یونېسف: تېر کال افغانستان کې ۵۰۰ ماشومانو ته د جګړې د ناچاوده توکو له امله مرګژوبله اوښتې
یونېسف راپور ورکړی، چې تېر کال په افغانستان کې تر ۵۰۰ ډېر ماشومان د ناچاودو توکو یا د جګړې د پاتې شونو چاودېدونکو توکو له امله مړه یا ټپیان شوي.
یونېسف راپور ورکړی، چې تېر کال په افغانستان کې تر ۵۰۰ ډېر ماشومان د ناچاودو توکو یا د جګړې د پاتې شونو چاودېدونکو توکو له امله مړه یا ټپیان شوي.
افغانستان د نړۍ د هغو هېوادونو په کتار کې دی، چې وګړي یې د ماینونو او ناچاوده توکو له امله ډېر خطر سره مخامخ دي.
یونېسف په خپله اېکس خواله رسنۍ د ناچاوده توکو د عامه پوهاوي په اړه لیکلي: «یونېسف په تېر یو کال کې درې مېلیونه ماشومانو او د هغوی کورنیو ته د ناچاوده توکو پېژندلو، د ګواښ او له دغه ګواښ څخه د خونديتوب روزنه ورکړې.»
له جګړو پاتې شوي ناچاوده توکي د ماشومانو لپاره خورا ستر ګواښ دی، چې له امله یې یا ماشومان مړه کېږي او یا هم دایمي معیوب کېږي.
یونېسف دقیق ارقام نه دي خپاره کړي، چې د ناچاودو توکو له امله څومره ماشومان مړه شوي او څومره ټپيان دي.
خو څو ورځې وړاندې د سره صلیب نړۍوالې کمیټې ای سي ار سي په افغانستان کې د ملکي وګړو د مرګ ژوبلې په دوام ویلي، چې د ۲۰۲۴ کال له پیل څخه تراوسه د ماشومانو په ګډون ۴۵۵ کسان د نا چاوده توکو د چاودنو اړوند پېښو کې مړه او ټپیان شوي دي.
یادې کمېټې په یوه راپور کې ویلي، چې له دې ډلې ۳۵۹ تنه قربانیان ماشومان وو.
