د شمال ختيځ زون ځوانانو په ارګ کې د طالبانو د رییس الوزرا د دفتر له مشر سره په ليدنې کې له هغوۍ غوښتي، چې د بې روزګارۍ د ستونزې حل دې په خپلو لومړيتوبونو کې شامل کړي.
ځوانانو د تعليم له پاره د شرايطو د برابرولو، د کډوالۍ د مخنيوي او د خپلو ولایتونو ستونزې هم له طالبانو سره شريکې کړي دي.
د طالبانو ارګ د دوشنبې په ورځ په يوې اعلاميه کې د رییس الوزرا د دفتر له مشر عبدالواسع او نورو طالب چارواکو سره د کندز، تخار او بدخشان د ځوانانو د ليدنې خبر ورکړی.
په ليدنه کې ځوانانو د بې روزګارۍ ستونزه جدي بللې او ويلي يې دي، چې له همدې کبله د هېواد ځوانه طبقه له سخت وضعیت سره مخ ده.
په دې لیدنه کې د ځوانانو په استازيتوب ډاکټر روح الله اماني او مولوي منهاج الله فايق په خپلو خبرو کې له طالبانو غوښتي: « د تعلیم او تحصیل لپاره دي مناسب شرایط برابر، د بېکارۍ ستونزې دې حل او د ځوانانو د کډوالۍ مخه دي ونیول شي. او همدارنګه دې په شمال ختیځ زون کې د خلکو د بې وزلۍ، سړکونو، برېښنا، کرنې، مالدارۍ او باغدارۍ ستونزو ته پاملرنه زياته شي.»
د رییس الوزرا د دفتر مشر عبدالواسع بیا وويل: « د اشغال په شلو کالو کې ځوانانو ته هیڅ ډول پاملرنه نه ده شوې او د افغانستان ځوانانو ته د دوامدارې کارموندنې لپاره فابریکې او نورې اساسي پروژې نه دي جوړې شوي.»
نوموړي ټينګار کړی، چې د کورنيو او بهرنيو پانګوالو څخه یې د فابريکو جوړولو او ځوانانو ته د فرصتونو د برابرولو غوښتنې کړي دي.
په افغانستان کې واک ته د طالبانو له رسېدو را وروسته دغه ډلې په تېرو درېيو کلنو کې تر ډېره هڅه کړې، چې خپلو جنګيالیو ته د کار زمينه برابره کړي.
پر دغه ډله نيوکه کيږي، چې له دولتي ادارو څخه یې د تير جمهوري دولت ډېری کارکوونکي له دندو لرې کړي او مسلکي بستونه يې غيري مسلکي کسانو ته ورکړي دي.
په تېرو درېيو کلونو د بې کارۍ او اقتصادي ستونزو له کبله یو شمیر کسانو ځان وژنې هم کړي دي.
تېره ورځ په دغه ډول يوه پېښه کې د کندهار په شهیدانو څلور لارې يو کس د اقتصادی ستونزو له کبله ځان ته اور اچولی و خو د خلکو له خوا وژغورل شو.
په دې لوبه کې د افغانستان لپاره نوید محبوبي، یاسر صافي، جواد ابراهیمي او ساحل سروري ګولونه وکړل.
د افغانستان لوبډله د دغو سیاليو په دوهم ګروپ کې د بنګله دېش، کمبودیا، فلیپین او مکايو له لوبډلو سره لوبيږي.
په دې بریا سره ډېر امکان شته، چې افغان لوبډله د ګروپ د سر ځای ونیسي.
د الیاس احمد منوچهر تر روزنې لاندي به افغان لوبغاړي دوې ورځې وروسته له مکايو لوبډلې سره د سيالۍ ډګر ته کښته کېږي او خپل بخت به ازمويي.
د امریکا د کلیفورنيا ایالت په ساکرامنټو کې د دوشنبې په ورځ د پښتون ژغورنې غورځنګ غړو او يو شمېر افغانانو د والي دفتر مخې ته لاريون وکړ او د افغانانو د حق غوښتلو شعارونه یې ورکول.
لاريون والو د ایران د سرحدي ځواکونو له خوا د افغان کډوالو وژل غندلي او له ټولو افغانانو یې غوشتنه کړې، چې په دې اړه د حق غوښتلو غږ پورته کړي.
په ساکرامنټو کې د والي دفتر مخ ته يو افغان معترض وويل: « له نړيوالو غواړو، چې زموږ د شهیدانو حق باید واخستل شي.»
په همدې لاريون کې يوې مېرمنې پر طالبانو او افغانانو نيوکه وکړه، چې د افغان انسان مرګ ته چوپه خوله ناست دي او هيڅ غبرګون نه ښیي.
هغې زياته کړه: « ټول ولې خاموش دي، ایا افغان انسان د ژوند حق نه لري؟ ایا موږ انسانان نه يو؟ ایا افغانان کورنۍ نه لري؟ ولي موږ همېشه خاموشه یو؟ باید ټول د حق غوښتلو لپاره غږ يو کړو.»
بل لور، پرون یکشنبه د بلجيم په پلازمېنه بروکسل کې د اروپايي پارلمان مخې ته هم یو شمېر افغانانو د ایران، پاکستان او طالبانو پر ضد شعارونه ورکول.
لاريونوالو د افغانستان اوسني واکمنان پړه وبلل، چې پر پېښه غلي دي او غبرګون نه ښیي.
د دې کسانو د شعار یوه برخه دا وه چې« مرګ پر طالبانو، مرګ پر ایران او پاکستان، چې همېشه له افغانانو سره ظلمونه کوي، طالبان د خپلې بې پروايۍ له کبله د همدې افغانانو د وژنو لامل دي.»
معترضانو له اروپايي پارلمان څخه وغوښتل، چې د ایراني سرحدي ځواکونو له لوري د افغانانو د ډله ييزي وژنې پېښه په بې طرفه ډول وڅېړې او پايلې یې اعلان کړي.
د یادونې وړ ده، چې د شنبې پر ورځ هم یو شمېر معترضان په لندن کې د ایران د سفارت مخې ته راټول شوي وو. دوی هم د افغان کډوالو د وژلو په اړه د ایران د دولت د ځواب ویلو غوښتنه کوله او له نړۍوالو ادارو یې وغوښتل، چې په دې اړه څېړنې وکړي.
د دې ترڅنګ د کاناډا په تورنټو او يو شمېر نورو هېوادونو کې هم ورته لاريونونه شوي دي.
