ټرمپ پر هارېس د ډیک چینې د لور د ملاتړ د ترلاسه کولو له امله نیوکه وکړه

دغه پېښه په بدکرویڅ ناخ سیمه کې په یو پارکېنګ کې د شخړې پرمهال رامنځته شوې.

د سیمې پولیس وایي، چې ۳۵ کلن افغان په یوه درې کسیزه شخړه کې د یو سوریايي وګړي د چړې په وار لومړی پر اوږه ټپي شوی و، خو وروسته د ټپونو له امله مړ شوی.

د جرمني رسنیو د رپوټونو له مخې، وژونکی د پېښې له ځایه تښتېدلی و، خو وروسته پولیسو نیولی او د څارنوالۍ په حکم زنداني شوی.

پولیس شک ښيي چې یاده پېښه له نشه یي توکو سره اړوند ده.
په جرمني کې په دې وروستیو کې د چړې بریدونه ډېر شوي او د بادن ورتمبرګ ایالت د منهایم ښار له پېښې وروسته چې یو افغان پکې ښکیل و، افغانان ځانونه ډېر اغیزمن ګڼي.

د ملګرو ملتونو اړوند دغه سازمان اعلان کړی، چې د جنوبي سوډان له څلورمې برخې ډېر خلک د اوبو د ډېرېدو له امله د خپلو کورونو پرېښودو ته اړ شوي.
د ملګرو ملتونو اړوند دغه سازمان اعلان کړی، چې د جنوبي سوډان له څلورمې برخې ډېر خلک د اوبو د ډېرېدو له امله د خپلو کورونو پرېښودو ته اړ شوي دي.
اوچا راپور ورکړی چې بې ځایه شویو په لوړو سیمو کې پناه اخیستې، خو سختو بارانونو ورته رسېدل ستونزمن کړي دي.

د یوې دولتي ادارې د راپور له مخې، د دغه هېواد په ختیزه پیبور سیمه کې تر ۱۱۲ زرو ډېرو کسانو خپل کورونه له لاسه ورکړي.

د مرستې او بیارغونې ادارې رییس جوزف نیاو وايي، "هغه کسان چې په لوړو سیمو کې یې پناه اخیستې ان کافي خواړه هم نه لري او خپله ټوله شته یې په خپلو کورونو کې پرېیښې ده."

هغه خبرداری ورکړ: «د اوبو کچه مخ پر لوړېدو ده او خلک لاهم بې ځایه کیږ.ي.
اوچا همداراز خبر ورکړی، چې د بارانونو له پیل راهیسې د توکونو د رسولو ۱۵ لویې لارې بندې شوې او دې وضعیت شاوخوا ۵۰۰ زره کسانو ته د مرستو رسول ستونزمن کړي دي.

د ملګرو ملتونو په وینا، جنوبي سوډان چې پخوا په سخت بشري ناورین کې ښکیل و، اوس له ډیر فشار سره مخ دی او دې کړکېچ ته د ځواب ویلو توان یې ډیر محدود دی.

د رسنیو د راپورونو له مخې، فتح الله ګولن چې د ګولن خوځښت مشر او د ترکیې د ولسمشر رجب طیب اردوغان سیاسي مخالف و، د یکشنبې په ورځ د امریکا په پنسلوانیا ایالت کې د ۸۳ کالو په عمر مړ شو.

د ګولن په نوم خوځښت د دغه ترکیې سیاستوال او مذهبي مشر په لاس جوړ شوی و.

د یاد خوځښت ملاتړي وايي، چې دوی د ریښتیني او معاصر اسلام استازیتوب کوي.

د ترکیې حکومت پر ښاغلي ګولن تور لګولی، چې نوموړي په ۱۳۹۵ کال کې د ترکیې د ولسمشر رجب طیب اردوغان پر حکومت د ناکامې کودتا هڅه کړې وه.

خو نوموړي تل دا تورونه رد کړي وو.

فتح الله ګولن په ۱۹۹۹ کال کې امریکا ته ولیږدول شو او د دغه هېواد په پنسلوانیا ایالت کې یې ژوند کاوه.

دغه ترک سیاستوال د “خدمت” په نوم هم یو بنسټ جوړ کړی و، چې د خبري رسنیو، ژورنالیزم، افریقايي او اسیايي هېوادونو کې یې د ښوونځیو جوړولو کې فعالیت کوي.

خو په ۲۰۱۳ کال کې په ورستیو کې د ترکیې د حکومت له لوري د دغه بنسټ پر ځینو فعالیتونه بندیزونه ولګول شول.

د پښتون ژغورنې غورځنګ مشر منظور احمد پښتین دوه ورځې وړاندې له پښتونو غوښتي و، چې په خیبر کې د پښتونو د قومي جرګې د پریکړو سره سم په پښتون مېشتو سیمو کې د نا امنۍ خلاف او د امن غوښتلو غږ پورته کړي او پاڅونونه وکړي.

تېره ورځ هم د پاکستان په بېلابېلو سیمو کې د امن پاڅون په نوم لاریونونه وشول او زرګونو کسانو په کې ګډون کړی وو.

خو د پاکستان د نورو سیمو برعکس نن په بنو کې د امن پاڅون په لاریون کې زرګونو کسانو ګډون کړی.

ځايي خبریالان وايي، په بنو ولسوالۍ کې ټولې تعلیمي او دولتي ادارې تړلې دي او خلکو په پاڅون کې ګډون کړی دی.

دغه پاڅون وال وايي، د اکټوبر په ۱۱مه په خیبر کې د پښتونو د قومي جرګې د پریکړو ملاتړ کوي او په خپله سیمه کې امن غواړي.

بل پلو د پاکستان حکومت په پرله پسېډول د پښتون ژغورنې غورځنګ د ملاتړو په نیولو لاس پورې کړی دی.

د دغه غورځنګ مشر منظور پښتین تېره ورځ ویلي و، چې تردې دمه د یاد یاد غورځنګ شاوخوا ۱۰۰۰غړي د پاکستان د حکومت له لوري نیول شوي او بندیان دي.

د پاکستاني طالبانو تحریک (ټي ټي پي) نن دوشنبه د (تلې ۳۰مه) د یوې خبرپاڼې له لارې په خپلو ټولو جنګیالو غږ کړی چې د پښتون ژغورنې غورځنګ د فعالیتونو او په خیبر کې د پښتنو قومي جرګې د پرېکړو په اړه د هغوی په وړاندې کوم ګام وانه خلي او غلي دې پاتې شي.

د پي ټي ایم په کوربه توب په خیبر کې د پښتنو قومي جرګه د اکتوبر له ۱۱مه تر ۱۳مې پورې ترسره شوه، خیبر کې د پښتنو جرګې د خپل پریکړه لیک په یوه ماده کې ویلي، چې په دوو میاشتو کې دې پاکستاني امنیتي ځواکونه له ټولې پښتونخوا ووځي.

د ټي ټي پي په خبرپاڼه کې د دغې ډلې ټولو غړو ته سپارښتنه شوې چې تر راتلوونکي وضاحت پورې غلي پاتې شي: «تر هغه وخته پورې دې ټول مجاهدین که هغه جنګیالي وي او یا د ټولنیزو رسنیو فعالان، باید د تحریک تګلاره غوره کړي او خپله ټوله توجه د ظالم، جابر او غاصب پوځ لوريته واړوي.»

خبرپاڼه زیاتوي، چې د ټي ټي پي د تګلارې له مخې د دوی هدف یوازې د پاکستان پوځ او امنیتي ادارې دي: «په همدې توګه موږ په ځلونو ویلي چې زموږ هدف یوازې پوځ امنیتي ارګانونه او د هغوی ملاتړي دي او پولیسو ته مو پیغام ورکړی چې تاسو زموږ اصلي هدف نه یاست، لطفاً په دې جګړه کې برخه مه اخلئ.»

تر اوسه پورې د پاکستان حکومت په دې اړه غبرګون نه دی ښودلی.

ټي ټي پي په خیبر کې د قومي جرګې ترسره کولو پر مهال څلور ورځې اوربند اعلان کړی و او تر هغه وړاندې یې له دغې جرګې خپل ملاتړ هم اعلان کړی و.