مسکو د افغان - ټرانس د اورګاډي پټلۍ پروژه کې د ګډون لپاره چمتووالی اعلان کړ
د روسیې د لومړي وزیر مرستیال الکسي اورچوک کابل ته په یوه سفر کې طالب چارواکو ته ویلي، چې مسکو غواړي افغان - ټرانس د اورګاډي پټلۍ پروژه کې برخه واخلي.
د روسیې د لومړي وزیر مرستیال الکسي اورچوک کابل ته په یوه سفر کې طالب چارواکو ته ویلي، چې مسکو غواړي افغان - ټرانس د اورګاډي پټلۍ پروژه کې برخه واخلي.
دغه روسي چارواکي له طالب چارواکو سره تر لیدنې وروسته په کابل کې له خبریالانو سره په خبرو کې ویلي، چې په دې پروژه کې به یو د لوېدیځ د اورګاډي پټلۍ او یو د ختیځ د اورګاډي پټلۍ جوړول شامل وي.
هغه زیاته کړه، چې دا پروژه د شمال - سویل د نړۍوال ټرانسپورټي دهلېز یوه برخه ده، چې په پام کې ده د شمالي اوراسیا هېوادونه د سویلي اسیا له هېوادونو سره ونښلوي.
ښاغلي اورچوک ویلي دي، چې دا پروژه د روسیې او د منځنۍ اسیا هېوادونو د ټرانسپورټ وزارت په همکارۍ تر څېړنې لاندې ده.
د شمال - سویل د نړۍوال ټرانسپورټ دهلېز پروژه هڅه کوي، چې د توکو او سوداګرۍ د لېږد لپاره یوه اغېزمنه لاره جوړه کړي.
دا لار به د روسیې په څېر شمالي هېوادونه د منځنۍ اسیا له هېوادونو لکه ایران، هند او د سویلي اسیا له نورو هېوادونو سره ونښلوي.
روسي چارواکي هیله من دي، چې د دې پروژې په بشپړېدو سره به افغانستان د یورو اسیا د هیوادونو او سویلي سیمو ترمنځ د ټرانسپورټي اړیکو په برخه کې مهم رول ولوبوي.
روسي چارواکي هیله من دي، چې د دې پروژې په بشپړیدو سره به افغانستان د اوراسیا د هېوادونو او سویلي سیمو ترمنځ د ټرانسپورټي اړیکو په برخه کې مهم رول ولوبوي.
