طالبان: نړۍواله ټولنه دې پرته له توپيره د اقلیمي بدلون منفي اغېزو پر وړاندې مبارزه وکړي
د طالبانو د چاپېریال ساتنې ملي ادارې مشر مطیع الحق خالص اقلیمي بدلون یوه نړۍواله ننګونه بللې ده.
د طالبانو د چاپېریال ساتنې ملي ادارې مشر مطیع الحق خالص اقلیمي بدلون یوه نړۍواله ننګونه بللې ده.
نوموړي دغه څرګندونې تېره ورځ له خپل مل پلاوي سره یوځای د اقليمي بدلونونو په برخه کې د روسیې د ولسمشر له ځانګړي استازي رُسلان اېدلګریف سره په لیدنه کې کړې دي.نوموړي زیاته کړې، چې نړۍواله ټولنه باید پرته له کوم توپيره د اقلیمي بدلون د منفي اغېزو پر وړاندې مبارزه وکړي.د طالبانو تر کنڼرول لاندې باختر اژانس بیا د روسیې د ولسمشر ځانګړي استازي له قوله لیکلي، چې نوموړي ژمنه کړې چې د چاپېریال ساتنې او اقلیمي بدلون اړوند ځنډول شویو پروژو د بیا پیل او طالب استازو ته به په سیمهییزو او نړۍوالو چاپېریالي غونډو کې د ګډون په تړاو خپلو همکاريو ته دوام ورکړي.له بل پلوه د ملګرو ملتونو د اقلیمي بدلون په وروستۍ کلنۍ غونډه کې د لومړي ځل لپاره د طالبانو د چاپېریال ساتنې د ادارې مشر مطیع الحق خالص ګډون کړی و.
د افغانستان د خبریالانو د ملاتړ ادارې پر اېکس خپره کړې خبرپانه کې ویلي: «په دې غونډه کې د هغو مسایلو پر حل تمرکز وشو چې یو شمېر واکداران، سیاستوال، سوداګریز شرکتونه او ان حکومتونه له حقوقي وسیلو څخه ناوړه ګټه پورته کوي او د خبریالانو او د بیان ازادۍ د مدافعانو د ویرې او چوپتیا په خاطر دوسیې جوړوي.»
دغې ادارې ویلي، چې په یاد کنفرانس کې د افغانستان له خبریالانو د ملاتړ د سازمان مرستیال بصیر احمد دانشیار او د نوموړي سازمان د رهبرۍ پلاوي غړي احمد شاه عظیمي هم ګډون کړی وو.
د افغانستان د خبریالانو د ملاتړ اداره وایي، دوی په دغه نړۍوال کنفرانس کې خپلو خبرو کې په نړۍواله کچه د بیان ازادۍ د ملاتړ په هکله ننګونو او طرحو ته اشاره کړې ده.
دا د اروپا کې د عامه مشارکت د ستراتیژیکو محاکمو دویم نړۍوال کنفرانس دی چې ترسره کیږي.
دغه نړۍوال کنفرانس د اروپا شورا، په اروپا کې د عامه مشارکت پر وړاندې ستراتیژیک محاکمو ایتلاف او د مطبوعاتو او رسنیو د ازادۍ لپاره د اروپایي مرکز له خوا جوړ شوی و.