طالبان: په بامیان ولایت کې دوه کان کېندونکي د ګاز نیونې له امله مړه شوي دي
طالبان وایي، چې د بامیان ولایت په سیغان ولسوالۍ کې د ډبرو سکرو په یوه کان کې دوه تنه کان کېندونکي د ګاز نیونې له امله مړه شوي دي.
طالبان وایي، چې د بامیان ولایت په سیغان ولسوالۍ کې د ډبرو سکرو په یوه کان کې دوه تنه کان کېندونکي د ګاز نیونې له امله مړه شوي دي.
په بامیان ولایت کې د طالبانو ولایت ادارې په خپره شوې خبرپاڼه کې راغلي، چې دغه پېښه د سیغان ولسوالۍ په «خواجه ګنج» کلي کې تېره ورځ غرمه مهال شاوخوا ۱۲ بجې شوې ده.په خبرپاڼه کې راغلي، چې په دغه پېښه کې د مړو شویو کان کېندونکو مړي د هغوی کورنیو ته سپارل شوي دي.د خبرپاڼې له مخې، د بامیان ولایت لپاره د طالبانو والي عبدالله سرحدي د سیغان ولسوالۍ امنیتي، کشفي او ملکي مسوولانو ته د ورته پېښو د مخنیوي سپارښتنه کړې ده.خبرپاڼه وړاندې کاږي، چې نوموړي دارنګه د مړو شویو کسانو له کورنیو سره خپله خواخوږي هم څرګنده کړې ده.هغه زیاته کړې، چې په سیغان ولسوالۍ کې دې له کان کېندنې جدي څارنه وشي او د سیمې اوسېدونکو ته د ډبرو سکرو د ناقانونه کېندنو اجازه ورنه کړي.
دغو معترضینو دغه راز په نړۍوالو غږ وکړ، چې د افغان نجونو د زده کړو لپاره پر طالبانو فشار راوړي.
دغه لاریونونه په داسې حال کې کېږي، چې د طالبانو مشر ملا هبت الله اخوندزاده تېره اونۍ د یو فرمان په ترڅ کې د هېواد په ټولو طبي انسټیټیوټونو کې د نجونو پر زده کړو بندیز ولګاوه.
د طالبانو دغې پرېکړې په کور دننه او بهر کې له پراخو غبرګونونو سره مخ شوې ده.
دا په داسې حال کې ده، چې نن بیا د هېواد په یخو سیمو کې د زرګونو نجونو د شپږم ټولګي وروستۍ ازموینه وه.
د کابل پوهنتون پخواني استاد محبوب شاه محبوب افغان نجونو ته په اشارې سره په خپل اېکس کې له طالبانو پوښتنه کړې: «دوی څه ګناه کړې؟ که ګناه همدا وي، چې د دوی ذات ښځه دی؛ نو موږ هر یو د یوې - یوې ګنهګارې مور اولادونه یو.»
نوموړي همداراز زیاته کړې: «نن په یخو سیمو کې د زرګونو نجونو د شپږم ټولګي وروستۍ ازموینه وه، دا کوچنۍ فرښتې یوازې د دې لپاره ژاړي چې نور نه شي کولی چې زده کړې وکړي.»
اخوا یو شمېر دیني عالمان هم د ښځو د زده کړو پر دوام ټینګار کوي او وایي، چې په اسلام کې د ښځو پر زده کړو هېڅ ډول بندیز او ممانعت نه شته.
د مسلمانو عالمانو د نړۍوال اتحاد غړی فضل الهادي وزین وایي، چې د اسلام له نظره ښځې د نارینه و په شان او د خپلې غوښتنې پر اساس حق لري، څو هر هغه علم چې حرام نه وي، ترلاسه کړي.
نوموړي په خپل اېکس کې لیکلي: «پاچا، امیر او یا هم ولسمشر هېڅ یو یې حق نه لري، چې ښځې له یو مشخص علمي بهیر څخه منع کړي.»
د نوموړي په خبره، ښځې حق لري څو په شرعیاتو، طب، انجینیرۍ، اقتصاد، ادبیاتو، کمپیوټر ساینس، روان درملنې او نورو برخو کې زده کړې وکړي.
طالبانو پر افغانستان له واکمنېدو وروسته لومړۍ له شپږم ټولګي پورته د نجونو پر ښوونځيو، بیا پر پوهنتونونو او اوس هم پر طبي انسټیټیوټونو بندیزونه لګولي دي.
سره له دې چې د افغانانو په ګډون د نړۍ ټولو هېوادونو په وار - وار سره له دې ډلې غوښتي، چې د ښځو پروړاندې سخت دریځ بند کړي، خو طالب چارواکي وایي، چې دوی د اسلامي قوانینو او شریعت پربنسټ چارې پرمخ بیایي.