محمدحنیف اتمر د بغلان د پېښې په اړه د نړۍوالې ټولنې د بې پرې څېړنې غوښتنه کړې
د افغانستان د بهرنیو چارو پخوانی وزیر محمد حنیف اتمر وایي، د بغلان ولایت په یوه زیارت کې د بې ګناه خلکو وژل هېښوونکې پېښه ده.
د افغانستان د بهرنیو چارو پخوانی وزیر محمد حنیف اتمر وایي، د بغلان ولایت په یوه زیارت کې د بې ګناه خلکو وژل هېښوونکې پېښه ده.
نوموړي د دغې پېښې په غندنې سره پر اېکس پاڼه لیکلي: «د رسېدلیو راپورونو له مخې، د بغلان ولایت د نهرین ولسوالۍ په یوه زیارت کې د ناپېژاندو وسلهوالو په وحشیانه برید کې چې له امله یې یوشمېر بې ګناه هېوادوال وژل شوي؛ هېښوونکې او د غندنې وړ پېښه ده.»
هغه په خپلې لیکنه کې د قربانیانو له کورنیو سره خواخوږي څرګنده کړې او د دغې پېښې د نړۍوالې بې پرې څېړنې غوښتنه یې کړې ده.
هغه زیاته کړې، دغې پېښې یوځلې بیا د جنایتکاره دوښمن نیت او د امنیت په ټینګښت کې د اوسنيو تپل شويو واکمنانو بې وسي په ډاګه کړه.
له بل پلوه په بغلان کې د طالبانو د پولیسو قوماندانۍ منلې، چې د دغه ولایت په نهرین ولسوالۍ کې د «سید پادشاه اغا» پر زیارت د وسلهوالو په برید کې لږ تر لږه ۱۱ تنه وژل شوي دي.
په خبرپاڼه کې راغلي، چې د دغه برید په تړاو څو شکمن کسان نیول شوي او پلټنې ترې روانې دي.
تر دې وړاندې سیمهییزو سرچینو خبر ورکړی و، چې ناپېژاندو وسلهوالو وړمه شپه ۱۱ کسان د بغلان ولایت د نهرین ولسوالۍ په یوه زیارت کې په ډزو وژلي دي.
د سرچینو په وینا، دغه کسان د نهرین په شهر کهنه کې د سیدپادشاه په زیارت کې چې «په ذکر بوخت وو، وژل شوي دي.»
مګان مارکل د شنبې په شپه د کالفرونیا د ونیس سواخلو سیمې په څنډه له هغو مېرمنو سره کاته او خبرې کړي چې د طالبانو له واکمنۍ وروسته متحده ایالاتو ته تللې دي.
په دې پروګرام کې د بریتانیا د پاچا ناوې او افغان مېرمنو خپلې تجربې سره شریکې کړې او د بېلابېلو کولتورونو او دودونو په اړه یې خبرې وکړې.
د دې غونډې موخه کولتوري تبادله او د ګډونوالو ترمنځ پیوستون رامنځته کول دي.
په دې پروګرام کې مېلمنو شعرونه ولوستل او په امریکا کې یې د کډوالۍ او نوي ژوند په اړه خپلې تجربې شریکې کړې. په دې غونډه کې افغان مېرمنو ته د منځني ختیځ خواړه هم ورکړل شول.
د ارچول بنست چې د دې ناستې کوربه وو په یې خبرپاڼه کې یې لیکلي: "موږ د ګډو تجربو له لارې د ښځو هڅولو او د ټولنې پیاوړتیا ته دوام ورکوو او په سختو وختونو کې د یووالي او ملاتړ په اهمیت ټینګار کوو."
د دې ناستې انځورونه ښیي چې د پادشاه ناوې او افغان مېرمنې په پخلنځي کې پخلی کوي.
د بریتانیې د پاچا ناوې مګان مارکل تر دې مخکې په ۱۴۰۲کال د دلوې په میاشت کې په سویلي کلیفورنیا کې له افغان مېرمنو سره کتلي وو او په هغه وخت کې یې له ۱۵ افغان مېرمنو سره په ګډه منتو او اشک پوخ کړی و.
دا پروګرام د ارچل ډلې او "د مینا سرلیک" سازمان له خوا جوړ شوی و. ""د مینا سرلیک" سازمان له ۲۰۱۴کال راهیسې په افغانستان کې له فعالانو او ښځینه سیاسي مشرانو سره د جنسیتي برابرۍ د ودې لپاره کار کوي او په ۲۰۲۱کال کې یې له دوو زرو څخه د زیاتو افغان ښځو او کورنیو په اېستلو او بیا میشته کیدو کې مرسته کړې ده.
