د پاکستان پوځ وايي، پښتونخوا او بلوچستان کې یې ۷ وسلوال ووژل

خو دغې رسنۍ د خپلې یوې سرچینې له قوله راپور ورکړی، چې په دغې پېښه کې ٥١ کسان وژل شوي او شاوخوا ٨١ ټپيان دي، چې دوه سرتېري هم په کې شامل دي.
تر دې وړاندې سرچینو ویلي و، چې په وژل شويو کسانو کې شپږ ښځې او یو ماشوم هم شامل دی.
دغه ګاډي چې د پاړه چنار څخه پېښور ته روان وو، په کاروان یې ناپېژاندو کسانو ډزې کړې دي.
په خيبر پښتونخوا کې چارواکي وایي، چې د پېښې په اړه پلټنې روانې دي.
پولیس چارواکي وایي، چې په لاره کې د غرونو له لمنو پر موټرو ډزې شوې چې له ډزو وروسته په سيمه‌ييزه کچه د دوو ډلو ترمنځ نښته هم رامنځته شوې ده.
د پاکستان ولسمشر دغه پېښه غندلې ده.
اصف زرداري ویلي، چې په مساپرو برید یوه ناځوانه او غیر انساني کړنه ده.
د پاکستان د کورنيو چارو وزير محسن نقوي هم د خيبر پښتونخوا سر وزیر علي امين ګنډاپور سره د ټيليفون په کرښه په دغې صوبه کې د ترهګرۍ پر پېښو اندېښنه څرګنده کړې ده.
په دغه پېښه کې یو پاکستانی خبریال هم وژل شوی.
جنان حسین چې خبریال او د کورمې پرېس کلب غړی هم و په دغې پېښه کې وژل شوی دی.
نوموړی له مالیزیا څخه له لس ورځني سفر وروسته کور ته راستون شوی و.

په هغه ناسته کې چې د پنجشنبې په ورځ د (لیندۍ په لومړۍ نېټه) د دغو خبریالانو له‌خوا په اسلام اباد کې جوړه شوې وه، هغوی له نړۍوالې ټولنې او له خبریالانو د ملاتړو ادارو غوښتنه کوله، چې یا دې درېیمو هېوادونو ته د دوی په اېستلو کې ګام واخلي او یا دې پر پاکستان فشار راوړي چې د خپلې دغې پرېکړې لاس په سر شي.
له هغه مهاله چې په اسلام اباد او د پاکستان په نورو ښارونو کې د افغان کډوالو د نیولو لړۍ بیا پیل شوې، ګڼ خبریالان هم په وېره کې دي چې که دوی هم اېستل کېږي؛ نو په افغانستان کې به د خپلسرو نیونو او ربړونو سره مخامخ شي.
د دغې غونډې یوه ګډونواله افغانه خبریاله چې نه غواړي په راپور کې یې نوم واخیستل شي افغانستان انټرنشنل پښتو ته وویل:« زه او زما کورنۍ په ډېرې سختۍ سره له کابله راووتلو، د کور ټول کاڼي کودي مو په ارزانه بیه وپلورل، دلته هم ډېرې سختې ګالو؛ خو د دومره سختیو له ګاللو سره، سره که بیا هم له پاکستانه اېستل کېږو نو زموږ لپاره د سر خطره ډېره ده او په هماغه شېبه چې له تورخمه واړول شو، د طالبانو له‌خوا به ونیول شو.»
دا رنګه د احمد ذکي په مستعار نوم یو بل خبریال وایي:« موږ داسې ګڼله، چې په اسلام اباد کې د لنډ مهال پاتې کېدو وروسته به د نړۍوالې ټولنې او د خبریالانو د ملاتړو بنسټونو په همکارۍ واېستل شو؛ خو د دوو کالو په تېرېدو سره لا هم په اسلام اباد کې یو او هره ګړۍ د پولیسو له‌خوا د نیولو او زنداني کولو له ګواښ سره مخامخ یو.»
په اسلام اباد کې د بې پولې خبریالانو بنسټ (ار اېس اېف) وایي، دوی په وار، وار د پاکستان له حکومت او پوځي چارواکو څخه غوښتنه کړې چې د خبریالانو د نیولو او په زوره دې د هغوی له شړلو ډډه وکړي.

د دغې ادارې مشر اقبال خټک افغانستان انټرنشنل پښتو ته وویل، دوی به تر وروستي بریده هڅه کوي چې د افغان خبریالانو د نیولو او ایستلو مخه ونیسي.

هغه زیاته کړه: «موږ په تېر کې هم د کډوالو لپاره د ملګرو ملتونو د کمېشنرۍ د چارواکو او پولیس مشرانو سره په دې اړه خبرې کړې او د افغان خبریالانو د خوندیتوب په اړه مو د هغوی همکاري غوښتې ده. موږ بیا هم له دغو چارواکو غوښتنه کوو دا مهال چې په افغانستان کې د خبریالانو د خوندیتوب لپاره هیڅ ضمانت نه شته باید هغوی دلته پاتې شي.»
ښاغلي خټک دا رنګه په نړۍوالې ټولنې او مهاجر منونکو هېوادونو هم غږ وکړ، چې د خبریالانو په خوندیتوب او هغوی ته په خپلو هېوادونو کې د پناه ورکولو په کار کې خپلې هڅې و نه سپموي او د دغو خبریالانو د مېشتېدا بهیر دې چټک او ګړندی کړي.
له هغه مهاله چې طالبان په افغانستان کې واک ته رسېدلي، په خبریالانو کړۍ تنګه شوې، ډېرو یې دندې له لاسه ورکړي، بندیان شوي او کړول شوي دي.
هغه خبریالان چې توانېدلي ګاونډیو هېوادونو پاکستان او ایران ته کډه شي، په دغو هېوادنو کې هم د خورا ستونزو او ننګونو سره مخامخ شوي دي.

دوی که له یوې خوا د اقتصادي ستونزو له امله کړیږي، له بله پلوه دوی په دغو هېوادونو کې د شړلو او بندي کېدلو له ګواښونو څخه هم نه دي خلاص.

د ځینو شمېرو له مخې، دا مهال د ۲۵۰ په شاوخوا کې خبریالان او د رسنیو کارکوونکي د پاکستان په بېلاېلو ښارونو کې مېشت دي.

ښاغلي ټرمپ وویل، د عدلیې وزارت نن سبا سیاسي چلند کوي او په وینا یې نور نه غواړي چې دغه وزارت د هغه او جمهوري غوښتونکو لپاره د وسلې په توګه وکارول شي.
ټرمپ پاملا بانډي د ژور فکر خاونده او سرسخته مېرمن یاده کړه او ټینګار یې وکړ، چې مېرمن بانډي به وتوانېږي چې د عدلیې وزارت ټولې چارې د جنایتونو پر ضد مبارزې ورټولې کړي او امریکا ته به یو ځلې بیا امن او سوکالي ور په برخه شي.
۵۹ کلنه مېرمن بانډي د ۲۰۱۱ او ۲۰۱۹ کلونو تر منځ د امریکا د قانون پلي کولو د ځواکونو لوړ پوړې افسره وه.

هغې د دونالد ټرمپ په تېره دوره کې د نشه‌یي توکو څخه د ناوړه کار اخیستنې پر ضد کمېسیون کې هم دنده لرله.
تر دې وړاندې دونالد ټرمپ مټ کېټس د امریکا د لوی څارنوال په توګه نومولی و؛ خو هغه د هغه رپوټ له خپرېدا وروسته له دغې نوماندۍ تېر شو، چې د جنسي تېري او ناوړه ګټې اخیستنې تورونه پرې لګول شوي ول.

هغه په خپله اېکس پاڼه ولیکل، چې د نوماندۍ بهیر یې په واشنګټن کې په غیر ضروري تاوتریخوالي بدل شوی دی.
د ګېټس د نوماندېدو په اړه چې په ناوړه جنسي کړنې تورن دی، د امریکا په مشرانو جرګه کې د جمهوري غوښتونکو له‌خوا یې هم مخالفت شوی و.

د ایران د بهرنیو چارو وزیر د لبنان له المیادین شبکې سره په مرکه کې زیاته کړه؛ دا چې په کومو شرایطو، کله او په کومه بڼه به برید وکړي، دا ټول په مناسبو شرایطو پورې اړه لری چې باید د دغه ځواب ویلو لپاره چمتو شی.

هغه خبرداری ورکړ، چې که اسراییل د ایران پر اټومي تاسیساتو برید وکړي، ایران به یې هم ځواب ورکړي.

عراقچي ویلي، چې اسراییل غواړي ایران په سیمه کې جګړې ته اړ کړي.

د ایران د راکټي بریدونو په ځواب کې اسراییل د لړم په څلورمه نېټه پر دغه هېواد برید وکړ. شاوخوا ۱۴۰ اسراییلي جنګي الوتکو د بریدونو په درېیو څپو کې د ایران په درېیو ولایتونو کې ۲۰ موخې په نښه کړې. تر اوسه د هدفونو دقیق نوملړ نه دی اعلان شوی، خو د اسراییل د پوځ ویاند ویلي، چې اوس اسراییل د ایران په اسمان کې له پراخې ازادۍ برخمن دي.

ګیټس چې د تاییدې په صورت کې به یې د امريکا د لوي څارنوالۍ او د عدليې وزارت مسووليت پر غاړه درلود، د دغه مقام لپاره یې د جمهوريت پاله سناتورانو ملاتړ ته اړتيا درلوده، خو د ځينو د مخالفت له امله يې د دې دندې لپاره یې تایید کیدو چانس تر پوښتنې لاندې راغی.

ځینو جمهوري غوښتونکو سناتورانو د هغه د بریا په اړه شک څرګند کړی، که څه هم هېڅ یو یې په ښکاره توګه نه و ویلي چې دوی به د هغه مخالفت وکړي. جمهوري غوښتونکي سناتور سینتیا لومیس وویل، د ګیټس پرېکړه ټرمپ ته دا فرصت ورکوي چې یو غوره نوماند معرفي کړي.

مټ ګیټس چې تېره اوونۍ یې د امریکا له استازو جرګې استعفا وکړه، د جنسي تېري له تورونو سره مخامخ دی. د ولسي جرګې د اخلاقو کمېټه له یوې ۱۷کلنې نجلۍ سره د هغه د جنسي اړیکو د تور په اړه څېړنې کړې، خو تر اوسه یې د څیړنو د پایلو د خپرولو اجازه نه ده ترلاسه کړې. ۴۲کلن ګیټس دغه تور رد کړی دی.

واشنګټن پوسټ په دې وروستیو کې په یو راپور کې لیکلي، چې دوو نجونو د ولسي جرګې د اخلاقو کمېټې په څیړنو کې شهادت ورکړی چې ګیتس دوی او هغو خلکو ته چې «جنسي میلمستیا» ته تللي و د جنسي اړیکې لپاره پیسې ورکړې وې.

د دغو نجونو وکیل وویل، چې د هغه موکلانې په ۲۰۱۷ کال کې په یوې مېلمستیا کې له یوې «کم عمره» نجلۍ سره د ګیټس د جنسي اړیکي شاهدانې دي چې مخدره توکي یې هم کارولي و. ګیټس هغه مهال د نجلۍ د عمر په اړه ناخبره و، خو وروسته ورته وویل شول چې هغه کم عمره وه.

هغه په ۲۰۲۰کال کې د جنسي قاچاق په تړاو د یوې قضیې په اړه له څیړنو سره مخامخ شوی و، خو دا قضیه په ۲۰۲۳کې وتړل شوه.

ګیټس هېڅکله د عدلیې په وزارت کې دنده نه ده ترسره کړې، او نه یې هم د څارنوال یا قاضي په توګه کله کار کړی. د هغه ټوله تجربه داده چې حقوق یې لوستي او په یو دفتر کې یې څو کاله وکالت کړی دی.