د طالبانو د اوبو او بریښنا وزارت له لوري په یوه خبرپانه کې لیکل شوي، چې د دغې ډلې د اوبو او بریښنا وزیر او د چین سفیر په بامیان ولایت کې د لمریزي برېښنا له پروژې څخه لیدنه کړې او چین د یادې پروژې د بشپړولو ژمنه کړې ده.
په کابل کې د چین سفارت په دې اړه په رسمي ډول څه دي ویلي.
د طالبانو د اوبو او برېښنا وزارت له لوري په خپره شوې خبرپاڼه کې لیکل شوي، چې د دغې ډلې د اوبو او برېښنا وزیر عبدالطیف منصور او په کابل کې د چین سفیر په بامیان ولایت کې د لمریزې تولیدي برېښنا له پروژې څخه لیدنه کړې ده.
په خبرپاڼه کې د عبدالطیف منصور له قوله لیکل شوي، چې د یادې پروژې په اړه لومړنۍ څیړنې پای ته رسیدلې او د چین هېواد په مرسته به یې عملي چارې پیل شي.
همدارنګه د بامیانو والي ویلي، چې د دغه ولایت اوسیدونکي بريښنا ته جدي اړتیا لري او تمه لري، چې یاده پروژه ژر پیل شي.
په خبرپاڼه کې د چین د سفیر له قوله لیکل شوي، چې دغه هېواد په بامیان ولایت کې د لمریزې تولیدي بریښنا د پروژې پلي کېدو ته ژمن دی.
د چین او طالبانو تر منځ اړیکې د نورو هېوادونو پرتله خورا نږدې دي. تر اوسه پورې طالبانو په افغانستان کې د کاني زیرمو د ایستلو ګڼ تړونونه د دغه هېواد له شرکتونو سره کړي دي.
خو لا هم دغه هېواد نه دی چمتو شوی چې د دغېډلې حکومت په رسمیت و پيژني.
د دغه هوکړه لیک د لاسلیکولو موخه په اندونیزیا کې د سکالرشیپونو د برابرولو له لارې د افغانانو د بشري ظرفیتونو د لوړولو لپاره د همکارۍ د یوه جوکاټ جوړول دي.
د دغه تړون د لاسلیک په مراسمو کې چې د ویډیو کنفرانس له لارې ترسره شول، د دواړو هېوادونو چارواکو د افغان ښځو پر بشري پراختیا او ملاتړ ټینګار وکړ.
د قطر چارواکي مېرمن لولوه الخاطر وویل چې له دې بورسونو څخه به تر ۲۰ زیات افغان محصلان ګټه پورته کړي.
د اندونیزیا د بهرنیو چارو وزیرې مېرمن مرسودي وویل، افغان محصلانو ته د تحصیلي بورسونو په برابرولو کې د دواړو هېوادونو همکارۍ د افغانستان د روښانه راتلونکي د جوړولو په برخه کې د دویګډه ژمنه څرګندوي.
هغې زیاته کړه چې په افغانستان کې روان بشري ناورین ښوونې او روزنې ته په ځانګړې توګه د افغان ښځو او نجونو بیړنۍ اړتیا ښيي.
مرسودي همدارنګه یادونه وکړه چې اندونیزیا سږکال د طبیعي پیښو له امله دافغانستان زیانمنو شويوخلکو ته بشري مرستې اود پولیو واکسین لس ملیونه ډوزونه چمتو کړي.
هغې وویل، اندونیزیا د یوې سیمه ییزې نادولتي موسسې سره همکاري کړې چې د ۴۰۰ افغان میرمنو لپاره د رواني روغتیا خدمتونو پروژه پیل کړي.
دغه وزارت پر اېکس خواله رسنۍ خپور کړي پیغم کې لیکلي، چې د دې ګرځنده قطعې په رامنځته کېدو سره به د کندز ښار ترڅنګ لرو پرتو سیمو کې بېړنیو پېښو ته چټکه رسیدګي وشي.
طالبانو په دې وروستیو کې په ځینو ولایتونو کې بېړنیو پېښو ته د رسیدګۍ په موخه د موټر سایکل سپرو طالبانو ګرځنده قطعې جوړې کړي دي.
د روانې میاشتې په لومړیو کې په ننګرهار کې د طالبانو امنيه قوماندانۍ هم د موټر سایکل سپرو طالبانو سل کسيزه ګرځنده قطعه په نمايشي ډول خلکو ته وښودله.
د طالبانو امنیتي مسوولان وایي، چې دا کار يې د امنيت د ټنګښت، د وسله والو غلو او جنایي پېښو د مخنيوي په موخه تر سره کړی دی.
د دغو ګرځنده قطعو په جوړېدو سره بیا د خلکو ترمنځ اندېښنې هم رامنځته شوي دي.
دوی مخکې هم له افغانستان انټرنشنل سره په خبرو کې ویلي و، چې ډېر کله د طالبانو په جامه کې غلا، جنایي پېښې او انسان تښتونې د موټر سایکل سپرو له خوا کېږي.
اخوا د یو شمېر نورو راپورونو له مخې، د طالبانو ډېری وسله وال مخالفين زيات مهال پر موټرسایکلونو وسله وال او غلچکي بريدونه کوي، چې د ډېریو بریدونو موخه د طالبانو امنیتي کسان وي.
سره له دې چې طالبانو پخوا له افغان امنیتي ځواکونو سره هم په نښتو او عملیاتو کې له موټر سایکلونو کار اخیسته او د پخواني حکومت له خوا بیا د موټرسایکلونو په کارونې سخت محدودیتونه هم لګیدلي و، خو دغه ډله اوسمهال بیا په رسمي توګه د امنیت د ټینګښت او پېښو ته پر وخت سره د رسیدګۍ په موخه له موټرسایکلونو کار اخلي.
که څه هم د موټر سایکلونو په واسطه جنایي او امنیتي پېښې په اسانۍ سره کېږي، خو طالبانو د روان کال د چنګاښ په میاشت کې د کابل په ګډون د هېواد په لويو ښارونو کې د امنيتي او جنايي پېښو د مخنيوي په موخه د موټر سايکلونو د ثبتولو د پیل خبر ورکړ.
د طالبانو د کورنيو چارو وزارت اړوند د ترافیک پوليسو ادارې له خلکو غوښتي و، چې خپل موټرسایکلونه ثبت او د چلولو اجازه یې تر لاسه کړي.
