د اسلامي همکاریو سازمان او د برېتانیا ځانګړو استازو له طالبانو سره پر تعامل ټینګار وکړ
د افغانستان په چارو کې د اسلامي همکاریو سازمان ځانګړي استازي له خپل برېتانیایي سیال سره په کتنه کې د افغانستان په اړه خبرې اترې وکړې.
د افغانستان په چارو کې د اسلامي همکاریو سازمان ځانګړي استازي له خپل برېتانیایي سیال سره په کتنه کې د افغانستان په اړه خبرې اترې وکړې.
د دوی په خبره، په افغانستان کې له اقتصادي ننګونو، بشري او د بشري حقونو له وضعیت سره د مقابلې لپاره جدي اړتیا ده، چې له طالبانو سره د تعامل کچه زیاته شي.د اسلامي همکاریو سازمان د یوې خبرپاڼې په خپرولو سره وویل، چې د دې سازمان مرستیال او ځانګړي استازي طارق علي بخیت د افغانستان په چارو کې د برېتانیا له ځانګړي استازي انډي مکوبري سره د دوشنبې په ورځ په جده کې د یاد سازمان په مقر کې سره ولیدل.دواړو چارواکو د افغانستان د روان وضعیت او همداراز د دوحې د وروستۍ ناستې د مهمو موضوعګانو په اړه خبرې وکړې.د دوحې درېیمه ناسته چې د روان کال د جون په ۳۰مه او د جولای په لومړۍ نېټه د سیمې او نړۍ د هېوادونو د استازو او همدارنګه د طالبانو د یوه پلاوي په ګډون په قطر کې ترسره شوه، په افغانستان کې د خصوصي سکټور د ملاتړ او د نشه یي توکو پروړاندې د مبارزې په برخه کې د نړۍ د لا زیاتې همکارۍ په اړه خبرې وشوې.دواړو لورو په افغانستان کې د اقتصادي او بشري ستونزو د پایته رسېدو په برخه کې له طالبانو سره تعامل جدي اړتیا وبلله.
