ټي‌ټي‌پي د خیبر پښتونخوا له ولسونو غوښتي، چې د پاکستاني پوځ د بریدونو پر ضد دې راپاڅېږي

په ورته وخت کې، په خیبر ښتونخوا کې د هاوان د چاودنې له امله دوه زده کوونکي هم وژل شوي دي.

د پاکستان پوځ په یوې خبرپاڼه کې وویل، چې له امنیتي ځواکونو سره په نښته کې پنځه پاکستاني طالبان هم وژل شوي دي.

پولیسو وویل، د وسله والو له خوا توغول شوی هاوان د خیبر پښتونخوا ایالت په دره تیر کې یو سړک ته نژدی ولګید چې دوه زده کوونکي یې چې پیاده ښوونځي ته روان وو، ووژل.

پاکستاني پوځ په سویلي وزیرستان او نورو قبایلي سیمو کې د پاکستاني طالبانو پر ضد په لسګونو عملیات پیل کړي دي، خو وسله وال بیا هم خپلو بریدونو ته دوام ورکوي.

اسلام اباد وايي، چې وسله وال د افغانستان خاوره د روزنې او په پاکستان کې د بریدونو پلانولو لپاره کاروي، چې افغان طالبان دا تور ردوي.

په افغانستان کې د طالبانو تر واکمنۍ وروسته تحریک طالبان پاکستان په پاکستان کې خپلو بریدونو ته زور ورکړی دی.

تر دې مخکې د پاکستان د سولې مرکز په یو راپور کې ویلي و، چې په تېره یوه میاشت کې په خیبر پښتونخوا او بلوچستان سیمو کې شاوخوا ۵۰ وسله وال بریدونه ترسره شوي دي.

هغه وویل: «د نړۍ پخوانی جوړښت په نه راستنیدونکي ډول د ورکیدو په حال کې دی. دا هم ویلی شو چې نور له منځه تللی دی. د نوي جوړښت د جوړولو لپاره جدي او نه پخلا کېدونکې مبارزه روانه ده.»

پوتین ټینګار وکړ: «نړۍ روسیې ته اړتیا لري او په واشنګټن یا بروکسل کې د لوړ پوړو چارواکو هېڅ پریکړه نشي کولی دا حقیقت بدل کړي».

په دې وینا کې د روسیې ولسمشر، ټرمپ او د امریکا په ټاکنو کې د هغه د بریا یادونه ونه کړه.

تازه د هند د بهرنیو چارو وزارت ځانګړی استازي جي پي سېنګ افغانستان ته تللی او هلته یې د پخواني ولسمشر حامد کرزي په ګډون د طالبانو د بهرنیو چارو او دفاع وزیرانو سره لیدلي دي.

نوموړي له امیرخان متقي سره په لیدنه کې ویلي، چې په نږدې راتلونکي کې به د چابهار بندر په اړه د سیمې د هېوادونو، افغانستان او هند تر منځ خبرې اترې وشي.

ښاغلي افراسیاب خټک په امریکا کې د تازه سیاسي بدلونونو او د ولسمشر ډونالډ ټرمپ له خوا د امریکا د ولسمشریزو ټاکنو ګټلو ته په اشارې وویل، چې په اسیا کې هم د امریکا سیاستونه د تغیر په حال کې دي او هند غواړي چې په افغانستان کې د طالبانو د وضعیت سربېره د شمالي ولایاتو احوال واخلي.

افراسیاب خټک زیاته کړه، چې د هند او پاکستان رقابت له پخوا افغانستان ته انتقال شوی او د طالبانو په ډلو کې هم دواړو هېوادونو ته تمایلات لیدل کیږي.

نوموړي د حقاني شبکې د مشر په ګډون د دغې شبکې له غړو سره د هند د استازي نه لیدنه له پاکستان سره د دغې شبکې اړیکې په ګوته کړې.

د یادونې وړ ده، چې د هند د بهرنیو چارو وزارت استازي له پخواني ولسمشر حامدکرزي سره له لیدنې پر مهال د افغانستان او سیمې پر وضعیت خبرې کړې دي.

د خيبر پښتونخوا والي د چهار شنبې په ورځ (د لړم ۱۶ مه) نېټه په پېښور کې په يوه غونډه کې وويل، چې د دغو لارو په پرانيستلو سره به د پاکستان، افغانستان او منځنۍ اسيا هېوادونو ترمنځ سوداګري پياوړې شي.

ډان ورځپاڼې د ښاغلي کنډي له قوله لیکلي: «له افغانستان سره د ټولو لارو پرانیستل به نه یوازې سوداګري پراخه کړي؛ بلکې په سیمه کې به اقتصادي فعالیتونه هم پراخ کړي.»

هغه ټینګار وکړ، چې افغانانو ته د ویزو ورکولو پروسه باید اسانه شي او د افغانستان، ایران او پاکستان ترمنځ باید ګډ سرحدي بازارونه جوړ شي.

افغانستان او پاکستان څه دپاسه ۲ زره کیلومتره ګډه کرښه او لږ تر لږه اته لارې لري.

د دغو لارو له جملې څخه د مسافرو او سوداګریزو توکو تګ راتګ د تورخم او سپین بولدک له دوو لارو تر سره کیږي.

د خېبرپښتونخوا والي څرګنده نه کړه، چې کومې لارې دي پرانستل شي.

د پاکستان سره نوري لارې لکه؛ د پکتيکا ولايت د برمل ولسوالۍ او د خېبر پښتونخوا د وانو تر منځ د انګور اډه، د خيبر پښتونخوا د کرم اجنسي او د پکتيا ولايت د ډنډ پټان ولسوالۍ تر منځ د خرلاچه، د خيبر پښتونخوا د ميرانشاه ولسوالۍ د غلام خان او د خوست لار، د خیبر پښتونخوا د سوات د ارندو سیمه او د کونړ ولایت د برکانر ولسوالۍ ترمنځ لار، د بلوچستان کلا سیف الله او زابل ترمنځ لار او د پکتيکا د ځاځي اريوب او پاراچنار تر منځ د تيري منګل لارې دي، چې ډېری وخت د بېلابېلو لاملونو له امله تړل کېږي.

د پاکستان د سولې د مطالعاتو مرکز د چهارشنبې په ورځ په پاکستان کې د ترهګریزو بریدونو په اړه خپل میاشتنی راپور خپور کړ.

د دغه مرکز له خوا د ثبت شویو ۴۸ترهګریزو بریدونو له ډلې ۳۵بریدونه په خیبر پښتونخوا او ۹ بریدونه په بلوچستان کې شوي دي.

د دغو بریدونو ډېری قربانیان د پاکستان امنیتي ځواکونه او ملکي وګړي دي.

د دغه مرکز د شمېرو له مخې، په اکټوبر میاشت کې لږ تر لږه ۵۲ امنیتي ځواکونه او ۳۶ ملکي وګړي وژل شوي دي.

د پاکستان اکسپرېس ټریبیون ورځپاڼې هم په تلې میاشت کې راپور ورکړی و، چې سږ کال یوازې په خیبر پښتونخوا ایالت کې په ترهګریزو بریدونو کې ۳۳۷ پوځیان او ملکي وګړي وژل شوي دي.

دغه راپور ښیې، چې تحریک طالبان پاکستان پلان لري څو خپل نفوذ په پنجاب، بلوچستان او په ځانګړې توګه بیا له خیبر پښتونخوا سره په پوله پرتو سیمو کې پراخ کړي.

ويل کېږي، چې په دغو ترهګریزو فعاليتونو کې د پاکستان تحريک طالبان، د حافظ ګل بهادر ډلې او د طالبانو ځينو سيمه ييزو ډلو لاس درلود .

د دغو ډلو تر څنګ د بلوچستان ازادي غوښتونکو پوځیانو او ځینو نورو وسله والو ډلو هم په اکټوبر میاشت کې په پاکستان کې اته بریدونه کړي دي.

اسلام اباد ادعا کوي، چې وسله وال په ځانګړې توګه د پاکستان تحریک طالبان له افغانستانه د دغه هېواد پر ځواکونو بریدونه تنظیموي او ترسره کوي.