تانزانیا کې د یوې ودانۍ د نړېدو له امله لږ تر لږه ۱۳ کسان مړه شوي دي
د تانزانیا په سوداګریزې پلازمینه دارالسلام کې د یوې ودانۍ د نړېدو له امله لږ تر لږه ۱۳ کسان مړړه شوي او تر ۸۰ زیات نور ژغورل شوي دي.
د تانزانیا په سوداګریزې پلازمینه دارالسلام کې د یوې ودانۍ د نړېدو له امله لږ تر لږه ۱۳ کسان مړړه شوي او تر ۸۰ زیات نور ژغورل شوي دي.
په ختیځ دارالسلام کې د کاریاکو په بازار کې دغه څلور پوړیزه ودانۍ د شنبې په ورځ د سهار په نهو بجو نړیدلې ده.
د تانزانیا ولسمشرې سمیعه سلوو حسن په یوې اعلامیه وویل، له ۸۰ څخه ډیر کسان ژغورل شوي او روغتونونو ته لیږدول شوي دي. هغې وویل، چې د دغو کسانو له ډلې شپاړس یې لا هم په روغتون کې بستري دي.
د نوموړې په وینا، حکومت به د دغو کسانو د درملنې لګښتونه ورکړي او د مړو د ښخولو په مراسمو کې به مرسته وکړي.
د ودانیو نړېدل په ځینو افریقايي ښارونو کې د کمزورو ساختماني معیارونو یا د ضعیفو بنسټونو له امله رامنځ ته کیږي.
