د ازادۍ په نامه جبهه وایي چې د یو برید په ترڅ کې یې په کندوز کې دوه تنه طالبان وژلي
«د افغانستان د ازادۍ» په نامه جبهه وایي چې د دوی وسله والو د کندوز ښار په لومړۍ حوزه کې دوه تنه طالبان وژلي او درې نور یې ټپیان کړي دي.
«د افغانستان د ازادۍ» په نامه جبهه وایي چې د دوی وسله والو د کندوز ښار په لومړۍ حوزه کې دوه تنه طالبان وژلي او درې نور یې ټپیان کړي دي.
دغې جبهې د جمعې په ورځ د (مرغومي په ۷مه) د شپې نا وخته په یوې خبرپاڼه کې ویلي چې: «په کندوز ښار کې د طالبانو د لومړۍ امنیتي حوزې کسانو ګڼ ښاریان له نیولو وروسته ربړول او خلکو ته یې زیانونه رسول، چې له هغې وروسته د دوی کسانو د دغې حوزې په قرارګاه برید وکړ.»دغې جبهې په دغه برید کې خپلې غاړې ته د اوښتي زیان په اړه څه نه دي ویلي.طالبانو هم تر اوسه په دې اړه څه نه دي ویلي او بلې خپلواکې سرچېنې هم د دغې ادعا پخلی نه دی کړی، خو د ازادۍ او مقاومت په نامه ډلې ډېر ځله پر طالبانو د غلچکي بریدونو په اړه خبر پاڼې خپروي او د افغانستان په بېلابېلو ولایتونو کې د طالبانو پر وړاندې جنګیږي چې تر ډېره د دغو ډلو بریدونه د افغانستان په شمالي او شمال ختیځو سیمو کې شویدي.
