د الجزیرې ټلویزون د راپور له مخې، د اسراییل پوځ ادعا کوي چې په تېره اونۍ کې یې د لبنان په سوېل کې د حزب الله د ۲۰۰ جنګیالیو د وژلو ترڅنګ یې د حزب الله تر ۱۴۰ ډېر توغندي هم له منځه وړي دي.
دغه راپور چې د پنجشنبې په ورځ د (لړم ۲۴مه) خپور شوی اسراییلي چارواکو ادعا کړې، چې په تېره اونۍ کې یې د حزب الله ډلې ۲۰۰ جنګیالي وژلي دي.
همدارنګه په راپور کې ویل شوي، چې په تېره اونۍ کې یې د لبنان په سوېل کې د حزب الله ډلې ۱۴۰ راکټونه هم له منځه وړي دي.
د الجزیري د راپور له مخې، اسراییل په یوه ټېلیګرام ګروپ کې د خبرپاڼې په خپرولو سره ویلي، چې د حزب الله وروستي یرغلیز بریدونه چې د اسراییل لویدیځ ګیلیلي سیمه او د دغه هېواد مرکز یې په نښه کړی پرون او د سې شنبې په ورځ ترسره کړي دي.
همدا ډول راپور زیاته کړې، چې د سې شنبې په ورځ هم د اسراییل جنګي الوتکو د حزب الله د رضوان ځواک د یو کنډک د عملیاتو مشر، د الوتکې ضد د کنډک مشر او د ټولی قومندانان ووژل.
خو تر اوسه د حزب الله ډلې د اسراییل او خپل لوري ته د تېرې یوې اونۍ د مرګ ژوبلې په اړه څه نه دي ویلي.
