طالبانو په پکتيا ولايت کې اتو کسانو ته تعزیري سزا ورکړې ده

د طالبانو د عدلیې وزارت په خبرپاڼه کې راغلي، چې د دغه وزارت له غصب څخه د مخنیوي کمېسيون دغه ځمکه په کندهار، کندز، جوزجان، غور، خوست او پنجشېر ولایتونو کې له غصبه خلاصه کړې او اړوندو ادارو ته یې سپارلې ده.
‏ د خبرپاڼې له مخې، په ۲۵ ولایتونو کې ۳۱۶ زره ۸۱۳ جریبه ځمکه تثبیت شوې او په ۳۱ ولایتونو کې بیا ۳۷۵ زره ۷۴۲ جریبه ځمکه لا هم تر څېړنې لاندې ده.
طالبان وخت نا وخت د غصب شویو ځمکو د راګرځولو خبره کوي.
طالبانو دا نه دي ويلي، چې دغه ځمکې د چا له‌خوا او کله غصب شوې وې.
د طالبانو د عدلیې وزارت تر دې وړاندې هم ویلي و، چې په ټول افغانستان کې له غاصبانو د دولتي ځمکو د بېرته راګرځولو بهیر په چټکۍ سره روان دی.
د دغه وزارت د معلوماتو له مخې، د دولتي ځمکو د غصب د مخنیوي کمېسیون د افغانستان په څلورو زونونو کې ځانګړې محکمې او د ځمکو د پېژندنې او تثبیت پلاوي ګومارلي دي.
سره له دې چې دغه وزارت د افغانستان د ملي شورا ځیني غړي او د پخواني نظام یو شمېر چارواکي د ځمکو پر ولکه کولو تورن کړي؛ خو تر ډېره د هغوی نومونه نه ډاګیز کوي، خو داسې راپورونه شته چې د افغانستان د پخوانۍ ولسي جرګې دوه تنه غړي دا مهال د طالبانو په بند کې دي.

د مسوولینو په وینا، دغه کورونه یې په ګلران او زنده جان ولسوالیو کې د ۱۰۲ مېلیونه افغانیو په لګښت جوړ کړي دي.
د دغې ټولنې په وینا، دغه کورونه یې د سره صلیب او د سرې میاشتې د نړۍوال فدراسیون په همکارۍ رغولي دي.
د طالبانو تر کنټرول لاندې دغه بنسټ تر دې وړاندې (د لړم په ۱۸مه) هم خبر ورکړی و، چې د دغې ټولنې له‌خوا ۲۸۵ کورونه د هرات ولايت زلزله ځپلو ته سپارل شوي دي.
که څه هم چې په تېر یو کال کې د هرات پر زلزله ځپلو خلکو د بېلابېلو کورنیو او بهرنیو مرستندویه بنسټونو له‌خوا کورونه جوړ او ووېشل شول؛ خو لا هم د دغو خلکو ستونزې هغه شان نه دي هوارې شوي، لکه څنګه چې دوی یې تمه کوله.
تر دې وړاندې د ملګرو ملتونو د بشري مرستو د همغږۍ ادارې (اوچا) ویلي و، سره له دې چې د دویم ځل لپاره د ژمي سړې سېلۍ په رالوتو دي، په هرات کې لا هم ۲۵ زره کورنۍ بې سر پناه پاتې دي.
دغه بنسټ (د لړم په ۳۰مه) د یو راپور په خپرولو سره ویلي و، د دویم ژمي په راتګ سره لا هم په هرات کې د زلزله ځپلو کورنیو لپاره د کورونو د وېش څرک نه لګېږي.
دغه بنسټ دارنګه ویلي و، چې د افغانستان لپاره د بشري مرستو او د بېړنیو حالاتو لپاره د ملګرو ملتونو د بېړنیو مرستو صندوق د هرات له زلزله ځپلو سره د مرستې په پار ۱۴.۷ مېلیون ډالره مرسته کړې؛ خو لا هم دغه خلک د کورونو د نشتوالي له امله ستونزې ګالي.
په هرات ولایت کې د تېر کال د مرګونې زلزلې له امله د ملګرو ملتونو د شمېرو له مخې ۱۵۰۰ تنه مړه شوي او سلګونه نور یې ټپیان کړي وو. د دې تر څنګ د دغې زلزلې له امله د استوګنې ۵۰ زره کورونه زیانمن شوي و، چې۱۳۰۰ کوره په کې په بشپړه توګه نړیدلي ول.

دغه شرکت د سې شنبې په ورځ ویلي، چې د دغه شرکت مشر عبدالباري عمر تاشکند کې د ازبکستان د بریښنا د ملي شرکت له مشر سره د ۲۰۲۵ زیږدیز کال لپاره د بریښنا د لیږدولو قرار داد تمدید کړیدی.
د طالبانو د بریښنا شرکت د یوې خبرپاڼې په خپرولو سره ویلي، چې د دغه قرارداد د لاسلیک کولو پر مهال د طالبانو د بهرنیو چارو او مالیې وزارتونو استازو هم ګډون کړی و.
د بریښنا شرکت په خبرپاڼه کې راغلي: «د بریښنا شرکت پلاوي د قرار د تمدید تر څنګ له ازبکستان څخه افغانستان ته د ۵۰۰ کیلو ولټه بریښنا د لیږدولو په اړه هم خبرې اترې کړېدي.»
په خبرپاڼه کې دا رنګه زیاته شوې چې دواړو غاړو هوکړه کړې، چې د یو لړ مسلکي او تخنیکي ارزونو وروسته به افغانستان ته د ۵۰۰ کیلو ولټه بریښنا بنسټیزې چارې چې له سرخان څخه پیلیږي او د پلخمري له لارې تر کابله رسیږي هم پیل شي.
تر دې وړاندې د بریښنا شرکت له ترکمنستان سره هم د بریښنا د لیږد په اړه ورته قرارداد لاسلیک کړی و.
خو د دغو قراردادونو د لاسلیک کولو سره، سره د افغانستان خلک لا هم په ډېرو ولایتونو او ان په پلازمېنې کابل کې د بریښنا د کموالي او نشتوالي شکایت کوي.
ګڼ خلک وایي چې افغانستان د پریماته اوبو په لرلو سره لا هم بریښنا نه لري او د دې پر ځای چې په دې برخه کې بنسټیزې لارې چارې ولټول شي، افغانستان له ګاونډیو هیوادونو سره په دغسې قراردادونو نه شي کولای چې د خلکو ستونزې په سمه توګه غوڅې کړي. دغه خلک وایي د دغه شان قرار دادونو د لاسلیک کولو پر ځای دې پر سیندونو بریښنا کوټونه جوړ شي او د لمریزې او بادي بریښنا څخه ګټه واخیستل شي او په دغو برخو کې دې افغان پانګوال پانګونې ته وهڅول شي.

حمیدي په خپل اېکس کې لیکلي، چې، متقاعدینو خپله ځواني د دولت او د خلکو په خدمت کې تېره کړې او هېڅ څوک حق نلري، چې د دوی حق ورځينې واخلي.
نوموړي لیکلي: «دغو نارینه او ښځو په عزت او وقار سره د خپلې ځوانۍ ښې ورځې د خپلو خلکو او دولت لپاره د کار او خدمت لپاره قربانې کړې دي. دوی د خپلو معاشونو او حقوقو څخه پیسې د تقاعد صندوق ته ورکړې، ترڅو په زاړه عمر او معیوبیت کې چاته لاس ونه نیسي او کورنۍ یې ټولنیز او مالي امنیت له پلوه خوندي وي».
نوموړي په دغه ټوېټ کې طالبانو ته په اشارې سره ویلي، چې په غصب، فساد، اختلاس، د کانونو په غلا، د نشه یي توکو په قاچاق او بې عدالتیو کې ښکېل دي، خو د هغه چا حق نه ورکوي، چې په عزت یې خدمت تر سره کړی.
د افغانستان د دولتي سکتور کارکوونکو د جمهوري حکومت له نړېدو او د ۱۴۰۰ هجری شمسی کال په وږي میاشت کې د اسلامي امارت له بیا واکمنېدو وروسته د تقاعد پیسې نه دي اخیستي.
نږدې درې کاله کېږي، چې متقاعدین له حکومته د خپلو حقونوغوښتنه کوي، خو غږ یې تر اوسه نه دی اورېدل شوی.
یاده دې وي، چې په افغانستان کې د تقاعد لپاره عمر ۶۵ کاله دی او یا دا چې یو چا باید ۴۰ کلنه کاري موده بشپړه کړې وي.
خو په تېرو څو پرلپسې نظام پرځېدنو کې واکمنو چارواکو له پخوانیو نظامونو پاتو کورناستو یا متقاعدینو ته د هغوی حقونه د قانون له مخې نه دي ورکړي، په ځانګړي دول هغو کسانو ته چې پوځي دندې یې کړي

خلیل الرحمان حقاني چې د حقاني شبکې یو له مهمو مشرانو څخه و، تېره اوونۍ په کابل کې د مهاجرینو په وزارت کې د یوه ځانمرګي بریدګر له خوا ووژل شو.
د حقاني د وژنې مسووليت د داعش خراسان څانګې پر غاړه اخيستی.
د سې شنبه په ورځ په پښتو ژبه په یوه پیغام کې جماعت القضات الجهاد خلیل الرحمان حقاني "لوی مجاهد" بللی دی او دغې ډلې په خپله اعلامیه کې د طالبانو د مشر حقاني پر مړینې خواشیني ښودلې ده.
په عرب ټاپووزمه کې د القاعدې بلې څانګې بیا په جلا بیان کې خلیل الرحمان حقاني "د جهاد یو له ثابتو غرونو" څخه بللی او ویلي یې دي: "هغه د یوې اصلي جهادي کورنۍ څخه و، چې د دوی ملګری و. شېخ جلال الدین حقاني د جهاد په لاره روان وو او نن یې ژوند په خیر پای ته ورسېد او د اشغالګرو پر وړاندې له لسیزو جهاد او استقامت وروسته په شهادت ورسېد».
په عربي ټاپووزمه کې د القاعدې سازمان د القاعدې یوه څانګه ده، چې په ځانګړي ډول په یمن او سعودي عربستان کې فعالیت کوي.
دغه سازمان ویلي: "د داعش پر وړاندې شرعي دنده د هغوی وژل او له منځه وړل دي، ځکه دا یو لوی شر او لوی ناورین دی."
په خبرپاڼه کې د حقاني له کورنۍ سره خواخوږي څرګنده شوې ده.
یاده دې وي، چې د القاعدې مشر ایمن الظواهري په ۲۰۲۲ کال کې په کابل کې د طالبانو د کورنیو چارو د وزیر سراج الدین حقاني په مېلمستون کې ووژل شو او دا د دې ښکارندویي کوي، چې د حقاني شبکه له القاعدې سره نږدې اړیکې لري.
همدا ډول د ملګرو ملتونو د امنیت شورا د راپور پر بنسټ، طالبانو له القاعدې سره خپل اتحاد او همکارۍ ته دوام ورکړی دی.
د دغه راپور له مخې، القاعده په افغانستان کې خپلې اته اډې بېرته فعالې کړې دي.