په اسلام اباد کې پولیسو شاوخوا ۲۵ تنه افغانان نیولي دي
د اسلام اباد له بي۱۷ ښارګوټي څخه مېشتو افغانانو افغانستان انټرنشنل ته خبر ورکړی، چې پولیسو په دغه ښارګوټي کې یوشمېر افغانان نیولي او له ځانه سره یې بېولي دي.
د اسلام اباد له بي۱۷ ښارګوټي څخه مېشتو افغانانو افغانستان انټرنشنل ته خبر ورکړی، چې پولیسو په دغه ښارګوټي کې یوشمېر افغانان نیولي او له ځانه سره یې بېولي دي.
له دغه ښارګوټي یو افغان وایي، چې پولیسو شاوخوا ۲۵ کسان نیولي دي او لاهم دغه عملیات روان دي.
د اسلام اباد بي۱۷ ښارګوټی چې تر ډېره په کې افغانان مېشت دي، وخت ناوخت پولیس ورځي او بې اسناده افغانان بیایي.له بي۱۷ څخه افغان کډوال شېرخان وایي، چې څلور ملګري یې نن سهار پولیسو له ځانه سره وړي او د دغه لوی ښارګوټی په هرې برخې کې پولیس ګرځي او غواړي چې نور کسان هم ونیسي.د شېرخان په وینا، ملګري یې پاسپورټونه لري؛ خو د ویزو موده یې پای ته رسېدلې ده.هغه زیاته کړې، چې ملګرو یې د ویزو د تمدېدو مرحله هم بشپړه کړه؛ خو د ویزو تمدېدېل شاوخوا له شلو ورځو تر یوې میاشتې وخت نیسي.هغه وایي، د نارینه پولیسو ترڅنګ ګڼې ښځینه پولیسې هم د دوی ملتیا کوي.څه باندې تېره میاشت هم د اسلام اباد پولیسو له دغه ښارګوټي یوشمېر ځوانان له ځانه سره بېولي وو؛ هغه مهال دغه افغان ځوانانو پاسپورټونه او ویزې هم له ځانه سره لرلې.د لړم میاشتې په ۲۷مه هم په کراچۍ ښار کې د طالبانو سرکونسل عبدالجبار تخاري په یوه ویډیویي پیغام کې ویلي و، چې د پاکستان له زندانونو د دوی په هڅو ۱۱ افغان کډوال راخوشې شوي چې په کې یوه ښځه او اووه ماشومان هم شامل وو.د سند ایالت په کراچۍ ښار کې د طالبانو سرکونسل د معلوماتو له مخې، یواځې په دغې صوبه کې تر دې دمه څلور زره او ۲۵۸ افغان بندیان خوشې شوي دي.د عبدالجبار تخاري د ورکړل شویو معلوماتو له مخې، دا مهال یواځې شاوخوا ۳۵ افغان بندیان د سند په زندانونو کې پاتې دي.په کراچۍ کې هم تر ډېره د اسنادو د نشتوالي له امله افغانان بندیانېږي.په ټوله کې دغه لړۍ له هغه وروسته د پاکستان په بېلابېلو صوبو کې زور اخلي، چې دغلته د تاوتریخوالي پېښې زیاتې شي، په دې وروستیو ورځو کې د خیبر پښتونخوا او بلوچستان صوبو کې د تاوتریخوالي په زیاتېدو سره د افغان کډوالو نیول او زنداني کول هم زیات شوي دي.
