د ممبیي پولیسو هغه کس نیولی، چې شاهرخ خان یې په مرګ ګواښلی و

د لبنان په شمال کې د عین یعقوب په ښارګوټي د اسراییلي الوتکو په برید کې لږ تر لږه ۱۴ کسان وژل شوي او ۱۵ نور ټپیان شوي دي.
دغه برید د دوشنبې په ورځ د اسراییل له لوري تر سره شوی دی.
د لبنان د عامې روغتیا وزارت رسنیو سره د لومړنیو معلوماتو د شریکو پر مهال ویلي و، چې په یاد برید کې اته تنه وژل شوي او ۱۴ نور ټپیان دي؛ خو وروسته د عین یعقوب ښاروال ماجد دربیس رسنیو ته وویل، چې په یاد برید کې ۱۴ تنه وژل شوي او ۱۵ نور ټپیان شوي دي.
د راپورونو له مخې، تر دې مخکې د دوشنبې په ورځ د لبنان په سویل کې د صیادون ولسوالۍ په ساکساکیه کې د اسراییل په برید کې لږ تر لږه اوه کسان ووژل شول او اوه نور ټپیان شول.

د عامې روغتیا وزارت په وینا، دغه راز د یکشنبې په ورځ، په ټول هېواد کې د اسراییل په بریدونو کې ۵۴ کسان وژل شوي او ۵۶ نور ټپیان شوي دي.
د ۲۰۲۳ کال له اکتوبر میاشتې راهیسې تر اوسه پر لبنان د اسراییل په بریدونو کې ۳۲۴۳ تنه وژل شوي او ۱۴۱۳۴ تنه ټپیان شوي دي.

مارکو روبیو یو جمهوري غوښتونکی سناتور دی.
روبیو یو له هغو ۲۱ سناتورانو څخه دی، چې طالبان یې د یوې ترهکرې ډلې په توګه یاد کړي او په دې تړاو یې یوه لایحه هم وړاندې کړې وه.
له بل پلوه ټرمپ مایکل والز د ملي امنیت د سلاکار په توګه وټاکه.
والز بیا تر دې وړاندې په افغانستان کې د طالبانو سره د جګړې مخینه هم لري.
د دغو تازه ګومارنو په لړ کې ټرمپ لي زلدین د امریکا د چاپېریال ساتنې سازمان د مشر په توګه وګوماره.
نوموړی په کانګرس کې د نیویارک پخوانی استازی و.
د ډونالډ ټرمپ د لوړې مراسم به د راتلونکي کال په جنورۍ میاشت کې ترسره شي.

یونېسف د یوې خبرپاڼې په خپرولو سره خبرداری ورکړی، چې د پاکستان په پنجاب ایالت کې له پنځو کلونو کم عمره ۱۱ مېلیونه ماشومان د ککړې هوا د تنفس له امله له ګواښ سره مخامخ شوي دي.
په پاکستان کې د یونېسف استازي عبدالله فادیل له‌خوا د هوا د ککړتیا کمولو او د ماشومانو د روغتیا ساتنې لپاره د بېړنیو او لا زیاتو هڅو غوښتنه شوې.
د هوا د ککړتیا کچې په روانې اونۍ کې په لاهور او ملتان کې ریکارډونه مات کړي او د لسګونه ماشومانو په ګډون سلګونه ناروغان د ککړې هوا له کبله په روغتونونو کې بستري شوي دي.
په خبرپاڼه کې راغلي، په پاکستان کې د پنځو کلونو څخه کم عمره ماشومانو کې شاوخوا ۱۲ سلنه مړینې د هوا د ککړتیا له امله وې.
د دې تر څنګ، په ځینو ځپل شویو سیمو کې ښوونځي د روانې نومبر میاشتې تر نیمایي پورې تړل شوي او په ټوله کې بیا په پنجاب کې د شاوخوا ۱۶ مېلیونو ماشومانو زده‌کړې ګډوډې شوې دي.

د بلوچستان ایالت د اطلاعاتو مخکیني وزیر جان اڅکزي په خپله ایکس پاڼه یوه ویډیو خپره کړې او په کې وايي، چې په پاکستان کې وروستۍ ناامني په افغانستان کې د امریکا د ناسمو تګلارو له امله رامنځته شوې او په دې کې د ده په خبره لوی لاس د زلمي خلیلزاد دی.
زلمي خلیلزاد تر اوسه پورې د جان اڅکزي داسې څرګندونو ته غبرګون نه دی ښودلی.
اڅکزی ادعا کوي، د امریکا هغه تګلارې چې په ۲۰۲۱ کال کې زلمي خلیلزاد د افغانستان لپاره پلې کړې او وسله والې ډلې یې واک ته ورسولې له هغې وروسته په بلوچستان او خیبرپښتونخوا کې جګړې او ناامنۍ زور اخیستی.
هغه د زلمي خلیلزاد وروستیو څرګندونو ته په اشارې وايي: «پاکستان کې اوس د بهرنۍ لاسوهنې امکان لږ دی، د پاکستان پالیسي جوړونکي د دغه هیواد په ګټو معامله نه کوي، امریکا چې ځواکمن هیواد هم دی، نه شي کولای موږ د خپلو ګټو لپاره وکاروي، هغه زلمی خلیلزاد یادوم چې افغانستان یې په بلا واړاوه اوس د پاکستان د پوځ په داخلي چارو کې لاسوهنه کوي.»
د افغانستان د سولې په چارو کې د امریکا مخکنی استازی زلمی خلیلزاد له څه مودې راهیسې په خپله ایکس پاڼه د پاکستان د پوځ پر مشر نیوکې کوي او هغه د پاکستان تحریک انصاف عاصګو مند د پخواني مشر عمران خان په «ناقانونه» بندي کېدو تورنوي.
جان اڅکزی وړاندې وايي، د دې په ځای چې پاکستان امریکا ته اړ وي، دا مهال امریکا پاکستان ته اړتیا لري: «پاکستان د جغرافیې له پلوه ارزښت لري او دا مهال له ترهګرۍ سره د مبارزې په برخه کې د یوه سنګر حیثیت لري، امریکا دې له موږ سره د دوستۍ اړیکي وپالي او د زلمي خلیلزاد غوندې کسان دې مهار کړي.»
زلمي خلیلزاد د لړم ۲۰ مه په کوټه کې د خونړي برید په غبرګون کې ویلي و چې: «د پاکستان پوځ دې د سیاست پر ځای د پاکستاني وګړو د امنیت خوندیتوب ته پام وکړي.»
نوموړي په خپل اېکس کې لیکلي و، چې د پاکستان پوځ په دې وروستیو کې خپله ټوله انرژي په سیاسي، عدلي او اقتصادي برخو کې لګولې ده.
خلیلزاد تر دې وړاندې د پاکستاني پوځ د مشرانو د کاري مودې د غځولو په غبرګون کې ویلي و، چې د پاکستان د ملي شورا د دغه کار پایلې به د جنرال منیر د زیانمنونکو سیاستونو دوام وي

مایک والټز په افغانستان کې له ۲۰۰۰ تر ۲۰۰۴ کلونو تر منځ د امریکا له پوځ او ځانګړو ځواکونو د افسر په توګه د ترهګرۍ ضد مبارزه او د افغان ځواکونو د مشاور په توګه دندې ترسره کړې.
والټز د امریکا د مرستیال ولسمشر ډیک چیني سره د ترهګرۍ ضد مشاور په توګه هم دنده ترسره کړې، چې هغه د افغانستان لپاره د متحده ایالاتو په پالیسۍ او ستراتیژۍ جوړولو کې ښکېل و.

د امریکا د ملي امنیت سلاکار د امریکا په حکومت کې یو پیاوړی چارواکی وي، چې په امریکا کې د ډېرو لوړ پوړو دولتي چارواکو برعکس د هغه ټاکل د مشرانو جرګې تایید ته اړتیا نه لري.
د تېر کال په سلواغې میاشت کې، د افغانستان د سولې لپاره د امریکا پخوانی ځانګړی استازی زلمی خلیلزاد د کانګرس یوې استماعیه غونډې ته ورغوښتل شوی و، هغه ویلي و چې طالبان د القاعدې او داعش په ځپلو کې بریالي شوي، چې ښاغلي والټز پرې نیوکه وکړه او ویې وویل: «د یوې ترهګرې ډلې د له منځه وړلو لپاره په بلې ترهګرې ډلې تکیه کول خطرناک او لویه تېروتنه ده.»
مایک والتز دا مهال د امریکا د استازو په جرګه کې د فلوریډا ایالت استازی دی او د ډونالډ ټرمپ کلک ملاتړی دی.

۵۰ کلن مایک والټز خپلې پوځي او سیاسي تجربې په خپل یوه کتاب «جنګي ډیپلوماټ: له واشنګټن څخه تر افغانستان پورې د شین خولي سرتیري جګړې» کې خپرې کړې دي.
والټز له افغانستانه د امریکا د وتلو په اړه د جوبایډن پر ادارې سختې نیوکې کوي او دغه بهیر یې «شرموونکی» بللی دی.
هغه د تیر کال په مئ میاشت کې د کانګرس یوې استماعیه غونډې ته دا هم وویل چې طالبان د پخوانیو افغان سرتیرو وژلو او ځورولو ته دوام ورکوي.
دغه امریکايي چارواکي د تېر کال په وږي میاشت کې فاکس نیوز ته ویلي و چې په افغانستان کې القاعده د طالبانو د حکومت او د امریکا د تجهیزاتو په مرسته یو ځل بیا را ژوندۍ شوې او د «بن لادن خوب» یې پوره کړ.
مايک والټز زياته کړه، چې امريکايي ځواکونه به په راتلونکي کې له ترهګرۍ سره د مبارزې لپاره افغانستان ته راستانه شي.