په پاکستان کې د پولیو مثبتو پېښو شمېر ۵۵ ته لوړ شو

هغه د پاکستان له ټلویزیون سره په خبرو كې ویلي دي چې د پي ټي ای د بنسټګر عمران خان له خوشې كېدو وروسته به له حكومت سره خبرې پيل کړي.

د پاکستان د تحریک انصاف ګوند غړي او پلویان نن یکشنبه (د نومبر ۲۴مه) له ټول پاکستانه راغونډ شوي او غواړي په اسلام اباد کې د دغه ګوند د مشر عمران د راخوشې کیدو په غرض اعتراضي لاریون وکړي.

ښاغلي ګنډاپور ویلي، چې دی به په هر حال کې د تحريک انصاف د مشر په خبرو عمل کوي: «زما اختيار د پي ټي ای د بنسټګر عمران سره دی، چې هغه كومه خبره كوي زه به هغه څه کوم، زه او د پي ټي ای ټول غړي او پلویان به په هر حال کې د اسلام اباد ډي چوک ته ځانونه رسوو.»

نوموړي ویلي، چې د عمران خان او نورو بندیانو تر خوشې کېدو او د دوی د غوښتنو تر منلو پورې به په اسلام اباد کې پاتې وي، او د تېر ځل په څېر د لارو بندېدو سربیره هم اسلام اباد ته ځي.

هغه وويل چې د دوی لاريون سوله ييز دى او حکومت د موټرو او لويو لارو په بندولو سره خلکو ته ستونزې پيدا کړې دي.

د جمعې په ورځ د اسلام اباد پولیسو ویلي، چې قهرجن اعتراض کوونکي د امن او نظم د ګډوډولو او شخصي او حکومتي ودانیو ته د زيان رسولو پلان لري.

د پاکستان د کورنیو چارو وزیر محسن نقوي دا هم ویلي و، چې تحریک انصاف ګوند ته یې د احتجاج او پرلت اجازه نه ده ورکړې او دوی به پرېنږدي چې دغه ښار ننوځي او لاریون وکړي.

د پاکستاني رسنیو د راپور له مخې، د تحریک انصاف ګوند د لاریون په لړ کې له تېرې شپې راهیسي حکومت اسلام اباد ته تلوونکې ټولې لارې په کانټینرونو هم بندې کړې دي.

د راپورونو له مخې، حکومت د کشمير او خيبرپښتونخوا څخه اسلام اباد ته تلوونکو سړکونو کې کندې کېندلې دي او په ګهوړا ګلۍ سیمه کې پر عمومي سړک یې خاورې انبار کړې او سړک یې بند کړی.

همدارنګه د پاکستان جیونیوز راپور ورکړی، چې حکومت په چمن کې هم عمومي سړک د ټرافیکو پرمخ تړلی دی.

حکومت ویلي، چې یادې لارې یې د امنیتي ګډوډیو د مخنیوي په موخه تړلې دي.

د رسنیو د راپورونو له مخې، د پاکستان تحريک انصاف د احتمالي لاریون په لړ کې راولپنډۍ او اسلام اباد ته په ۳۳ ځايونه کې او له لاهور او فيصل اباد څخه پلازمينې ته تلوونکې ټولې لارې تړل شوې دي.

د پاکستان د تحریک انصاف ګوند د ننني لاریون د مخنیوي په موخه اسلام اباد ته د تلوونکو لارو د بندیو په لړ کې د فيض اباد په ګډون شپږ ځايونه د کانټينرو په ایښودو بند کړل شوي دي، په بند کړل شویو سړکونو کې د فيض اباد، ای جي پي سړک، روات ټي چوک، کيريج فيکټري، مندره او ټيکسلا سړکونه شامل دي.

د راپورونو له مخې، د تحریک انصاف دلاریون له امله د پاکستان په ډیرو سیمو کې ټیلفوني او انټرنیټي خدمتونه هم کمزوري شوي او یا یو مخ تړل شوي دي.

له پاړه چنار څخه ځايي سرچیني وايي، د پنجشنبې په ورځ د خیبرپښتونخوا ایالت په پاړه چنار سیمه کې د مساپرو پر یوه کاروان د ناڅرګند وسله والو په برید کې د جانان حسین په نوم یو ځايي خبریال هم وژل شوی.

په دغه پېښه کې د اتو ښځو او پنځو ماشومانو په ګډون ۴۵ کسان وژل شوي.

د راپورنو له مخې، جانان حسین ۲۸ کلن و او د یوه خصوصي خبري چینل سره د خبریالی تر څنګ د پریس کلب د مرستیالۍ دنده یې هم په غاړه لرله.

د معلوماتو له مخې ښاغلی حسین تازه له مالیزیا څخه پيښور ته راستون شوی و او له پیښور څخه پاړه چنار ته پر لاره د مندوري چارخیل په سیمه کې د نامعلومو وسله والو له لوري د مساپرو پر موټریز کارران په برید کې ووژل شو.

د خېبرپښتونخوا د ایالتي حکومت وياند محمد علي سيف پاړه چنار ته د سفر په مهال له رسنیو سره په خبرو کې ویلي، چې د خبريال جانان حسين د کورنۍ له غړو سره به مالي مرسته وکړي او د پاليسۍ له مخې به د نوموړي کورنۍ ته د شهید امتیازات ورکول کیږي.

د یو بل خبر له مخې، تېره ورځ د سوېلي پښتونخوا په چمن ښار کې د صلاح الدین اڅکزي په نوم یو ځايي خبریال هم د ناپيژاندو وسله والو په ډوز وژل شوی.

ځايي امنیتي چارواکو ویلي، چې د یادې پيښې په اړه یې پلټنې پیل کړې دي.

دا په داسې حال کې ده، چې د پنجشنبې په ورځ د خیبرپښتونخوا په پاړه چنار کې د عامو مساپرو پر موټریز کاروان د ناپيژاندو وسله والو په برید کې ۴۵ کسان ووژل شول.

د راپورونو له مخې، له یادې پيښې وروسته د سني او شیعه مذهبو تر منځ د پاړه چنار په بېلابېلو سیمو کې ډلیزې وسله والې نښتې رامنځته شوې او د ورستیو معلوماتو له مخې د پن شنبې ورځې راهیسي تردې مهاله په پاړه چنار کې ۷۵ کسان وژل شوي او ۸۰ کسان ټپیان شوي دي.

د شنبې په ورځ، د فرانسې د بهرنیو چارو وزیر وویل چې اوکراین کولی شي د ځان د دفاع لپاره د روسیې په لور د فرانسوي اوږد واټن توغندي ور وتوغوي.

د فرانسې د بهرنیو چارو وزیر ټینګار وکړ چې د اوکراین متحدان هڅه کوي چې خپل دریځونه یو بل ته نږدې کړي.

د روسیې دولتي خبري اژانس ټاس ویلي، چې میرمن زاخارووا خبرداری ورکړی چې د فرانسې جواز «د اوکراین ملاتړ نه دی، بلکې د ویجاړولو لپاره دی.»

دغې رسنۍ د پاکستان ترهګرۍ ضد ادارې له قوله راپور ورکړی، چې وسله وال کسان له افغانستانه را اوښتي او د پاکستان پلازمېنې اسلام اباد په ګډون به په لویو ښارونو کې بریدونه وکړي.

دا هغه دعوه ده چې تر دې وړاندې هم پاکستاني چارواکو کړې وه او طالبانو په کلکه رد کړې وه.

د پاکستان د تحریک انصاف ګوندپلویان نن یکشنبه (د نومبر ۲۴مه) له ټول پاکستانه راغونډ شوي او غواړي په اسلام اباد کې د دغه ګوند د مشر عمران د راخوشې کیدو په غرض اعتراضي لاریون وکړي.

تر دې وړاندې د پاکستان د کورنیو چارو وزیر محسن نقوي ویلي و، چې د نومبر په ۲۴مه به په اسلام اباد کې ټولې لارې بندې او مخابراتي شبکې هم غیرفعاله شي.

د دغه احتجاج له امله لويې لارې او اسلام اباد ته ورغلې ټولې لارې د کانټینرونو په اېښودلو سره تړل شوې دي.

په اسلام اباد کې امنیتي مسوولانودرې ورځې مخکې د پلازمینې د ټولو مټرو بسونو فعالیت هم ځنډولی.

پولیس وایي، چې قهرجن اعتراض کوونکي د امن او نظم د ګډوډولو او شخصي او حکومتي ودانیو ته د زيان رسولو پلان لري.

د پاکستان د کورنیو چارو وزیر محسن نقوي وایي، چې تحریک انصاف ګوند ته یې د احتجاج او پرلت اجازه نه ده ورکړې.

هغه ويلي، چې د اسلام اباد سترې محکمې د حکم له مخې په پلازمينه کې د احتجاج او پرلت اجازه نه شته.

هغه وړاندې ویلي و: « موږ د قانون له مخې د قانون د پلي کولو پابند يو او د سترې محکمې له حکم وروسته به د محکمې حکم سل په سلو کې عملي کړو.»