په بدخشان ولایت کې د طالبانو د اطلاعاتو او کولتور ریاست وايي، چې د جمعې په ورځ د بهارک ولسوالۍ او فیض اباد ښار ترمنځ د ټرافیکي پېښې له امله اته تنه مړه شوي دي. دغه رياست وايي، چې یو موټر د کوکچې سيند ته لویدلی دى.
په هغو کسانو کې چې خپل ژوند یې له لاسه ورکړی، یو سړی، څلور ښځې او درې ماشومان شامل دي.
د طالبانو د بدخشان د امنيې قوماندانۍ وياند احسان الله کامګار د جمعې په ورځ (د لړم ۲۵مه) وویل، چې د چلوونکي جسد له سيند څخه را اېستل شوى او د نورو جسدونو د موندلو هڅې روانې دي.
په دغه ولایت کې د طالبانو ځایي چارواکو ویلي، چې دغه پېښه د هوا د خرابوالي له امله رامنځته شوې ده.
د افغانستان د خبریالانو د ملاتړ ادارې پر اېکس خپره کړې خبرپانه کې ویلي: «په دې غونډه کې د هغو مسایلو پر حل تمرکز وشو چې یو شمېر واکداران، سیاستوال، سوداګریز شرکتونه او ان حکومتونه له حقوقي وسیلو څخه ناوړه ګټه پورته کوي او د خبریالانو او د بیان ازادۍ د مدافعانو د ویرې او چوپتیا په خاطر دوسیې جوړوي.»
دغې ادارې ویلي، چې په یاد کنفرانس کې د افغانستان له خبریالانو د ملاتړ د سازمان مرستیال بصیر احمد دانشیار او د نوموړي سازمان د رهبرۍ پلاوي غړي احمد شاه عظیمي هم ګډون کړی وو.
د افغانستان د خبریالانو د ملاتړ اداره وایي، دوی په دغه نړۍوال کنفرانس کې خپلو خبرو کې په نړۍواله کچه د بیان ازادۍ د ملاتړ په هکله ننګونو او طرحو ته اشاره کړې ده.
دا د اروپا کې د عامه مشارکت د ستراتیژیکو محاکمو دویم نړۍوال کنفرانس دی چې ترسره کیږي.
دغه نړۍوال کنفرانس د اروپا شورا، په اروپا کې د عامه مشارکت پر وړاندې ستراتیژیک محاکمو ایتلاف او د مطبوعاتو او رسنیو د ازادۍ لپاره د اروپایي مرکز له خوا جوړ شوی و.