په تېره یوه میاشت کې پر غزې د اسراییل په بریدونو کې ۲۰تنه مرستندویه کارکوونکي وژل شوي دي
په غزه کې خیریه بنسټونه وایي، چې د اکتوبر له ۱۰مې څخه د نومبر تر ۱۳مې پورې په غزه کې د اسراییل هوایي بریدونو لږ تر لږه ۲۰ مرستندویه کارکوونکي وژلي دي.
په غزه کې خیریه بنسټونه وایي، چې د اکتوبر له ۱۰مې څخه د نومبر تر ۱۳مې پورې په غزه کې د اسراییل هوایي بریدونو لږ تر لږه ۲۰ مرستندویه کارکوونکي وژلي دي.
دغې ډلې په یوه نوي راپور کې ویلي: «دغه کارکوونکي په خپلو کورونو، د بې ځایه شویو په پنډغالو کې او د مرستې رسولو پر مهال وژل شوي دي.»
دغه بنسټونو زیاته کړې ده:« ډېری مرستندویه کارکوونکو د کورنۍ نږدې غړي او خپلوان هم له لاسه ورکړي دي.»
راپور کې ویل شوي، چې د اسراییلي چارواکو سره مخکې تر مخکې له شوې همغږۍ سره، سره د دوی په موټرو برید شوی.
په غزه کې د تېر کال په اکتوبر میاشت کې د اسراییل د جګړې له پیل راهیسې تر ۳۰۰ ډېر مرستندویه کارکوونکي وژل شوي دي، چې د نړۍ په کچه په هر دغسې ناورین کې ترټولو لوړه شمېره یادېږي.
