د غزې په جبالیه پنډغالي د اسراییل په بریدونو کې ۳۳ فلسطینیان وژل شوي دي
د غزې په شمال کې د جبالیه په پنډغالي د اسراییلي پوځ په بریدونو کې لږ تر لږه ۳۳ فلسطینیان وژل شوي او تر ۸۰ زیات ټپیان دي.
د غزې په شمال کې د جبالیه په پنډغالي د اسراییلي پوځ په بریدونو کې لږ تر لږه ۳۳ فلسطینیان وژل شوي او تر ۸۰ زیات ټپیان دي.
اسراییلي ځواکونو د غزې په شمال کې د العوده او کمال عدوان روغتونونه هم په نښه کړي دي.
د غزې په شمال کې له تېرې شپې راهیسې اسراییلي پوځ په سیمه کې خونړي بریدونه ترسره کړي دي.
د راپورونو له مخې، د دغو وژل شویو کسانو له ډلې شاوخوا ۲۰ تنه یې ښځې او ماشومان دي.
د الجزیرې د راپور له مخې، ښایي د وژل شویو کسانو شمېر تر دې هم لوړ شي ځکه چې ډېری مړي لاهم تر خاورو لاندې دي.
د اکتوبر له ۵ مې نېټې راهیسې په غزه کې د اسراییل پوځ عملیاتو زور اخیستی او د ملکي خلکو لپاره یې د وتلو امر هم کړی دی.
له سیمې څخه د ترلاسه شویو راپورونو پر بنسټ، شاوخوا ۴۰۰زره کسان د خوړو، اوبو او درملو ته د لاسرسي پرته ایسار پاتې دي.
له بل پلوه په جبالیه سیمه کې د مخابراتي شبکو د بندېدو راپورونه هم ورکړل شوي دي.
په تېرو دوو اونیو کې د غزې په شمال کې د اسراییل په بریدونو کې تر ۴۵۰ زیات کسان وژل شوي دي.
