د ماشومانو د ساتنې سازمان بشر دوستانه مرستې افغانستان ته ورسېدې
د ماشومانو د ساتنې سازمان اعلان وکړ، چې د دې سازمان د بشري مرستو درېیمه الوتکه چې درمل پکې شامل دي، افغانستان ته رسېدلې ده.
د ماشومانو د ساتنې سازمان اعلان وکړ، چې د دې سازمان د بشري مرستو درېیمه الوتکه چې درمل پکې شامل دي، افغانستان ته رسېدلې ده.
دغه سازمان په افغانستان کې د تنفسي ناروغیو زیاتېدو ته په اشارې سره زیاته کړه، چې دا درمل به د زرګونو ماشومانو په درملنه کې مرسته وکړي.
د ماشومانو د ساتنې سازمان د سې شنبه په ورځ (د لېندۍ ۶مه) په خپل اېکس کې لیکلي: «په داسې حال کې چې تودوخه کمه شوې او تنفسي ناروغۍ زیاتې شوې دي، د ناروغۍ ۶۰ سلنه موارد له پنځو کلونو کم عمره ماشومانو کې لیدل شوي دي.»یاد سازمان ټینګار کړی، چې په افغانستان کې باید ماشومان د هغو ناروغیو له امله ژوند له لاسه ورنکړي، چې د درملنې وړ دی.د ماشومانو د ساتنې سازمان په دې وروستیو کې اعلان وکړ، چې په افغانستان کې د خپلو ژمنیو مرستو لپاره ۴،۲ میلیونه ډالرو کمښت سره مخ دي.د روغتیا نړۍوال سازمان څه موده مخکې د یوه راپور په خپرولو سره ویلي و، چې په افغانستان کې په ورځ کې ۲۴ میندې او ۱۶۷ ماشومان د هغو ناروغیو له امله د زېږون پرمهال ژوند له لاسه ورکوي، چې د درملنې وړ وي.دا په داسې حال کې ده، چې د روغتیا نړۍوال سازمان د ۱۳۹۳ کال د وري په میاشت کې اعلان کړی و، چې په افغانستان کې ۱۸ میلیونه وګړي طبي مرستو ته اړتیا لري.دغه سازمان دا هم ویلي و، چې با کیفیته روغتیايي خدمتونو ته لاسرسی په افغانستان کې یوه لویه ننګونه ده.له هغه وروسته د ۱۴۰۳ کال د تلې په میاشت کې د روغتیا نړۍوال سازمان بیا اعلان وکړ، چې د افغانستان ۱۶۶ روغتیايي مرکزونو ته یې د ۱،۴ میلیونه ډالرو په ارزښت ۱۱۴ ټنه درمل او روغتیايي کیټونه ورکړي دي.اخوا، د طالبانو د ریاست الوزرا مرستیال بیا څو ورځې وړاندې د روغتیا د نړۍوال سازمان له پلاوي سره په کتنه کې د نړۍوالو ادارو له خوا په افغانستان کې د تاریخ تېرو درملو په وېشلو اندېښنه څرګنده کړه.عبدالسلام حنفي وویل، چې د دغو درملو وېشل د نړۍوالو ادارو اعتبار ته زیان رسوي.له دې سره د روغتیا د نړۍوال سازمان د ختیځې مدیترانې سیمې مشر ویلي، چې په افغانستان کې به د تاریخ تېر درملو د وېشلو موضوع وڅېړي.
