مولانا فضل الرحمان: د عمران خان د خوشې کولو په هلوځلو کې هیڅ رول نه لرم
د پاکستان د جمعیت علمای اسلام ګوند مشر مولانا فضل الرحمان وایي: «زه د هيڅ يو سياستوال د بندي کولو حق نه لرم او د عمران خان د خوشې کولو په هلو ځلو کې هم کوم رول نه لرم.»
د پاکستان د جمعیت علمای اسلام ګوند مشر مولانا فضل الرحمان وایي: «زه د هيڅ يو سياستوال د بندي کولو حق نه لرم او د عمران خان د خوشې کولو په هلو ځلو کې هم کوم رول نه لرم.»
نوموړي دغه څرګندونې تېره ورځ په لندن کې له رسنیو سره د خبرو پرمهال کړې دي.
مولانا فضل الرحمان دارنګه له خواجه اصف سره د شوې پېښې غندنه وکړه.هغه ویلي، دا د بریتانیا حکومت مسوولیت و چې د خواجه اصف په قضيه کې قانوني اقدام وکړي.تر دې وړاندې په لندن کې د پاکستان د دفاع وزير خواجه اصف ته د سپکاوي او د چړو د بريدونو د ګواښونو ويډيو په خواله رسنیو کې لاس په لاس شوې وه.د لندن په ښار کې نامعلومو کسانو خواجه اصف څارلی او د چړو پر مټ یې ګواښلی و.مولانا فضل الرحمان په دغې ناسته کې د امریکا په اړه د يوې پوښتنې په ځواب کې وويل: «موږ د امريکا په سياست کې لاسوهنه نه کوو او نه هم هغوی ته د خپل هېواد په چارو کې د لاس وهنې اجازه ورکولای شو.»هغه زیاته کړې، په امريکا کې که د جمهوري غوښتونکو حکومت وي او که د ډيموکراټانو، د نړۍ لپاره د هغوی پاليسي يو شان ده.
