متیو میلر: امریکا له پاکستان سره د ترهګریزو ګواښونو مخنیوي کې همکاري کوي
د امریکا د بهرنیو چارو وزارت ویاند له افغانستان څخه د پاکستان د امنیتي اندېښنو په تړاو ویلي، چې واشنګټن د ترهګرو ډلو له ګواښونو سره د مقابلې لپاره د پاکستان د وړتیا په لوړولو کې همکاري کوي.
متیو میلر وویل چې امریکا له اسلام اباد سره په ترهګرۍ ضد جگړه کې دوه اړخیزه ملګرتیا لري.
د امريکا د بهرنيو چارو وزارت وياند د لړم په ٢٩مه، په يوه خبري غونډه کې له افغانستان سره د پاکستان اوسنۍ پولې ته څېرمه د وسله والو وروستي بريدونه او د اوو پاکستاني پوځيانو وژل وغندل.
میلر وویل، "د پاکستان خلکو له ترهګرو او شرخوښو بنسټپالو ډېر زیان لیدلی دی او موږ له هغو کورنیو سره غمرازي ښیو، چې په وروستیو بریدونو کې یې د کورنۍ غړي وژل شوي یا ټپیان شوي دي».
میلر دا هم وویل چې متحده ایالات ژمن دي چې د پاکستان د حکومت له مشرانو او مدني ټولنې سازمانونو سره کار وکړي څو د «بنسټپالو ترهګرو» ډلو د ګواښونو په ګوته کولو، مخنیوي او ځواب ویلو کې د وړتیاوو د تقویې فرصتونه تشخیص کړي.
د امریکا د بهرنیو چارو وزارت ویاند د دې پوښتنې په ځواب کې چې ولې امریکا په افغانستان کې د مېشتو ترهګرو ډلو پر ضد کوم اقدام نه کوي، وویل: "موږ له ترهګرۍ سره د مبارزې په برخه کې له پاکستان سره مهمه دوه اړخیزه ملګرتیا لرو چې منظمې خبرې اترې او له ترهګریزو ګواښونو سره د مقابلې په برخه کې کاري سلامشورې پکې شاملې دي».
په دغه فرمان سره روسیه د اتومي ځواک لرونکو هېوادونو له ملاتړه برخمن یوه غیر اتومي هېواد پر وړاندې اتومي وسلې کارولی شي.
د نويو تعدیلاتو له مخې، پر روسیه او ددغه هېواد پر متحدانو د دښمن د تیري مخنیوی د مسکو تر ټولو مهم لومړیتوب دی او د هر پوځي ایتلاف غړی هېواد چې پر روسیه او د مسکو پر متحدانو تېری کوي، د یاد ایتلاف د تیري په توګه ګڼل کیږي.
پوتین د سه شنبې په ورځ د لړم پر ۲۹مه د دغه فرمان د لاسلیکولو له لارې روسیې ته اجازه ورکړه چې د اتومي ځواک لرونکو هېوادونو له ملاتړه برخمن یوه غیر اتومي هېواد پر وړاندې اتومي وسلې کارولی شي.
دغه فرمان د متحده ایالتونو او فرانسې د ولسمشرانو له اعلان وروسته لاسلیکیږي، چې اوکراین ته یې د خپلو لرې واټن ویشتونکو توغندیو د کارولو اجازه ور کړې ده.
کرملین له دې وړاندې ویلي و چې په اتومي دکتورین کې یې بدلونونه راوستي او د اړتیا پرمهال به رسمي بڼه خپله کړي.
د کرملین ویاند دیمیتري پسکوف تاس دولتي رسنۍ ته وویل، چې د مسکو اتومي دکتورین تعدیلات چمتو دي او د اړتیا پرمهال به پلي شي.
د نويو تعدیلاتو له مخې، پر روسیه او ددغه هېواد پر متحدانو د دښمن د تیري مخنیوی د مسکو تر ټولو مهم لومړیتوب دی او د هر پوځي ایتلاف غړی هېواد چې پر روسیه او د مسکو پر متحدانو تېری کوي، د یاد ایتلاف د تیري په توګه ګڼل کیږي.