عمران خان: د خپلو غوښتنو ترمنل کېدو پورې تر اخري باله مبارزه کوو

نوموړي دغه څرګندونې له جیونیوز سره په یوې مرکه کې کړې دي.

هغه تر دې وړاندې ویلي و، چې له تحریک انصاف سره نور مذاکرات نه کوي.

دغه پاکستاني چارواکي ویلي و، چې اسلام اباد ته د تحریک انصاف ګوند د کاروانونو په راتګ کې کومه ستونزه نه لري؛ خو د بې نظمۍ مخه به نیسي.
په اسلام اباد کې د پاکستان تحريک انصاف د لاریونونو په لړ کې د سري نګر په لويه لار د پولیسو په ګاډي ډزې شوې، چې په پایله کې یې څلور امنیتي سرتېري وژل شوي او پنځه نور ټپیان شوي وو.
د امنيتي سرچينو د معلوماتو له مخې، تر اوسه په دغو لاریونونو کې له سلو زيات پوليس ټپيان شوي.
ه بل پلوه بشرا بي بي وایي:« ځيني فرصت طلبه عناصر غواړي، چې موږ د ډي چوک پرځاى په بل ځاى کې اعتراض وکړو؛ خو عمران خان راته په هر صورت ډي چوک ته د تلو سپارښتنه کړې.»
د پاکستاني سرچينو له مخې، د خيبرپښتونخوا سر وزیر علي امين ګنډاپور د مذاکراتو په مسله کې په بشپړ توګه خاموشه پاتې شوى او د پي ټي ای سرپرست هم کومه پرېکړه نه ده کړې.
له بل پلوه د پاکستان د کورنیو چارو وزیر د یوه پولیس د وژنې په تور د پي ټي ای د مشرتابه پر ضد د مقدمې درج کولو خبر ورکړی دی.
هغه ویلي، چا چې د لاريون غږ اوچت کړ، چا چې خلک يې وربللي، هغوى به ټول تر عدالته راکاږي.
له بل پلوه د پاکستان لومړي وزیر د مظاهره کوونکو له‌خوا د پوليس وژنه غندلې ده.

بل خوا د پاکستان د کورنیو چارو وزارت په یو مکتوب کې ویلي، چې د پاکستان تحریک انصاف ګوند د مظاهرو پر مهال د ګډوډۍ د مخنیوي لپاره په اسلام‌ اباد کې پوځ ځای پر ځای شوی دی.

د راپورونو له مخې، د پاکستان اساسي قانون د ۲۴۵مې مادې له مخې پوځ ته بلنه ورکړل شوې ده او په ښکاره ورته ویل شوي چې د قانون ماتونکو پر وړاندې به په کلک ډول عمل کوي.

په اعلامیه کې ویل شوي چې پوځ ته په هر سیمه کې د امنیت او نظم د ساتلو لپاره د ګرځبندیز لګولو واک هم ورکړل شوی دی.

جیونیوز ته امنیتي سرچینو ویلي چې د ګډوډۍ خپرولو هڅه کوونکو پر وړاندې امنیتي ځواکونو ته د ډزو کولو ښکاره امر شوی دی.

په اسلام‌ اباد کې د تحریک انصاف د مظاهرو پر مهال د سري نګر لویې لارې په اوږدو کې لاریونوالو د رینجر ځواکونو پر غړو موټر خیژولی، چې په پایله کې د رینجر ځواکونو څلور غړي وژل شوي او د دوو پولیسو په ګډون اووه نور ټپیان شوي دي.

د امنیتي سرچینو په وینا، تر اوسه د قانون د نافذوونکو ادارو پر وړاندې د خشنو لاریونوالو په بریدونو کې ۴ رینجر غړي او ۲ پولیس وژل شوي دي او تر دې دمه له ۱۰۰ څخه زیات پولیس ټپیان شوي چې ګڼ شمېر یې په سخت ټپي حالت کې دي.

وروسته له هغې چې د پاکستان له زندان څخه د عمران خان مېرمن بشرا بي بی ازاده شوه، نوموړې د نومبر په ۲۴مه په اسلام اباد کې د عمران خان د خلاصون په موخه د پراخو لاریونونو اعلان وکړ.

بشرا بي بي په خپلې وینا کې ویلي، چې تر هغې به لاریون ته دوام ورکوي تر څو چې د پاکستان حکومت عمران خان نه وي خوشې کړی.

عمران خان وروسته له هغې ونیول شو، چې د پاکستان د مسلم لیګ ن په مشرۍ یو شمېر ګوندونو د هغه حکومت چپه کړ او پر هغه لسګونه تورونه ولګېدل.

د دغې رسنۍ د راپور له مخې، د خیبر پښتونخوا ایالت رسمي شمېرې ښيي، چې په دغو نښتو کې ۸۸ کسان وژل شوي او ۱۰۹ نور ټپیان دي.

پاکستاني کارپوهان وايي، چې په دغه سیمه کې نښتې له شپږو میاشتو راهیسې روانې دي او د حکومت سیاسیون او پوځ د دغو نښتو د مخنیوي اراده نه لري، بلکې پرې خوشحاله دي.

په همدې حال کې، تحریک طالبان پاکستان د یوې اعلامیې په ترڅ کې ویلي چې د پاکستان استخباراتي ادارې د خپلې ماتې پټولو لپاره غواړي په کورمه کې ځايي اوسېدونکي په خپلو کې سره وجنګوي.

ټي ټي پي د پاکستان پوځ ته په اشارې سره وايي، چې ډېر ژر به یې له دې خاورې وباسي او پاکستان به د سولې ټاټوبی وګرځوي.

د پاکستان د پخواني لومړي وزیر عمران خان د ګوند غړي او پلویان په سختو امنیتي تدابیرو سربېره د اسلام اباد «ډي چوک» ته د رسېدو په هڅه کې دي.

اسلام اباد ته د پاکستان له بېلابېلو سیمو څخه د زرګونو لاریونیو د کاروانونو د مخنیوي په موخه ټولې لارې او سړکونه د پولیسو له لوري تړل شوي دي.

د دغو لاریونیو سره د عمران خان مېرمن بشرا بي بي هم ملتیا کوي.

بشرا بي بي اسلام اباد ته نږدي پر موټروې د هزاره انټرچینج په سیمه کې د تحریک انصاف ګوند پلویانو ته په وینا کې وویل، چې «تر څو چې عمران خان له موږ سره نه وي یو ځای شوی، تر هغو به لاریونونه روان ولري.»

نوموړې زیاته کړه: «زما بچیانو او زما وروڼو، تر څو چې خان له موږ سره نه وي یو ځای شوی، موږ به تر هغو پورې دغه لاریونونه نه ختموو، زه خپله تر وروستیو سګلیو په لاریون کې دریږم.»

د ښاغلي خان مېرمن وايي، زما د خاوند لپاره نه بلکي د هېواد د مشر لپاره دې د نوموړي ملاتړ وکړي.

بشرا بي بي وویل: «تاسو زما ملاتړ وکړئ، که څوک ملاتړ هم نه کوي بیا هم زه مبارزه کوم. دا یوازي زما د خاوند مسله نه ده، بلکې د دغه هېواد د رهبر مسله ده. او زه دا باور لرم چې پښتانه غیرتي قوم دی او تر اخیره موږ یوازې نه پریږدي.»

بل خوا نن سهار د اسلام اباد اړوند د ټېسکلا د پولیسو په مرکز کې د د عمران خان، د نوموړي د مېرمنې بشرا بي بي، د هغې د خور علیمه خان او د خیبر پښتونخوا د مشر وزیر علي امین ګنډاپور او د ګوند پر یو شمیر نورو غړو د ترهګرۍ ضد قصیې ثبتې شوې دي.

له زندان څخه د عمران خان د راخوشې کېدو په موخه د تحریک انصاف ګوند پلویانو د تېرې ورځې راهیسې لاریونونه پیل کړي دي.

حکومت اسلام اباد ته د لاریونوالو د ننوتلو د مخنیوي په موخه ټولې لارې او سړکونه بند کړي او په اسلام اباد او شاوخوا سیمو کې یې د عمران خان لسګونه پلویان نیولي او بندیان کړي دي.

د پاکستان تحریک انصاف ګوند لکونه غړي او پلویان د دغه هیواد له بیلابیلو سیمو څخه تیره ورځ یکشنبه د اسلام اباد په لور د اعتراضي لاریون کولو په موخه خوځېدلي او نن دوشنبه د اسلام اباد څنډو ته رسیدلي دي.

د پاکستان د دفاع وزير خواجه اصف اسلام اباد کې له رسنیو سره په کې ويلي، چې د ټوپک په زور له هيچا سره خبرې اترې نه کوي.

هغه وايي، له دې وروسته د عمران خان له ګوند سره هیڅ ډول خبرې اترې نه کوي.

خواجه اصف وویل چې د اسلام اباد په لور د کاروانونو په راتګ کې کومه ستونزه نه لري. او وايي چې، علي امين ګنډاپور مخکې هم راغلى و او اوس بیا اسلام اباد ته پر لاره دی.

ښاغلي اصف په کورمه کې د وروستیو ناکراریو له امله د خیبرپښتونخوا سر وزیر علي امین ګنډاپور ته په اشارې وويل «څوک چې د صوبې خلکو ته انصاف نه شي ورکولی هغه به مذاکرات څنګه وکړای شي؟ د قانون او نظم رامنځته کول د صوبايي حکومت دنده ده.»

خواجه اصف وویل چې د علي امین ګنډاپور په څیر خلک هیڅ د اعتبار وړ نه دي.

د تحریک انصاف ګوند غړو تر دې وړاندې ویلي وو، چې د نومبر په ۲۴م به په اسلام اباد کې د عمران خان د خوشې کېدو په موخه اعتراضي لاریون کوي او تر هغه به بیرته نه ګرځي چې حکومت عمران خان نه وي خوشې کړی.

دا مهال د پاکستان په ډیرو سیمو کې اسلام اباد ته غځېدلې لارې او بازارونه تړلي دي او په اسلام اباد کې بیړنی حالت اعلان شوی دی.