طالبان: له ایران او پاکستانه په یوه ورځ له دوه نیم سوو ډېرې کورنۍ راستنې شوې
د طالبانو تر کنټرول لاندې باختر اژانس خبر ورکړی، چې د دوشنبې په ورځ له ایران او پاکستانه ۲۶۷ کورنۍ بېرته راستنې شوې دي.
د طالبانو تر کنټرول لاندې باختر اژانس خبر ورکړی، چې د دوشنبې په ورځ له ایران او پاکستانه ۲۶۷ کورنۍ بېرته راستنې شوې دي.
دغه اژانس د سې شنبې په ورځ د (لړم ۱۵مه) پر اېکس پاڼې لیکلي، چې د تازه راستنو شویو کورنیو له ډلې ۱۷ کورنۍ د ننګرهار د تورخم له لارې، ۲۹ کورنۍ د کندهار د سپین بولدک له لارې له پاکستانه او ۸۶ کورنۍ د نیمروز ولایت د ورېښمو پله له لارې او ۱۳۵ کورنۍ د هرات د اسلام کلا له لارې له ایرانه راستنې شوې دي.
دغه اژانس زیاته کړې ده، چې له دوو ګاونډیو هېوادونو څخه د راستنو شویو کورنیو له ډلې پر سلګونو کورنیو یې مرستې هم وېشلې دي.
بل خوا د طالبانو د کډوالو او راستنېدونکو چارو وزارت وايي، د روان کال په تېرو شپږو میاشو کې افغانستان ته ۶۴۰ زره کډوال راستانه شوي دي.
دغه وزارت ویلي، چې له دغې ډلې ۸۰ زره له پاکستانه، ۱۰ زره له ترکیې او پنځوس زره کډوال له ایرانه په زور او خپله خوښه راستانه شوي دي.
که څه په ایران او پاکستان کې د کوربه هېوادونو له لوري د افغان کډوالو پر کار کولو، زدهکړو او هلته پر اوسېدو سخت محدودیتونه لګېدلي؛ خو بیا هم نږدې هره ورځ لسګونه کسان پر نا قانونه لارو دغو هېوادونه ته سفرونه کوي.
