د ټایمز اف اسراییل ورځپاڼې ویلي، چې پر تل ابیب د حزب الله په توغندي برید کې یوه میرمن وژل شوې او پنځه کسه نور ټپیان دي. د اسراییل پر شمال د دغې ډلې راکټي بریدونو کې بیا ۱۲ نور کسان هم ټپیان شوي دي.
د دغې ورځپاڼې په وینا، د اسراییل پر شمالي سیمو حزب الله شاوخوا ۱۰۰ راکټونه ویشتي، چې ۱۲ نور کسان هم په کې ټپیان شوي دي.
د اسراییل ۱۲ خبري شبکې پر تل ابیب د لبنان د حزب الله د راکټي برید په اړه ویلي، چې د توغندي د یوې برخې د لوېدو له امله اور لګېدلی دی.
العربیه شبکې هم خبر ورکړی، چې یو بالستیک توغندی له لبنان څخه د اسراییل پر شمال توغول شوی دی.
