هسپانیا ته ۲۰۲۴ کې شاو خوا ۶۴ زره پناه غوښتونکي تللي چې له دې سره یې نوی ریکارډ جوړ کړ

۲۹ کلنه سیسیلیا سالا، د فوګلیو ۲ ورځپاڼي لپاره ازاده ژورنالیسته ده، نوموړې اوس مهال د ایران په ایوین زندان کې بندي ده، په دغه زندان کې د ۲۰۲۳ کال د نوبل سولې جایزې ګټونکې نرګس محمدي هم ساتل کیږي.

سالا چې په ایران کې د خبریالې په ټوګه ویزه اخیستې وه او دغه هېواد کې اوسېده، د ډسمبر په ۱۹مه د اسلامي شریعت څخه د سرغړونې په تور ونیول شوه.

د بهرنیو چارو وزارت وویل، چې په روم کې د ایران له سفیر محمد رضا صبوري سره د کتنې په ترڅ کې یې د سالا لپاره د "باعزته توقیف شرایط چې بشري حقونو ته درناوی لري" د ترلاسه کولو غوښتنه کړې.

د ایټالیا د بهرنیو چارو وزیر، انتونیو تاجاني وویل، چې حکومت "د دې خورا پیچلې ستونزې د حل لپاره په ډېر احتیاط سره کار کوي.»

سالا په انسټاګرام کې نږدې نیم میلیون څارونکي لري او د ایټالیا خبرو اترو پروګرام کې منظمه میلمنه وي. نوموړې د نورو موضوعاتو تر څنګ د کابل سقوط او په افغانستان کې د طالبانو بیرته راتګ، د وینزویلا کړکیچ، د اوکراین جګړه او د اسراییل او حماس ترمنځ جګړه تر پوښښ لاندې نیولې وه او دوامداره یې پرې کار کړی.

د پولیسو په وینا دغه پېښه د یو شخصي کلب څخه د باندې رامنځته شوې چې له امله یې شپږ مېرمنې او څلور نارینه ټپیان دي او تمه کیږي چې روغتیایي حالت یې ښه وي.

د دوی په وینا، پیښه هغه مهال رامنځته شوه کله چې ۳ یا ۴ نارینو د کلب څخه د باندې د خلکو په لور ډزې وکړې.

پولیسو په دغه پېښه کې د ترهګریز برید احتمال رد کړی دی.

دا پیښه د نوي کال په ورځ، د متحده ایالاتو په نورو سیمو کې د تاوتریخوالي دوه نورو پېښو وروسته رامنځته شوي.

په نیو اورلینز کې، یوه لارۍ په یوه کوڅه کې چې د نوي کال له میلمنو څخه ډکه وه، ۱۵ کسان ووژل، او په لاس ویګاس کې، د ټیسلا ټرک د ټرمپ هوټل د باندې چاودنه وکړه، یو کس پکې ووژل شو او اوه نور ټپیان شول.

بل پلو،اسراییل هم د اوربند د دوام سره سره د لبنان په سویل کې د حزب الله پر مرکزونو د برید ادعا کړې ده.

لومړي وزیر بنیامین نتنیاهو یوه پلاوي ته اجازه ورکړې، چې د غزې په تړانګه کې د اوربند د خبرو لپاره د قطر پلازمېنې دوحې ته سفر وکړي.

د غزې په تړانګه کې د اسراییل په جګړه کې د ۲۰۲۳ کال د اکتوبر له اوومې راهیسې لږ تر لږه ۴۵ زره او ۵۸۱ فلسطینیان وژل شوي او ۱۰۸ زره او ۴۳۸ نور ټپیان شوي دي.

همدا ډول د حماس تر مشرۍ لاندې په همدې موده کې په اسراییل کې لږ تر لږه ۱۱۳۹ کسان وژل شوي او تر ۲۰۰ زیات یرغمل شوي دي.

د فلسطیني ادارې په دغه پرېکړه الجزیرې خبري شبکې خواشیني ښودلې او دغه پرېکړه یې "په اشغال شوې سیمو کې د پیښو په اړه د حقیقت پټولو هڅه" بللې ده.

الجریزې وویل، دا پرېکړه د جنین کډوالو په کمپ کې د وسله والو اسلامپالو ډلو په وړاندې د فلسطیني امنیتي ځواکونو له خوا د وروستي لوی برید د خبرونو پوښښ سره تړلې ده چیرې چې لږترلږه ۱۱ کسان وژل شوي دي.

الجزیره چې د فلسطینیانو له خوا په پراخه کچه لیدل کیږي په ځانګړې توګه د غزې د جګړې د پراخ پوښښ لپاره، لا دمخه په اسراییل کې په عربي او انګلیسي ژبه بنده شوې ده.

الجزیره یو له هغو څو نړۍوالو ټلوېزوني چېنلونو څخه ده، چې د غزې په تړانګه کې د اسراییل د جګړې بې ساری پوښښ وړاندې کوي.

ای پي خبري اژانس د دوو چارواکو له قوله چې نومونه یې ندي خپاره شوي لیکلي، متیو لیویلزبرګر چې د ټرمپ هوټل مخې ته یې د چاودېدونکو توکو ډک موټر چاودنه وکړه او شمس الدین جبار چې په اورلینز کې یې د خلکو په ګڼه ګوڼه موټر برابر کړ، ۱۵ تنه یې ووژل او زیات شمېر یې ټپیان کړل، دواړو په یو کمپ کې په افغانستان کې دندې ترسره کړي.

چاوراکو ویلي، برګر په ګرین بیریټس (لوړ روزل شوي ځانګړي ځواکونه چې په بهر کې د تروریزم سره د مبارزې او شریکانو د روزنې لپاره کار کوي) کې خدمت کړی. دوه ځلې افغانستان ته استول شوی او په اوکراین، تاجکستان، ګرجستان او کانګو کې یې دنده ترسره کړې ده.

که څه هم ایف بي اې ویلي، چې دا دواړه پېښې جلا جلا وې، خو یو شمېر امریکايي رسنیو ویلي چې په دواړو پېښو کې کارول شوي موټر د تورو په نوم د کرايي موټر له اپلیکیشن څخه په کرایه اخیستل شوي وو.