په هرات کې د کتابونو او د ښځو د نقاشۍ درې ورځینی نندارتون جوړ شو
په افغانستان کې د نجونو په نیمه عالي طبي زده کړو د نویو بندیزونو په درشل کې په هرات ولایت کې د کتابونو او د ښځو د نقاشۍ درې ورځینی نندارتون جوړ شو.
په افغانستان کې د نجونو په نیمه عالي طبي زده کړو د نویو بندیزونو په درشل کې په هرات ولایت کې د کتابونو او د ښځو د نقاشۍ درې ورځینی نندارتون جوړ شو.
طالبانو چې په بېلابېلو ولایتونو کې د ساکښو موجوداتو په انځورونو بندیزونه لګولي دي، په دې نندارتون کې د ښځو له خوا جوړ شوي طبیعي او تاریخي منظرې نندارې ته اېښودل شوي دي.د طالبانو تر واک لاندې باختر خبري اژانس د دې نندارتون د جوړوونکي محمد عثمان نورزي په حواله راپور ورکړی، چې په دې نندارتون کې د لسګونو کتابونو ترڅنګ د ښځو د نقاشۍ ۱۰۰ هنري اثار هم نندارې ته اېښودل شوي دي.د ساکښو موجوداتو په انځورونو له بندیزونو سره - سره بیا هم په هرات ولایت کې د یادې ډلې د اطلاعاتو او فرهنګ ریاست امر د دې نندارتون موخه د کتاب لوستلو د فرهنګ د دودولو او د نقاشۍ په برخه کې مهم بللی دی.طالبانو سره له دې چې له تېرو درېیو کلونو راهیسې د نجونو په ښوونځیو او پوهنتونونو بندیزونه لګولي و، تېره ورځ یې په نیمه عالي طبي زده کړو هم بندیزونه ولګول.نیمه عالي طبي زده کړې یوازینۍ برخه وه، چې نجونو په کې د زده کړو اجازه درلوده.پر دې ټولو سربېره طالبانو ښځې له ټولو مدني او ټولنیزو فعالیتونو او کارونو هم منع کړي دي.که څه هم د طالبانو دغه کړنې له پراخو کورنیو او بهرنیو غبرګونونو سره مخ دي او ان د طالبانو پروړاندې په لاهه محکمه کې د دوی د سرغړونو د دوسیې په اړه هم څېړنې پیل شوي، خو طالبان نه یوازې دا چې خپل مخکیني بندیزونه لرې کړي نه دي، بلکې د بندیزونو چارې یې نورې هم زیاتې کړي دي.طالب چارواکو په ځلونو ویلي، چې د زده کړو د مسایلو په برخه کې هېچا ته د افغانستان په کورنیو چارو کې د لاسوهنې اجازه نه ورکوي.
