فضا ته د لسو ورځو لپاره تللي ستورمزلي د نهه میاشتو لپاره وځنډېدل
ناسا ویلي، چې د تېرو شپږو میاشتو راهیسې په نړۍواله فضایي اډه کې د ستورمزلو بیرته ستنېدل نور هم ځنډول شوي.
ناسا ویلي، چې د تېرو شپږو میاشتو راهیسې په نړۍواله فضایي اډه کې د ستورمزلو بیرته ستنېدل نور هم ځنډول شوي.
د متحده ایالاتو د فضایي څېړنو ادارې ناسا د سې شنبې په ورځ (د لېندۍ ۲۷مه) اعلان وکړ، دوه ستور مزلي چې د جون په میاشت کې د لس ورځيني ماموریت له پاره نړۍوالې فضایي اډې (اې ایس ایس) ته استول شوي وو د ځينو ستونزو له امله یې د بېرته راګرځېدو موده نهو میاشتو ته غځول شوې ده.
د ناسا په وینا، په فضايي اډه کې ستورمزلي سوني ویلیامز او مېرمن بوچ ویلمور به اوس د راتلونکي کال د مارچ په پای کې ځمکې ته راستانه شي.
دغه ستورمزلي د جون په میاشت کې د لس ورځني ماموریت لپاره د بوینګ سټارلاینر فضايي الوتکې په لومړۍ مسافر وړونکي الوتنه کې فضا ته ورسیدل، مګر د سټارلاینر د وړتیا په اړه اندیښنې راپورته شوې چې بیرته ځمکې ته نه شي راګرځېدلی.
ناسا ویلي، چې ددغو دوو ستورمزلو بېرته راګرځېدنه به د کریو-۱۰ په نامه څلور کسیز ماموریت چې په مارچ میاشتې کې به پېل شي، ترسره شي.
بوینګ سټار لاینز کیپسول ته دنده سپارل شوې وه، چې یاد ستورمزلي بېرته ځمکې ته راوګرځوي خو په دغه کېپسول کې د یو لړ ستونزو له امله دغه ماموریت وځنډول شو.
۱. د لاسونو پاکوالي ته پام کول
د لاسونو پاکوالی د زکام د مخنیوي تر ټولو اغیزناکه لار ده. د لاسونو د مینځلو لپاره صابون او له ګرمو اوبو څخه ګټه واخلئ، په ځانګړي ډول وروسته له دې چې له خلکو سره په تماس کې شئ یا له عامه ځایونو څخه کور ته راستانه شئ. د الکولي لاس مینځونکو موادو کارول هم اغېزناک وي.
۲. د خولې او پوزې پوښل
په ژمي کې د زکام ویروسونه په ډېره اسانۍ د ټوخېدو، پرنجېدو یا خبرو کولو پر مهال د هوا له لارې خپرېږي. هڅه وکړئ چې د ټوخي او پرنجي پر مهال یو ټوکر خولې ته ونیسئ او یا که ټوکر مو نه لاره په خپلې څنګلې خپله خوله پټه کړئ او که ناروغ یاست، ماسک وکاروئ څو نور خلک خوندي پاتې شي.
۳. مناسب خواړه او د مایعاتو څښل
د ژمي په موسم کې هغه خواړه وخورئ چې ویټامین سي او انټي اکسیدنټونه ولري، لکه نارنج، لیمو، کینو، شنه سبزيجات او تازه مېوې.
سربېره پر دې، ګرم څښاک لکه؛ شیدې، چای، سوپ او ښوروا مو بدن ګرم ساتي او د زکام خطر کموي.
۴. کافي خوب کول
د روغ بدن لپاره مناسب خوب اړین دی. د شپې لږ تر لږه ۷ تر ۸ ساعته خوب وکړئ چې دفاعي سیستم مو پیاوړی پاتې شي. کم خوبي د ناروغیو پر وړاندې د بدن مقاومت کمزوری کوي.
۵. له ناروغانو فاصله ساتل
که څوک زکام وي، هڅه وکړئ چې له هغوی سره مستقیمه اړیکه ونه لرئ. د هغوی د استعمال شیانو لکه؛ ګیلاس، ټوکر، یا د کار ځای ته له لاس ور وړلو ډډه وکړئ.
۶. ځان ګرم ساتل
په ژمي کې د ګرمو جامو اغوستل او د کور دننه د خونې مناسب ګرم ساتل ډېر مهم دي. سړه هوا د زکام ویروسونو لپاره مناسبه ده، نو ځان ګرم وساتئ.
۷. واکسین اخیستل
د زکام ضد واکسین کولی شي ستاسې د ناروغېدو خطر کم کړي. که مو روغتیایي مرکز کې د واکسین کولو فرصت وي، دا ګام واخلئ څو ځان او خپله کورنۍ خوندي وساتئ.
پایله
زکام د ژمي یوه عامه ناروغي ده، خو په ساده تدابیر د دې ناروغۍ خطر ډېر کمولی شئ.
د لاسونو پاکوالی، مناسب خواړه، کافي خوب او له ناروغانو فاصله ساتل هغه مهم اقدامات دي چې تاسې له زکام څخه ژغورلی شي.
د دې تدابیرو په عملي کولو سره به تاسې د ژمي په موسم کې روغ او تازه پاتې شئ.
