طالبانو پنجشېر کې ۶۰۰۹ قیراطه زمرود په څه باندې ۳۰۰ زره امریکايي ډالرو وپلورل
د پنجشېر لپاره د طالبانو د والي دفتر وايي، نن یې په دغه ولایت کې د درې لکه، ۵ زره ۹۱۰ امریکايي ډالرو په ارزښت ۶۰۰۹ کیراته زمرود په بولۍ کې وپلورل.
د پنجشېر لپاره د طالبانو د والي دفتر وايي، نن یې په دغه ولایت کې د درې لکه، ۵ زره ۹۱۰ امریکايي ډالرو په ارزښت ۶۰۰۹ کیراته زمرود په بولۍ کې وپلورل.
د دې دفتر د اعلامیې له مخې، په دې بولۍ کې پر افغانانو سربېره امریکايي پانګوالو هم ګډون درلود او «دا زمرود پکې په په لوړه بیه وپلورل شول .»
د طالبانو د کانونو او پټرولیم وزارت وايي ، په پنجشېر کې د زمردو ۱۷۰۰ کانونه پېژندل شوي چې له دې ډلې ۴۵۰ یې د ملاهبت الله په ځانګړي فرمان د دغه ولایت خلکو ته ورکړل شوي او استخراج یې روان دی.
د پنجشېر لپاره د طالبان والي محمد اغا حکیم په نننۍ بولۍ کې ویلي، چې د زمردو په دغه ډول ازاد پلور سره په پنجشېر که خلکو ته کاري زمینې برابرې او د سوداګرۍ نوې لړۍ پيل شوې ده.
طالبان وايي، د روان کال په لومړیو شپږو میاشتو کې یې په ۱۱ پړاونو کې ۳۵ زره او ۸۷۴ قیراطه زمرد د یو میلیون او ۶۱۴ زره ډالرو په ارزښت پلورلي دي.
تر هغه وروسته هم دې ډلې دا زمرود پلورلي، خو نیوکه پرې دا ده چې د زمرودو او نورو ګرانبیه ډبرو له پلور د تر لاسه شوي عاید حساب له ملت سره نه شریکوي.
