طالبان وايي د فراه په فراه رود ولسوالۍ کې یې لومړنۍ لېسه پرانیسته
د طالبانو تر واک لاندې ملي ټلوېزیون د رپوټ له مخې د فراه په فراه رود ولسوالۍ کې په لومړي ځل لېسه پرانیستل شوه.
د طالبانو تر واک لاندې ملي ټلوېزیون د رپوټ له مخې د فراه په فراه رود ولسوالۍ کې په لومړي ځل لېسه پرانیستل شوه.
د فراه رود ولسوالۍ لپاره د طالبانو د پوهنې رییس اختر محمد زعیم وايي، چې فراه رود منځنی ښوونځی یې پر لېسه بدل کړی دی.
د فراه رود ولسوالۍ ځايي اوسېدونکو او زدکوونکو د طالبانو له لوري د لېسې جوړېدو ته خوښ دي خو وايی چې تر اوسه یې لېسه تعمیر نه لري.
دوی زیاتوي پخوا د نهم صنف له فارغېدو وروسته دوی مجبور ول چې د نورو زدکړو لپاره د فراه ولایت مرکز او یا هم شاوخوا ولسوالیو ته لاړ شي.
د فراه رود ولسوالۍ لپاره د طالبانو ولسوال وايي چې د ولسوالۍ نفوس زیات دی خو په دغه ولسوالۍ کې یوازې ۵ ابتدایه او ۳ منځني ښوونځي فعالیت لري.
محمد صادق جهادمل زیاتوي چې په پام کې لري چې په راتلونکي کال کې د فراه رود لېسې ودانۍ د جوړولو لپاه عملي کار پیل شي.
دغه طالب چارواکی په داسې حال کې د دې لېسې د جوړولو خبره کوي چې په تېرو شلو کلونو کې د طالبانو د تاوتریخوالي له امله ښوونځي تړل شوي وو.
د طالبانو ځايي چارواکي وايی چې د فرا رود منځنی ښوونځی چې لېستې ته بدل شو، شاوخوا ۷۰۰ زدکوونکي لري، خو یوازې ۵ استادان لري.
