ژوند او روغتیا: د موسم له بدلون سره د ټوخي او د ستوڼي د خارښت درملنه څنګه وکړو

مګر د نیویارک پوهنتون یوې څېړنې په خوله کې د ځینو باکتریاو د زیاتوالي او د سر او غاړې د سرطان د زیاتوالي تر منځ اړیکه موندلې ده.

څېړنې موندلې، چې د یوه درجن څخه زیاتو میکروبونو راټولېدل د دې وژونکي سرطان خطر ۵۰ سلنه ډېروي.

په دې څېړنه کې د څه باندې ۱۶۰زره کسانو معلومات څېړل شوي دي.

د دې کسانو د ژوند طریقه، د غذايي عادتونو او د نورو روغتیایي چارو په اړه معلومات لیدل شوي او د خولې د لعاب نمونې یې راټول شوي دي.

د دغو کسانو ۱۵ کلن روغتیایي وضعیت څېړل شوی، چې په ترڅ کې یې د ۲۳۶ کسانو په سر او غاړه کې د سرطان تشخیص شوی دی.

د دې ناروغانو د خولې ډي ان اې نمونې له ۴۵۸ کسانو نمونو سره پرتله شوي، چې له دې سرطان څخه پاک ول.

پایلو ښودلې، چې په خوله کې موندل شوي ۱۸ باکتریاوې د سرطان خطر ۵۰ سلنه ډېروي.

څېړونکو ویلي، چې د باکتریا او سرطان تر منځ مستقیمه اړیکه تر اوسه نه ده ثابته شوې، خو اشاره ورته شوې ده.

څېړونکو همداراز ویلي: «موږ ځانګړې باکتریاوې موندلي، چې د دې ډول سرطان خطر زیاتوي او اوس به د دې پټ لامل په موندلو کار وکړو.»

د څېړونکو په وینا، د څېړنې پایلې ثابتوي، چې د خولې د ښه حفظ الصحې اهمیت دا دی، چې په ورځ کې دوه ځله د غاښونو برس کول او خلال کول ډېر مهم دي.

څېړونکي وایي، چې د غاښونو برس او خلال کول نه یوازې د غاښونو د ناروغۍ مخنیوی کوي، بلکې دا عادت د سر او غاړې د سرطان څخه هم په بالقوه توګه ساتنه کولی شي.

په بدن کې د اوسپنې کمښت د وینې د کمښت په مانا ده او د دې اوسپنې کمښت لرونکي خلک د ستړیا او کمزورتیا سربېره د سر درد په څېر ستونزو څخه شکایت کوي.

تر ټولو ښه خبره دا ده، هغه کسان چې د وینې له کموالي سره مخ دي د څو عامو شته خوړو له لارې د اوسپنې کمښت له ستونزې څخه مخنیوی کولی شي.

مڼه

مڼه د انټي اکسیډنټ، ویټامینونو او منرالونو خزانه ده.

هندواڼه، انار، سویټزسواپ او نورې مېوې له اوسپنې بډایه دي او کولی شي په بدن کې د اوسپنې د کمښت پوره کولو کې مرسته وکړي.

شنې پاڼې لرونکي سبزۍ

شنې پاڼې لرونکي سبزۍ له اوسپنې بډایه دي، چې د بدن د وینې په پوره کولو کې مرسته کوي.

حبوبات

په حبوباتو کې مۍ، نخود، دال، نخود او سویابین اوسپنه لري، چې د انرژي بشپړه سرچینه ده.

غوښه

هغه خلک چې سره غوښه خوري د وینې له کمښت (انیمیا) څخه شکایت نه کوي.

د اوسپنې ترڅنګ سره غوښه د امینو اسیدونو او پروټینونو غوره سرچینه هم ده.

د کدو تخم

د کدو تخمونه اکثرا په ژمي کې مصرف کېږي.

د کدو تخمونه له اوسپنې، زینک، مګنیزیم او ویټامین اې څخه ډک دي.

د دې تر څنګ پسته له ویټامینونو او منرالونو هم بډایه ده، چې په کې ویټامین بي، ویټامین اې، مګنیزیم، فاسفورس او پوتاشیم په کافي اندازه موندل کېږي.

د پستې خوړل لاندې حیرانونکې ګټې لري:

په پسته کې د زړه د روغتیا راز پټ دی

په ټوله نړۍ کې د زړه ناروغي مخ په ډېریدو دی او تر ټولو لوی لامل یې زموږ د ژوند ډول دی.

پسته داسې خاصیتوه لري، چې په بدن کې د بد کلسټرول له منځه وړلو سره د ښه کلسټرول کچه لوړوي.

څېړنې ښیې، چې د پستې منظمه خوړل کولی شي، چې د زړه د شریانونو روغتیا ښه کړي، سوځېدلو کې کمی او د زړه ناروغیو خطر کم کړي.

پسته له انټي اکسیډنټ څخه بډایه ده

پسته د انټي اکسیډنټونو خزانه ده، کوم چې ستاسو د بدن د اکسیډیټ فشار او سوځېدلو څخه په ساتنه کې مهم رول لوبوي او کولی شي ستاسو بدن له ساري ناروغیو څخه وژغوري.

پسته د وینې د شکر کچه ښه کوي

پسته ټيټ ګلیسیمک لري، مانا دا چې د پستې خوړل د وینې شکر په کچه اغیزه لري. د شکر ناروغان خپل غذایي ریژیم کې پسته هم اضافه کولی شي.

پسته د سترګو لپاره ډېره ښه ده

پسته انټي اکسیډنټ lutein او zeaxanthin لري، چې د سترګو روغتیا لپاره غوره ګڼل کیږي، او دواړه د سترګو زیانمنونکي نیلي رڼا څخه ساتي او د سترګو لید ښه کوي.

پسته حافظه ښه کوي

په پسته کې موجود ویټامین بي۶او مګنیزیم ذهنسالم ساتي.مګنیزیم د حافظې په ښه کولو کې مرسته کوي.

د کمپيوټرز ان بيولوژي او طب په مجله کې خپره شوې څېړنه ښيي چې نارينه بايد د سهارنۍ لپاره ډېر کاربوهايدريت لرونکي خواړه غوره کړي، په داسې حال کې چې ښځې بايد د وزن کمولو لپاره زيات غوړ لرونکي خواړه غوره کړي.

په ساده توګه که ووایو، نارینه باید خپله سهارنۍ د مستۍ، وربشو او حبوباتو پر بنسټ غوره کړي، په داسې حال کې چې د ښځو لپاره هګۍ، د وربشو او غنمو فرني غوره کیدی شي.

څېړنې ښودلې چې ښځې او نارینه کولې شي په اسانې سره وزن کم کړي، که چیرې د یوې اوږدې شپې روژې څخه وروسته سهارنۍ کې کاربوهایډریټ او غوړ لرونکي خواړه وخوري.

د کاناډا د واټرلو پوهنتون یوې څېړنې ښودلې، چې د ژوند کولو طریقه د روغتیا لپاره خورا مهمه ده.

څېړونکي وایي، که څه هم ژوند ډېر مصروف دی خو د ځان لپاره مو ورځنۍ پرېکړي لکه د سهارنۍ خوړو انتخاب، زموږ په روغتیا او فزیکي انرژۍ په کچه اغیزه کولې شي.

څېړونکي وایي، که تاسو غواړئ وزن کم کړئ یا مو د وزن تناسب وساتئ، دا مهمه ده چې پوه شئ چې خواړه څنګه پر میټابولیزم اغیزه کوي.

د دغې څیړنې لپاره، متخصصینو د میټابولیک ماډل رامینځته کړی، چې څرګندوي څنګه ښځینه او نارینه بدن د کاربوهایډریت او غوړ په شمول، خواړه هضموي.

څیړونکو ویلي، چې ښځې د نارینو په پرتله ډېر غوړ ذخیره کوي، مګر په تېزی سره یې له لاسه هم ورکوي.

د څېرونکو په وینا: «دا چې د ښځو بدن د نارینو په پرتله ډېر غوړ لري، موږ فکر کوو چې دوی د انرژي لپاره لږ غوړ سوځوي خو داسې نه ده.»

هغوی زیاته کړه، څیړنې ښیي چې ښځې د خواړه خوړلو وروسته سمدلاسه ډېر غوړ ذخیره کوي، مګر دا غوړ کله چې د دوی معده خالي وي ډېر ژر له منځه ځي.

د کویینز پوهنتون یوې څیړنې موندلې چې د فلیونویډز په نوم مرکباتو بډایه خواړه چې د ذهني اختلالاتو ناروغي (ډیمینشیا) مخنیوی کوي په مڼې کې موجود دي.

اوس مهال، د ډیمینشیا ناروغۍ درملنه نه شته، نو د همدې لپاره له دې مرض څخه ځان ساتل اړین دي.

فلیونویډز هغه مرکبات دي، چې په میوو او سبزیجاتو کې لکه؛ بیریز (توتان)، مڼې، انګور، مالټو، تور او شین چای، خواږه کچالو، پیاز او تور چاکلیټ کې موجود دي.

دا مرکبات التهاب کموي، د وینې رګونو فعالیت ښه کوي او په مغز کې د نوي نیورونونو رامینځته کولو پروسې ته وده ورکوي.

دغه نوې څېړنه ښیي، چې د فلیونویډز بډایه خواړو مصرف کولی شي ذهني تنزل سرعت کمولو کې مرسته وکړي.

څیړنې د ۴۸ او ۷۰ کلونو ترمنځ د یو سلو ۲۱ زره څخه زیاتو خلکو معلومات څېړلې دي.

د دغو کسانو د خوړو او نور اړین توضیحاتو په شمول معلومات د بریتانیا د بایو بانک څخه ترلاسه شوي دي.

څیړونکو د دغو کسانو په اړه دا څېړنه ترسره کړه چې هره ورځ څومره فلیونویډز له خپل خوړو رژیم څخه جذبوي.

د دغو کسانو روغتیایي حالت د ۹.۲ کلونو لپاره وڅېړل شول، چې په دې موده کې ۸۸۲ د ډیمینشیا قضیې ثبت شوي.

څېړنو موندلې چې هغه خلک چې په فلیویونډز څخه بډایه خواړه خوري له فزیکي پلوه ډېر فعال وي او د نورو په پرتله یې وزن هم کم وي.

د دغې څیړنې له مخې، هغه خلک چې په فلیویونډز څخه بډایه خواړه خوري په دیمینشیا ناروغۍ اخته کیدل ۲۸ سلنه کموي.

څیړونکو ویلي، چې چای او بیریز (توتانو) استفاده په ځانګړې توګه ګټور دي. ځکه چې دا په خپل ترکیب کې بډایه فلیونویډز لري.