روسیه: د امریکا له خوا جوړ اته اوږد واټن ویشتونکي توغندي مو له منځه وړي
روسیه وایي، چې د اوکراین له خوا د اوږده واټن ویشتونکو اته امریکایي توغول شوي توغندي یې له منځه وړي دي.
روسیه وایي، چې د اوکراین له خوا د اوږده واټن ویشتونکو اته امریکایي توغول شوي توغندي یې له منځه وړي دي.
په ورته وخت کې مسکو ګواښ کړی، چې د غچ اخیستو په موخه به د کییف مرکزي سیمې د هایپر سونیک (ترغږ چټګ) بالیسټيک توغندیو باندې په نښه کړي.
د متحده ایالاتو ولسمشر جو بایډن تېر کال اوکراین ته د روسیې پر ضد د ۳۰۰ کیلومترو (۱۹۰ میله) وسلو د کارولو اجازه ورکړه، چې کرملین په یوه اقدام کې دا کار په سخته توګه وغانده.د روسیې د دفاع وزارت ویلي، د هوايي دفاعي سیسټم اته ATACMS د امریکا جوړ شوي توغندي او ۷۲ ډرون الوتکې یې نسکورې کړې دي.دغه وزارت دا هم وویل، چې دوی د اوکراین په ختیځ لوګانسک کې د نادیه په نامه کلی چې تر اوسه د کییف تر ولکې لاندې وو نیولی دی.د راپورونو له مخې، مسکو په ۲۰۲۴ کال کې په اوکراین کې نږدې ۴۰۰ مربع کیلومتره پرمختګ کړی.یاده دې وي، چې د اوکراین او روسیې ترمنځ په دغه جګړه کې دواړه لوري د روان کال له پیل راهیسې پر یو بل د ملکي وګړو د مرګ ژوبلې تورونه لګوي.
