فتح الله ګولن د ۸۳ کلونو په عمر مړ شو

د پښتون ژغورنې غورځنګ مشر منظور احمد پښتین دوه ورځې وړاندې له پښتونو غوښتي و، چې په خیبر کې د پښتونو د قومي جرګې د پریکړو سره سم په پښتون مېشتو سیمو کې د نا امنۍ خلاف او د امن غوښتلو غږ پورته کړي او پاڅونونه وکړي.

تېره ورځ هم د پاکستان په بېلابېلو سیمو کې د امن پاڅون په نوم لاریونونه وشول او زرګونو کسانو په کې ګډون کړی وو.

خو د پاکستان د نورو سیمو برعکس نن په بنو کې د امن پاڅون په لاریون کې زرګونو کسانو ګډون کړی.

ځايي خبریالان وايي، په بنو ولسوالۍ کې ټولې تعلیمي او دولتي ادارې تړلې دي او خلکو په پاڅون کې ګډون کړی دی.

دغه پاڅون وال وايي، د اکټوبر په ۱۱مه په خیبر کې د پښتونو د قومي جرګې د پریکړو ملاتړ کوي او په خپله سیمه کې امن غواړي.

بل پلو د پاکستان حکومت په پرله پسېډول د پښتون ژغورنې غورځنګ د ملاتړو په نیولو لاس پورې کړی دی.

د دغه غورځنګ مشر منظور پښتین تېره ورځ ویلي و، چې تردې دمه د یاد یاد غورځنګ شاوخوا ۱۰۰۰غړي د پاکستان د حکومت له لوري نیول شوي او بندیان دي.

د پاکستاني طالبانو تحریک (ټي ټي پي) نن دوشنبه د (تلې ۳۰مه) د یوې خبرپاڼې له لارې په خپلو ټولو جنګیالو غږ کړی چې د پښتون ژغورنې غورځنګ د فعالیتونو او په خیبر کې د پښتنو قومي جرګې د پرېکړو په اړه د هغوی په وړاندې کوم ګام وانه خلي او غلي دې پاتې شي.

د پي ټي ایم په کوربه توب په خیبر کې د پښتنو قومي جرګه د اکتوبر له ۱۱مه تر ۱۳مې پورې ترسره شوه، خیبر کې د پښتنو جرګې د خپل پریکړه لیک په یوه ماده کې ویلي، چې په دوو میاشتو کې دې پاکستاني امنیتي ځواکونه له ټولې پښتونخوا ووځي.

د ټي ټي پي په خبرپاڼه کې د دغې ډلې ټولو غړو ته سپارښتنه شوې چې تر راتلوونکي وضاحت پورې غلي پاتې شي: «تر هغه وخته پورې دې ټول مجاهدین که هغه جنګیالي وي او یا د ټولنیزو رسنیو فعالان، باید د تحریک تګلاره غوره کړي او خپله ټوله توجه د ظالم، جابر او غاصب پوځ لوريته واړوي.»

خبرپاڼه زیاتوي، چې د ټي ټي پي د تګلارې له مخې د دوی هدف یوازې د پاکستان پوځ او امنیتي ادارې دي: «په همدې توګه موږ په ځلونو ویلي چې زموږ هدف یوازې پوځ امنیتي ارګانونه او د هغوی ملاتړي دي او پولیسو ته مو پیغام ورکړی چې تاسو زموږ اصلي هدف نه یاست، لطفاً په دې جګړه کې برخه مه اخلئ.»

تر اوسه پورې د پاکستان حکومت په دې اړه غبرګون نه دی ښودلی.

ټي ټي پي په خیبر کې د قومي جرګې ترسره کولو پر مهال څلور ورځې اوربند اعلان کړی و او تر هغه وړاندې یې له دغې جرګې خپل ملاتړ هم اعلان کړی و.

تر اوسه پورې د دغه برید مسوولیت چا نه دی منلی.

پاکستاني رسنیو راپور ورکړی، چې تېره ورځ یکشنبه ماښام د خیبر پښتونخوا په بنو کې د پاکستان د ترهګرۍ ضد څانګې یو افسر خپل کورته نږدې جومات ته پر لاره وسله والو په ډزو وژلی او په دغه برید کې دوه تنه نور ټپیان شوي.

ويل کیږي په برید کې ټپیان شوي کسان یو د دغه افسر ورور او بل یې نږدې خپلوان دی.

ځايي پولیسو رسنیو ته ويلي، چې دغه افسر شیرعلي نومېده او تېر ماښام له کوره جومات پر لاره و، چې ناڅرګندو وسله والو پرې ډزې وکړې او هغه یې وواژه.

پولیس وايي، د دوی پلټنې روانې دي او هڅه کوي چې پر هغه بریدکونکي ونیسي.

تر اوسه پورې د دغه افسر د وژلو مسوولیت کومې ډلې په غاړه نه دی اخیستی.

د یو بل خبر له مخې د لکي مروت په تختي خيلو سيمه کې وسله والو د قومي لښکر یو غړی ور وژلی دی.

له تېرو درې ورځو راهيسې وخت ناوخت د وسلوالو او قومي لښکر ترمنځ جګړه کيږي.

په سیمه کې خبریال لال وزیر وايي، وړمه ورځ بیا همدغه قومي لښکر د ځايي وسله والو دوه تنه ور وژلي وو.

تر هغه وروسته د لکي مروت د تختي خيلو سېمې بازار ځايي خلکو په اعتراضي ډول تړلی او له حکومته یې غوښتي چې د دوی په سیمه کې امن راولي.

د شنبې په ورځ ناوخته د غزې په شمال کې په بیت لاهیا باندې د اسراییلو د هوایي برید په پایله کې لږ تر لږه ۸۷ تنه وژل شوي او یا هم لادرکه دي. د فلسطین د روغتیا وزارت ویلي، چې په وروستیو میاشتو دغه په یو برید کې تر ټولو لویه مرګژوبله ده. اسراییلو ویلي، چې د پېښې په اړه د څېړنه کوي.

دغه پراخ برید، په غزه کې د فلسطیني وسله والې ډلې حماس او په لبنان کې د ایران په ملاتړ حزب الله باندې د اسراییلو د بریدونو د زیاتوالي نښه ده. دغه بریدونو په داسې حال کې ډیر شوي چې د حماس د مشر یحیا سنوار تر وژل کیدو وروسته د اوربند د خبرو اترو د پیلیدو هیلې زیاتې شوې وې.

د امریکا د ټاکنو په رانژدې کېدو سره په سیمه کې چارواکي، ډیپلوماټان او نورې سرچینې وايي، چې اسراییل د پوځي عملیاتو له لارې هڅه کوي چې خپلې پولې ځواکمنې کړي او ډاډ ترلاسه کړي چې مخالفې ډلې یې سره متحدې نه شي.

بل خوا، اسراییل د ایران له خوا په دغه هیواد د شوي برید د غچ اخیستو له پاره چمتووالی نیسي. واشنګټن پر اسراییل فشار راوړي چې د ایران د انرژۍ تاسیساتو یا اټومي مرکزونو باندې برید ونه کړي.

لومړي وزیر بنیامین نتنیاهو وویل، چې د شنبې په ورځ د "ایران د ملاتړې ډلې حزب الله" له خوا د هغه د وژنې هڅه هغه مهمال وشوه، چې یو ډرون د نوموړي د رخصتۍ لپاره په ځانګړي شوي کور برید وکړ.

په همدې حال کې، د نتنیاهو د دفتر څخه په یوې خپره شوې اعلامیه کې ویل شوي، چې د متحده ایالاتو د پخواني ولسمشر ډونالډ ټرمپ سره په ټلیفوني خبرو کې، لومړي وزیر ټینګار کړی چې اسراییل به د خپلو ګټو پر بنسټ پریکړې وکړي.

د اسراییلو حکومت د امریکا له خوا په غزه او لبنان کې د اوربند بیلابیلې هڅې رد کړي. امریکا د اسراییل اصلي متحد او پوځي ملاتړی هیواد دی.

په غزه کې د روغتیا وزارت ویلي، چې په بیت لاهیا کې له برید وروسته د ژغورنې عملیات د مخابراتي ستونزو او د اسراییلو د روانو پوځي عملیاتو له امله له خنډ سره مخ شوي دي.

هغه وویل، چې نن د پښتون ژغورنې غورځنګ ایالتي همغږوال یا کوارډیناټور خیرالامین یوسفزی نیول شوی.

پشتین پر خپل ایکس لیکلي، چې دده د ملګرو نومونه د ترهګرۍ د نوملړ په څلورمه برخه کې اچول شوي او د ټولو خلاف عملیات روان دي.

پښتون ژغورنې غورځنګ نن د خیبر پښتونخوا په ټولو ولسوالیو کې د امن په نامه د پاڅونونو اعلان کړی او په ګڼو سیمو کې خلک د حکومتي پالیسیو خلاف او د پښتون قومي جرګې د پریکړو په ملاتړ راوتلي دي.

پشتین وايي، « موږ د جرګې له پیل کیدو وړاندې هم د هر څه په فکر کې وو او د دې خلاف تکړه عمل ته تیار وو خو د جرګې شریک غږ و چې تاسې لږ صبر وکړئ او له موږ سره یو ځائ لاړ شئ، د دې خلاف به موږ ټول درسره یو».

نوموړي هیله ښودلې، چې د پي ټي ایم خلاف د روانو عملیاتو پر وړاندې ټول ورسره په ګډهودریږي.

هغه د خپلې مبارزې د جاري ساتلو ژمنه کړې ده.

د پاکستان مرکزي حکومت د پښتون ژغورنې غورځنګ پر فعالیتونو بندیز لګولی او وايي، دغه غورځنګ خلک د پاکستان د امنیتي ادارو پر وړاندې را پاروي.