روسیې او پاکستان ترهګرۍ ضد پوځي تمرینات پیل کړل

د اکثریت فکري او سیاسي ډلې نن سې شنبې «د تلې ۲۴مه» په خپلې خواله رسنۍ اېکس کې د پښتنو قومي جرګه ارزیابي کړې ده.

دغه ډلې لیکلي، چې د جرګې په جریان کې د پښتنو هغه کاذب انځور چې په تېرو ۱۶۰ کلونو کې د "استعمار" له خوا جوړ شوی و، مات شو او ښځو په دې جرګه کې پراخ ګډون درلود او خپل غږ یې پرته له سانسور څخه پورته کړ.

د اکثریت فکري او سیاسي ډله لیکي: « بله ارزښتمنه لاسته راوړنه دا وه چې د پښتون ژغورنې غورځنګ مشر او د جرګې نوښتګر منظور پشتین په ډیرو څرګندو ټکو د رسنیو په مخکې د ډېورنډ کرښه د استعمار زوړ اثر وباله او د دې کرښې رسمیت یې رد کړ، چې دا د پښتنو لپاره یو تاریخي پرمختګ ګڼل کېږي.»

اکثریت فکر او سیاسي ډله په دې باور ده، د پښتنو قومي جرکې چې له دې سره یې هغه کلیشه هم ماته کړه، چې ګنې یوازې د بر وطن افغانان د ډيورنډ کرښه نه مني او ښکته افغان پښتانه پاکستان سره خوښ دي.

دغه ډله یو دا یو داسې غیر رسمی ریفرنډم یادوي، چې د دوی په وینا؛ د دې کرښې له کښلو را هیسې یې د افغانستان هر دولت د دایرولو غوښتنه کوله، تر څو ښکته پښتنو ته د خپل برخلیک د ټاکلو حق ورکول شي، خو دغه غیر رسمي رفرنډم وښوده چې تر بره پښتنو ښکته پښتانه زیات د دې جبري کرښې مخالف دي.

د «اکثریت» ډلې له نظره دا جرګه د لر و بر افغانانو د یووالي د لسیزو پخواني ارمان د پوره کېدو لور ته لومړنی ګام و، چې ولسونو په خپله نوښت د پاکستاني جبر لاندې پورته کړ.

د جنوبي کوریا پوځي چارواکو ټینګار کړی، چې دغو چاودنو د پولې جنوبي برخې ته زیان نه دی اړولی.

پیونګ یانګ تېره اونۍ اعلان وکړ، چې په بشپړ ډول یې ګډ سړکونه او ریل پټلۍ قطع کړي او په سرحدي سیمو کې یې خپل ځواکونه پیاوړي کړي دي.

جنوبي کوریا هم خبرداری ورکړی، چې شمالي کوریا د ورانۍ لپاره تیاری نیسي.

تاوتریخوالی وروسته له هغه زیات شو، چې شمالي کوریا جنوبي کوریا پیونګ یانګ ته د جاسوسي الوتکو په استولو تورنه کړه.

پیونګ یانګ وویل، چې بې پیلوټه الوتکو د شمالي کوریا ضد لوی شمېر تبلیغاتي پاڼې غورځولې او دا یې یو لوی سیاسي او نظامي پارونه بللې چې د وسله والې جګړې لامل کېدی شي.

تر دې مخکې د غبرګولي په میاشت کې شمالي کوریا له پیونګ یانګ څخه د جنوبي کوریا اسمان ته له کثافاتو او سرې ډک ۲۶۰ بالونونه واستول.

سیول دغه عمل غندلی او هغه یې «ناوړه او خطرناک» بللی دی.

د شمالي کوریا مشر کیم جونګ اون د دوشنبې په ورځ د دفاعي او امنیتي چارواکو سره غونډه وکړه چې د "دښمن جدي پارونې ته چې د کوریا د ډېموکراتیک ولسي جمهوریت حاکمیت ته زیان رسوي" ځواب ورکړي.

په سیول کې د پوځي چارواکو په وینا، شمالي کوریا لا د مخه ماینونه او سرحدي خنډونه نصب کړي وو او د دوشنبې په ورځ یې د درنو تجهیزاتو سره نور فعالیتونه ترسره کړل.

د جنوبي کوریا د پوځ ګډو ځواکونو اعلان وکړ، چې له دې پېښې وروسته یې خپله څارنه او چمتووالی زیات کړی دی.

د ۱۹۵۳-۱۹۵۰ کلونو جګړې له پای ته رسېدو راهیسې د دواړو کوریاګانو ترمنځ اوربند شوی، خو د سولې د تړون د نشتوالي له امله دا دواړه هېوادونه لا هم په رسمي توګه په جګړه بوخت دي.

کله چې یوه خبریال نوموړی د شانګهای له سرمشریزې نه د خپلو هېلو په تړاو وپوښت، جنرال اصف منیر وویل، « موږ یوازې پر پاکستان تمرکز کوو او موفقیت یې غواړو»

پاکستان نن د شانګهای سرمشریزې د ۲۳مې ناستې کوربه دی چې دوه ورځې به غځیږي.

ټاکل شوې د چین د لومړي وزیر ترڅنګ چې له غونډې وړاندې اسلام اباد ته تللی، د روسیې، ترکمنستان، او تاجکستان لومړي وزیران هم په دې غونډه کې ګډون وکړي.

د هند او کرغیزستان د بهرنیو چارو وزیران او د اوو نورو هېوادونو استازي هم په ناسته کې د ګډون لپاره اسلام اباد ته تللي دي.

د شانګهای سرمشریزه داسې مهال په اسلام اباد کې کیږي، چې په پلازمېنه او شاوخوا کې د احتمالي پېښو د مخنیوي لپاره ټینګ امنیتي تدابیر نیول شوي.

د چین لومړي وزیر لي کیانګ د همدې امنیتي ګواښونو له امله په ګوادر کې د پکینګ په مرسته جوړېدونکی هوايي ډګر له اسلام اباده انلاین پرانېست.

له سويلي وزيرستان سرچينو افغانستان انټرنشنل ـ پښتو ته د سې شنبې په ورځ يو ويډيو لېږلې، چې پکې چارواکې له هغه وروسته یو روغتون تړي او ډاکټر زنداني کوي، چې په غاښ اېستلو کې ترې دا ۸ کلنه ماشومه مړ ه کېږي.

د سرچینو په خبره، د ډاکټر بېغورۍ او د ماشومې مړينې ځايي خلګ خفه کړي.

افغانستان انټرڼشنل پښتو ته د ماشومې انځور هم رسېدلې چې پر مخ یې وینې روانې دي.

د خيبرپښتونخوا اوسېدونکې په دغه صوبه په تېره لرې پرتو سيمو کې د روغتيايي مرکزونو او مسلکي ډاکټرانو د نشتون له کبله اندېښمن دي او د سختو ناروغانو د تداوي له کبله مجبور دي، چې اسلام اباد او پنجاب ته په ساعتونو ساعتونو مزل وکړي.

څو ورځي مخکې په خيبر کې د پښتنو په قومي جرګه کې د پښتنو په سيمه کې د بې سوادۍ په له منځه وړلو هم خبري وشوې او په غونډه کې ټینګار شوی و، چې باید دوی ته د نورو حقونو د ورکولو ترڅنګ د تعلیم او روغتيا حق ورکول شي.

په غونډه کې ويل شوې وه، چې په اسلام اباد او پنجاب کې لوی روغتيايي مرکزونه شتون لري، چې باید په دې برخه کې خيبر پښتونخوا ته پاملرنه زیاته شي.

د پاکستان یوې رسنۍ نیوز انټرنشنل د راپور له مخې، د تورخم د ګمرک مشر محمد عمر جان په یوه خبري کنفرانس کې وویل، چې یوې ډلې د کره معلوماتو له ترلاسه کولو وروسته له افغانستان د ډبرو سکرو یوه لارۍ کې دا وسلې ونیولې.

د چارواکو په وینا، په دغه موټر کې ۱۵ اېم ۴ ټوپکونه، ۱۷۰ مجلې او تر ۵۱۰۰ زیاتې مرمۍ بار شوې وې.

د دغو وسلو ارزښت ۳۵ میلیونه پاکستانۍ کلدارې اټکل شوی، چې د څه باندې ۱۲۶ زره ډالرو معادل دی.

د پاکستان د ګمرک چارواکو د دغو وسلو یو انځور هم خپور کړی دی.

يوې امريکايي رسنۍ میډیا لاین په خپل راپور کې ليکلي، چې پاکستاني چارواکي ګمان کوي دغه وسلې د پاکستاني طالبانو په ګډون بېلابېلو ډلو ته ورکول کیږي.

چارواکي وايي، موټر چلوونکی او یو ملګری یې نیولي او د پوښتنو لپاره یې نامعلوم ځای ته لېږدولي دي.

د پاکستان د ګمرک یوه چارواکي د امریکا خبري اژانس میډیا لاین ته ویلي، چې په نیول شویو وسلو کې ټوپکونه، توپانچې، د شپې د لید وسایل، زرګونه مرمۍ او نورې عصري وسلې شاملې دي.
په اسلام اباد کې د شانګهای همکارۍ سازمان تر کنفرانس یوه ورځ مخکې د امریکايي وسلو د یوې مهمې زیرمې نیول د "ترهګرۍ ضد" ستر عملیات بلل شوي دي.

تر دې وړاندې هم له پاکستاني طالبانو امريکايي وسلې کشف شوې وې.

د پاکستان امنیتي چارواکي او سیاسي مشران له ډیرې مودې راهیسې ادعا کوي، چې په افغانستان کې د امریکا پاتې وسلې او مهمات په پاکستان کې په بریدونو کې کارول کیږي.

د تېرې لیندۍ میاشت کې د پاکستان امنیتي ځواکونو اعلان وکړ ،چې د تورخم په پوله کې یې له سوداګریزو توکو له منځه یې پرمختللې امریکايي وسلې نیولې دي.
د ۱۴۰۱ کال د وري په مياشت کې په کاناډا کې يو امنيتي څيړنيز مرکز په خپل راپور کې ويلي و، چې له افغانستان څخه پاکستان ته د امريکا د وسلو د قاچاق بازار ډير ګرم شوی دی.

امریکايي چارواکو ویلي، چې د ۲۰۲۱ کال په اګست میاشت کې له افغانستانه د دغه هېواد د ځواکونو له وتلو او د طالبانو له واک ته د رسېدو وروسته، د ۷،۲ میلیارد ډالرو په ارزښت د امریکا وسلې او پوځي تجهیزات په افغانستان کې پاتې دي.
له پولې هاخوا د امریکايي وسلو د قاچاق او په پاکستان کې د امنیتي ځواکونو پر ضد د دغو وسلو د کارولو په اړه راپورونه د طالبانو له هغې ادعا سره په ټکر کې دي، چې ګواکې له افغانستان ګاونډیو هېوادونو په ځانګړې توګه پاکستان ته کوم ګواښ نه دی.
پاکستاني چارواکي پرله پسې نیوکې کوي، چې پاکستاني طالبان د امریکايي ځواکونو د شپې لېزري وسلو په کارولو سره د دغه هېواد پوځیان وژني.