نوی ډیلی په هند کې د طالبانو د استازي پر منلو غور کوي

د طالبانو د کورنیو چارو وزارت ویاند عبدالمتین قانع نن د یکشنبې په ورځ «د لړم۲۰مه» وویل، چې د بغلان امنیه قوماندانۍ د موټرسایکل ګزمې پولیس هم جوړ کړي دي.

طالبانو له دې وړاندې د بدخشان په ګډون د یو شمېر شمالي ولایتونو د پولیسو په قوماندانیو کې ګرځنده موټرسایکل ګزمې تنظیم کړې وې.

د طالبانو د کورنیو چارو وزارت ویاند وايي، د موټرسایکل پولیسو ګرځنده ګزمه به ډېر ژر نورو ولایتونو ته هم وغځوي.

که څه هم وسله وال طالبان وايي چې دغه موټرسایکل قطعه د ښاریانو د امنیت د تامین په موخه د امنیه قوماندانۍ په جوړښت کې رامنځته شوې، خو ویل کیږي چې په یو شمېر ولایتونو کې د مخالفو وسله والو ډلو له خوا د بریدونو له زیاتوالي وروسته طالبانو د مخنیوي تدابیر نیولي دي.

داسې رپوټونه هم دي، چې طالبانو د پخوانیو افغان پولیسو د موټرو د تېلو د ډېر لګښت له امله موټرسایکل قطعه د بدیل په توګه رامنځته کړې.

د ملګرو ملتونو کډوالو ادارې د سې شنبې په ورځ (د لړم ۲۰م) پر اېکس په یوه یادښت کې لیکلي، چې دغه تړون د کارموندنې له لارې د راستنېدونکو د ملاتړ، د ټولنیزو موخو لپاره د شرکتونو د پراختیا، مهارتونو زده کولو او بازار ته په لاسرسي کې د اسانتیاوو رامنځته کولو په موخه لاسلیک شوی.

بل پلو د کار نړیوال اژانس وايي، چې نوی تړون د کوربه ټولنو، کورنیو بې ځایه شویو او راستنیدونکو لپاره د کاري فرصتونو د رامنځته کولو، پیاوړتیا او خوندیتابه په برخه کې پر ګډې ژمنتیا ټینګار کوي.

په داسې حال کې چې یاد تړون کیدای شي د افغان راستنیدونکو او کوربه ټولنو ترمنځ د همکاریو لپاره یو مهم ګام وي، خو راستنېدونکي افغانان لا هم په هېواد کې له ګڼو ستونزو سره لاس او ګرېوان دي.

د ملګرو ملتونو د شمېرو له مخې، په یوه کال کې څه باندې ۷۳۳ زره افغانان له پاکستان څخه افغانستان ته ستانه شوي دي.

له ایران او ترکیې څخه د افغان کډوالو د ایستلو لړۍ لا هم روانه ده.

په دې وروستیو کې ایراني چارواکو ويلي، چې دوی به د روان کال تر پایه له دغه هېواده شاوخوا دوه میلیونه «غیر قانوني بهرني اتباع» وباسي.

ایراني رسنۍ او چارواکي د بهرنیو اتباعو اصطلاح ډېری افغانانو ته کاروي.

علي رضا اساهي، چې پخوا یې د بدن د ښکلا په برخه کې د مثبت ۸۰ کیلو ګرامو په وزن کې د سرو زرو مډال ګټلی و، دا ځل یې د مثبت ۹۰ کیلو ګرامو په وزن کې د برونزو مډال وګاټه.

همدارنګه محمد ایوب اعظمي د بدن ښکلا په سياليو کې د ۱۰۰ کیلو ګرامه وزن کې دریم مقام خپل کړ.

بل افغان لوبغاړی عبدالحلیم احمدي د ۱۸۰ سانتي متره قد کې د سپورټ فریک په برخه کې دریم ځای خپل کړ او د برونزو مډال يې وګاټه.

د افغان لوبډلې ۹ لوبغاړو په مالديف کې د بدن ښکلا، فزيک او فټنس په پنځلسم پړاو نړیوالو سياليو کې برخه اخیستې وه.

په دې سياليو کې افغان لوبغاړو یو د سرو زرو، دوه د سپينو زرو، درې د برونزو مډالونه او څلورم او پنځم مقامونه خپل کړي دي.

دغه سيالۍ د ۴۰ هېوادونو د لوبغاړو ترمنځ په بېلابېلو وزني کټګوريو کې تر سره شوې.

یاده جبهه وايي، دغه برید تېره شپه د لړم پر ۱۹مه د هرات په ۱۱مه ناحیه کې د طالبانو د شپې ګزمې پر یوه موټر شوی، چې په پایله کې یې درې تنه طالبان وژل شوي او یو تن ټپي دی.

یاده جبهه وايي، دغه برید د ۱۱مې ناحیې اړوند « شیدايي» سیمه کې شوی او یو میل وسله یې هم نیولې ده.

طالبانو تر اوسه ددغه برید پخلی نه دی کړی.

دغه پخوانی امنیتي چارواکی وايي، چې د طالبانو استخباراتو له افغانستان نه بهر د ملي امنیت له ګڼو نورو افسرانو سره هم اړیکې ټینګې کړې دي.

نوموړی وايي، چې طالبانو ددده موټرچلوونکی، ساتونکي او ټول نږدې کسان نیولي دي.

دغه پخواني امنیتي افسر سنډې اېکسپرېس ته وویل، چې طالبان هڅه کوي د بریټانیا ددفاع وزارت په کمپونو کې پخوانی افغان امنیتي افسران په افغانستان کې د هغوی پر کورنیو د فشار له لارې جاسوسۍ او همکارۍ ته اړ باسي.

د ۲۰۲۱ کال په اګست کې د کابل له سقوط وروسته په زرګونو افغانانان د بریټانیا د افغانانو د ځای پرځای کولو او مرستې پالیسۍ پروګرام له لارې ددغه هېواد په پوځي مرکزونو کې میشت شول.

د ملي امنیت زندان دغه پخوانی رییس چې نوم یې نه دی په ډاګه شوی، وايي، لندن ته د هغه او د نوموړي د مېرمنې له لېږد وروسته د طالبانو د استخباراتو مامورانو دوی ته ګواښناک پیغامونه استولي دي.

دغه د دریو بچیانو پلار، چې کابل ته د طالبانو له را ستنېدو اووه میاشتې وړاندې له افغانستان نه وتلی، سنډې اېکسپرېس ته وویل چې طالبانو دده د کورنۍ غړي او خپلوان د پلټنو او ګروېږنو لپاره نیولي او ګواښلي چې له ده سره اړیکه ونیسي.

د ملي امنیت دغه پخوانی چارواکی وايي، چې ۲۸ کلن زوی یې ددولتي موټر د چلونې په تور طالبانو زندان ته اچولی و اوسږ کال یې رشوت ورکړ چې له زندان نه خوشي شي.

هغه وايي« د طالبانو استخباراتو څو ځله اړیکه راسره نیولې ده، هغوی مې ګواښي. هغوی زما زوی او د کورنۍ نور غړي ګواښلي دي».

نوموړی زیاتوي، « د طالبانو له خوا ګڼ ګواښونه دي. هغوی وايي چې تاسره کار لرو، چیرې اوسېږئ، څو پوښتنې درنه لرم؟ وسلې چېرته دي، تاسې د جمهوري حکومت مامور وئ، موږ ستا په لټه کې وو، له موږ سره ستا نوره همکاري چېرې ده؟».

دغه پخوانی امنیتي مامور وايي، طالبان غواړي دده له لارې نور هغه جنرالان او افسران ومومي چې ده کار ورسره کړی. د نوموړي په باور، د ملي امنیت له ګڼو نورو افسرانو سره چې بهر ته لېږدول شوي، طالبانو اړیکې ټینګې کړې دي.

طالبانو تر اوسه په دې اړه څه نه دي ویلي، خو په تېرو دریو کلونو کې دغه ډله د ملي امنیت او افغان ملي اردو د پخوانیو سرتېرو په تعقیب، نیولو او په یو شمېر پېښو کې د هغوی په وژلو تورنه شوې ده.