېدونکې جرګې د مخنیوي لپاره پوره هڅې کوي او په تېرو څو ورځو کې یې د یادې جرګې لسګونه تنظیمونکي او د پښتون ژغورنې غورځنګ غړي نیولي او په خیبر کې د جرګې خیمې ویجاړې کړې دي.

پاکستاني رسنیو نن یکشنبه د (تلې ۱۵مه) خبرونه خپاره کړي چې تېره ورځ ناوخته د بلوچستان په قلات سیمه کې د پاکستاني پوځيانو پر کاروان برید شوی چې په کې څلور پوځيان وژل شوي او درې نور ټپیان شوي.

خبر زیاتوي چې د پوځ پر دغه کاروان پر لاره لومړی د یوه ماین چاودنه شوې بیا وسله وال بریدونه پرې شوي.

د دغه برید مسوولیت بلوڅ بیلتون پالو منلی او په برید کې د نهو پاکستاني عسکرو د وژلو او پنځو د ټپي کېدو دعوه کړې.

په یوه بل خبر کې پاکستاني رسنیو ويلي چې تېره ورځ ناوخته د خیبرپښتونخوا کورمې په پستونې سیمه کې د پاکستاني پوځیانو پر ګزمه برید شوی چې په پایله کې یې څلور پوځیان وژل شوي او دوه تپیان شوي.

پر دغې ګزمې وسله والو مخامخ ډزې کړې دي او مرګ ژوبله یې اړولې ده.

په کورمه کې پر پاکستاني پوځيانو د دغه برید مسوولیت د ټي ټي پي جماعت الاحرار ډلې په اړه اخیستی او د ۱۵ پوخيانو د مرګ ژوبلې دعوه یې کړې ده.

د دغو دواړو بریدونو په اړه تر اوسه پورې پاکستان پوځ په رسمي ډول خبرپاڼه نه ده خپرې کړې.

تېره ورځ شنبه د پاکستان پوځ ویلي و، چې د شمالي وزیرستان په سپین وام کې له وسله والو سره په نښته کې د يوه لوړ پوړي افسر په ګډون شپږ پاکستاني پوځيان وژل شوي دي.

د پاکستان پوځ ویلي و، چې په متقابلو ډزو کې یې شپږو وسلوال هم وژلي وو.

په دې وروستیو کې په خیبرپښتونخوا او بلوچستان کې پر پاکستاني پوځیانو بریدونو زور اخیستی او نږدې هره ورځ پرې د وسله والو له لوري سخت بریدونه کیږي او مرګ ژوبله ور اړوي.

دوی له طالبانو هم وغوښتل چې د خلکو، په ځانګړې توګه د ښځو او توکمونو حقونو ته درناوی وکړي او یو ټولګډونه او معتدل نظام رامنځ ته کړي.
د دې اعلامیې له مخې چې یوه کاپي یې افغانستان انټرنشنل ته هم رسیدلې، د ګډون کوونکو هېوادونو استازو په افغانستان کې د ترهګرۍ سره تړلي امنیتي وضعیت په اړه د ژورې اندېښنې په څرګندولو سره یادونه وکړه چې «په افغانستان کې مېشتې ترهګرې او بېلتونپالې ډلې، د نړۍ او سیمې امنیت ته جدي ګواښ دی.»
په اعلامیه کې راغلي، چې ګډونوالو په دوه اړخیزه او څو اړخیزه کچه د ترهګرۍ پر وړاندې د مبارزې پر پیاوړتیا ټینګار وکړ او له ترهګرۍ سره د مبارزې او د ترهګرۍ د له منځه وړلو په برخه کې یې له طالبانو خپل ملاتړ څرګند کړ.

همدا راز، دوی په سوله ییز، واحد او خپلواک هیواد د افغانستان د بدلیدو ملاتړ وکړ.
د اعلاميې په پای کې ګډون کوونکو هېوادونو په افغانستان او ګاونډيو هېوادونو کې د دریم ګړي هېوادونو د پوځي بنسټونو د جوړولو پر هڅو نيوکه وکړه. خو په دې اړه يې وضاحت ور نه کړ.

تر دې مخکې داسې راپورونه خپاره شوي وو چې امریکا د افغانستان د حالاتو د څارنې لپاره د پاکستان په شمال کې اډې جوړې کړې دي. د مسکو غونډې ګډونوالو وویل، چې «د دغو اډو جوړول د سیمې له ګټو او ثبات سره سمون نه لري.»
دوی همدا راز، د افغانستان په ګډون د سیمه ییزو اقتصادي پروژو د پراختیا او د روغتیا، د بې وزلۍ د کمولو، کرنې او د طبیعي پېښو د مخنیوي په برخو کې د دوامداره پرمختګونو د ملاتړ په برخه کې خپله لېوالتیا څرګنده کړه، څو له افغانستان سره د خپلواک او پایداره پرمختګ په چټکتیا کې مرسته وشي.
ګډون کوونکو هېوادونو په سیمه ییز اتصال کې د افغانستان د فعال ګډون ملاتړ وکړ.
د مسکو غونډې له نړۍوالې ټولنې وغوښتل، چې افغانانو ته د بیړنیو بشري مرستو رسولو بهیر چټک کړي او ټینګار یې وکړ چې د دې مرستو سیاسي کول د منلو وړ نه دي.
د دغې غوڼدې ګډون کوونکو هېوادونو له طالبانو وغوښتل، چې یو متوازن، موثر او ټول ګډونه نظام جوړ کړي څو "د ښځو، نجونو او ټولو توکمونو په ګډون د ټولو افغانانو بنسټیزو حقونو او ګټو ته درناوی وشي."
د سیمې هېوادونو له طالبانو هم وغوښتل، چې د افغانانو لپاره لازم شرایط برابر کړي، د هغوی د لا زیاتې کډوالۍ مخه ونیسي او د کډوالو د راستنېدو لپاره اسانتیاوې رامنځ ته کړي.
په اعلامیه کې د ایران، پاکستان او د سیمې یو شمېر نورو هېوادونو څخه چې په میلیونونو افغان کډوالو یې منلي ستاینه شوې ده. دا په داسې حال کې ده چې ایران او پاکستان هوډ لري چې بې اسناده کډوال بیرته افغانستان ته راستانه کړي.
د افغانستان په اړه د مسکو شپږمه غونډه د جمعې په ورځ د طالبانو، چین، هند، ایران، قزاقستان، قرغزستان، پاکستان، روسیې، تاجکستان او ازبکستان د استازو په حضور کې د دوو ورځو لپاره جوړه شوه او د شنبې په ورځ پای ته ورسېده.
په دې غونډه کې د طالبانو د بهرنیو چارو وزیر امیرخان متقي هم ګډون کړی و.

د دغه ډاکټر خپلوان وايي، چې تېره ورځ شاوخوا يوولس بجې د احمد سليمان بارکزي شخصي کلينيک ته ناپېژانده کسان ننوتل او هغه په چاقو يې وواژه او د هغه مېرمن عاطفه رحماني یې هم سخته ټپي کړه.

د ښځو د حقونو فعاله مرضیه بارکزۍ چې د احمد سلیمان له خپلوانو څخه ده، وايي، چې دغه بریدګر کسان پر دوو ځوانو ډاکټرانو له برید وروسته له سیمې وتېښتېدل.

مېرمن بارکزۍ د شنبې په ورځ (د تلې ۱۴مه) پر خپلې اېکس پاڼې لیکلي، چې دا پېښه د فراه ولایت په مرکز کې شوې ده.

د هغې په ​​وينا، د احمد سليمان بارکزي مېرمن هم ډاکټره ده او په دې بريد کې سخته ټپي شوې ده. مرضیه بارکزۍ وايي، چې ډاکټره عاطفه د ۹میاشتو مینداره ده او روغتیايي وضعیت یې ښه نه دی.

طالب چارواکو تر اوسه په دې اړه څه نه دي ویلي.