طالبان: له ایران او پاکستانه نږدې ۱۰۰ کورنۍ افغانستان ته راستنې شوې
د طالبانو تر واک لاندې د باختر اژانس د خبر له مخې، چې تېره ورځ له ایران او پاکستانه ۸۹ کورنۍ بېرته افغانستان ته راستنې شوې دي.
د طالبانو تر واک لاندې د باختر اژانس د خبر له مخې، چې تېره ورځ له ایران او پاکستانه ۸۹ کورنۍ بېرته افغانستان ته راستنې شوې دي.
دغه اژانس پر اېکس پاڼه کاږلي، چې دغه کورنۍ د افغانستان له څلورو لارو تورخم، سپین بولدک، اسلام کلا او ورېښمو پله له لارې ستنې شوې دي.
خو د دغو راستنو شویو د ټولټال شمېرو په اړه یې څه نه دي ویلي او دا یې هم نه دي ویلي، چې دغه کورنۍ په زور راستنې شوې او که په خپله خوښه.
دغه اژانس لیکلي، چې سلګونو کورنيو ته مرستې هم وېشل شوې دي.
له تېرې یوې اوونۍ راهیسې له ایران او پاکستانه د ستنېدونکو کډوالو په شمېر کې کموالی راغلی دی.
په تېرو اونیو کې به له دواړو هېوادونو د ستنېدونکو کورنیو شمېر تر ۳۰۰ پورې رسېده؛ خو له تېرو څو ورځو راهیسې د دغه شمېره تر سلو ټیټه شوې ده.
له بل پلوه د طالبانو د کډوالو او بېرته راستنېدونکو چارو وزارت ویلي، چې په تېرو اتو میاشتو کې له ۹۰۰ زرو څخه ډېر افغان کډوال بېرته افغاستان ته ستانه شوي دي.
د طالبانو د کډوالو او بېرته راستنېدونکو چارو وزارت د چارواکو په وینا، دغه شاوخوا ۹۰۰ زره کډوال له ایران، پاکستان او ترکیې څخه راستانه شوي دي.
د دغه وزارت ویاند عبدالمطلب حقاني ویلي، چې د دغې شمېرې له ډلې له ترکیې څخه ۱۵زره، له پاکستانه ۸۸ زره او پاتې نور له ایرانه راستانه شوي دي.
رینا امیري د قطر د بهرنیو چارو وزارت له ځانګړي استازي سره په لیدنه کې د دواړو هېوادونو ترمنځ د نږدې اړیکو او د هغوی د ملاتړ او پراختیا پر لارو چارو او دارنګه په افغانستان کې د ټیکاو د ټینګښت لپاره د نړۍوالو هڅو په اړه خبرې کړې دي.
دا په داسې حال کې ده د امریکا د نړۍوالې پراختیا ادارې او زده کړې د ټولو لپاره په نوم قطري بنسټ چارواکو ویلي، چې د یکشنبې په ورځ یې په افغانستان کې د هغو ماشومانو، نجونو او ځوانانو د زده کړې د ملاتړ لپاره د ۵۰ میلیونو یو تړون لاسلیک کړ چې په افغانستان کې له زده کړو پاتې دي.
دغو دوو بنسټونو د څه باندې سل زره هغو ماشومانو د ثبتولو لپاره چې له درسونو څخه پاتې شوي، په مساوي توګه ۵۰ میلیونه ډالر ځانګړي کړي او نږدې دوه زره ځوانانو ته یې تحصیلي بورسونه ورکړي دي.
ورته مهال په یوې بلې جلا ناسته کې اغلې امیري د قطر د پوهنې وزیرې سره د افغانستان په روان وضعیت خبرې کړې دي.
په دغه ناسته کې دواړو خواوو د افغانستان په ښوونیزو برخو کې د ګډو همکاریو پر اړخونو او په ځانګړې توګه د نجونو د زدهکړو او د هغوی له حقونو د ملاتړ او ودې پر لارو چارو خبرې اترې کړې دي.
