د لېتوانیا، استونیا او فنلنډ مشرانو خبرداری ورکړی، چې ناټو له امریکا پرته د روسیې پر وړاندې د خپل ځان د دفاع توان نه لري. دوی د ناټو له نورو غړو وغوښتل، مخکې له دې چې ټرمپ سپینې ماڼۍ ته ولاړ شي "روسیې ته څنګه ځواب ووایي" موافقه وکړي.
د استونیا لومړي وزیر وویل، چې "د روسیې د ګواښ له امله باید د سازمان دفاعي وړتیا لوړه شي".
تر دې مخکې د امریکا منتخب ولسمشر ډونالډ ټرمپ د امریکا له اروپايي متحدینو غوښتي وو، چې خپل دفاعي لګښتونه د ناخالص داخلي تولید ۵ فصده ته لوړ کړي.
په عین حال کې، روسیه به په راتلونکي کال کې د خپل ناخالص تولید ۶،۳ فیصده په دفاعي سکټور مصرف کړي.
روسیې په وار - وار ویلي، چې د ناټو پر غړو د برید نیت نه لري، خو پر اوکراین برید روسیې ته نږدې کوچني هېوادونه اندېښمن کړي دي.
دې برید فنلنډ له کلونو بې پرېتوب وروسته له ناټو سره یو ځای کړ.
د فنلنډ ولسمشر الکساندر سټوب پر اروپا د ټرمپ د فشار ملاتړ وکړ.
هغه وویل، چې هېوادونه باید د ناټو په چوکاټ کې د خپلې پوځي بودیجې کسر سم کړي.
د ټرمپ د څرګندونو سره - سره چې هغه ښایي له ناټو څخه ووځي، سټوب وویل چې هغه باور نه لري چې متحده ایالات به د ناټو له غړېتوب څخه ووځي.
هغه وویل: "زه فکر کوم چې دا د متحده ایالاتو په ګټه ده، چې په اروپا کې وي."
د هغه په وینا، د ناټو مشرانو موافقه کړې، چې "هغه څه چې په راتلونکو اونیو او میاشتو کې په اوکراین کې پېښېږي د اروپا او ناټو لپاره مهم دي او دا مهمه ده، چې په اوکراین کې د ولسمشر پوتین هیلې ماتې شي
