د بلوچستان د ډبرو سکرو پر یوه کان برید کې د ۳ افغانانو په ګډون ۲۰ تنه کاریګر وژل شوي
د بلوچستان په ډکي سیمه کې د ډبرو سکرو په یوه کان د برید په پایله کې د درېیو افغانانو په ګډون ۲۰ تنه کاریګر وژل شوي دي.
د بلوچستان په ډکي سیمه کې د ډبرو سکرو په یوه کان د برید په پایله کې د درېیو افغانانو په ګډون ۲۰ تنه کاریګر وژل شوي دي.
په سیمه کې پولیس چارواکو د دغې پېښې پخلی کړی او ویلي یې دي، چې په دغې پېښه کې د څلورو افغانانو په ګډون ۷ تنه مزدوران ټپیان شوي هم دي.
د پولیسو په وینا، ښایي د وژل شویو کسانو شمېره لوړه شي.پولیس چارواکو زياته کړې، چې د بريد پر مهال دغه مزدوران په خونه کې ويده وو.چارواکي وایي، د هغو ټپیانو چې روغتیایي حالت یې نازک وو د درملنې لپاره د کوټې روغتونونو ته لېږدول شوي دي.د ډکي روغتون یو تن چارواکي ویلي، چې تر دې دمه روغتون ته ۲۰ مړي او اووه ټپيان ور وړل شوي دي.د يادې سيمې ولسوال او د ډبرو سکرو د کان خاوند خيرالله وایي، چې دغه کان له ښاره يوازې يو نيم کيلومتره واټن لري.د کان د خاوند حاجي خيرالله په وينا، وژل شوي کان کېندونکي د بلوچستان له پښتون مېشتو سيمو لورالايي، کچلاک او موسى خېلو سره تړاو لري او درې تنه نور کان کېندونکي بیا افغانان دي.په ډکي کې د سوداګرو ټولنې د لاریونونو اعلان کړی او په ښار کې يې کاروباري مرکزونه هم تړلي دي.
لا تراوسه د دغې پېښې پړه چا په غاړه نه ده اخیستې.
