پاکستان له افغانستانه د ډالرو د ورتګ د مخنیوي لپاره دوه نوې څانګې پرانېزي

خبرپاڼه کې ویل شوي، چې دغه افغان کډوال د پلازمېنې اسلام اباد په ګډون د یاد هېواد په بېلابېلو سیمو کې نیول شوي وو او هلته په زندانونو کې ساتل کېدل.

د طالبانو د یاد رسنیز دفتر په وینا، په راستول شویو کسانو کې داسې افغانان هم شته چې په پاکستان کې یې د استوګنې قانوني اسناد لرل.

په تورخم ښارګوټي کې د طالبانو د انتقالاتو امریت ویلي، چې دغه تازه ستانه شوي کډوال یې د بشري مرستو د ترلاسه کولو لپاره اړونده مرستندویه ټولنې ته ورپېژندلي دي.

دغه افغان کډوال داسې مهال افغانستان ته ستنېږي، چې نن یکشنبه هم په اسلام اباد کې د ناقانونه افغان کډوالو پسې د پولیسو عملیات دوام لري.

په اسلام اباد کې مېشت افغان کډوال نیوکې کوي، چې پولیس ان هغه کډوال هم په بېلابېلو پلمو نېسي چې د استوګنې قانوني اسناد لري؛ خو بیا هم د پولیسو له لوري په ډول، ډول پلمو ځورېږي.

په اسلام اباد کې یو افغان کډوال چې نه یې غوښتل نوم یې په ډاګه شي افغانستان انټرنشنل ته وویل، سره له دې چې د ټولې کورنۍ د ویزو موده یې پای ته نه ده رسیدلې؛ خو له دې سره، سره هم پولیسو د بډو په توګه پیسې اخیستې دي.

هغه زیاته کړې:« که قانوني اسناد ولري؛ نو بیا هم پولیس تنګول کوي او که پیسې ورنکړو بس موټر ته مو جیګوي او افغانستان ته مو ډیپورټ کوي».

د طالبانو له واکمنېدو سره سم لسګونه زره افغان کډوال چې د یادې ډلې له لوري یې ژوند له ګواښ سره مخ دی له خپلو کورنیو سره پاکستان ته کډه شوي دي.

اوس وېره دا ده، چې ښايي‌ د پولیسو له لوري په زور له دغه هېواده د شړلو له امله به افغانستان د ستنېدو پر مهال د دوی ژوند له لا نور ګواښ سره مخ شي او د طالبانو له‌خوا به له مرګوني ګواښونو سره مخ شي.

په اسلام اباد کې د ناقانونه افغان کډوالو پر ضد د پاکستاني پولیسو عملیاتو هله زور واخیست، چې د طالبانو او دغه هېواد ترمنځ اړیکې په ښکاره توګه خړې شوې.
د راپورونو له مخې، له ایران او پاکستان څخه د تېر جمهوري نظام یو شمېر سرتېري بېرته هېواد ته د ستنېدو پر مهال د طالبانو له لوري زنداني شوي یا هم وژل شوي دي.

په تازه پېښو کې څه موده وړاندې په پکتیکا کې د پخواني جمهوري نظام څو تنه سرتېري چې له ایرانه هېواد ته ستانه شوي وو د طالبانو له لوري وژل شوي او زنداني شوي هم دي.

د یونېسف له‌خوا په خپور شوي یو تصویر کې هغه زړه راښکوونکې شېبه ښکاري، چې د ناصر په نوم یو ورک شوی تنکی ځوان د خپلې کورنۍ سره یو ځای کېږي.

ناصر له کلونو جلاوالي وروسته په خوښۍ سره د خپل نېکه غېږې ته ورستون شو.
له خپلې کورنۍ سره د ناصر بیا یو ځای کېدل په یوه سیمه‌يیز ټولنیز مرکز کې هغه مهال ترسره شو، چیرې چې ۱۰ کلن ناصر خپل نېکه په غېږ کې ټینګ ونیو او د خوښۍ اوښکې د دواړو په مخونو روانې شوې.

د ناصر نېکه وویل:« ما هیڅکله داسې نه ګڼله، چې زه به بیا خپل لمسی وګورم.»

د ناصر نېکه، چې په ښکاره ډول له احساساتو ډک و وویل:« دا شېبه زما او زموږ د کورنۍ لپاره تر هرڅه نه هېرېدونکې شېبه وه.»
د کورنیو د بیا یوځای کېدو لپاره د یونېسف نوښت په داسې یو هیواد کې خورا مهم دی، چې شخړې او بې ځایه کېدنې یې ډېرې زغملي او بې شمېره ماشومان د خپلو کورنیو څخه جلا شوي دي.

دا بیا یوځای کېدنه نه یوازې د کورنۍ اړیکې بېرته سره جوړوي؛ بلکې ماشومانو ته د روانو ننګونو په وړاندې هغوی ته د ثبات او امنیت احساس هم ورکوي.
د یونېسف استازي وویل:« زموږ همکاران په نه ستړي کېدونکي ډول د ماشومانو د موندلو او د هغوی د کورنیو سره د یوځای کولو لپاره کار کوي او غواړي ډاډ ترلاسه کړي، چې د ناصر په څېر هیڅ ماشوم د خپلې کورنۍ له غېږې لرې پاتې نه شي.»

د هغه رسنیز دفتر په دې تړاو خپرې کړې خبرپاڼه کې ویلي، چې د افغانستان پخواني ولسمشر په یاده ناسته کې پر ملي تفاهم ټینګار کړی دی.

په خبرپاڼه کې راغلي، چې حامد کرزي په یاده ناسته کې د سولې او ثبات د تینګښت په موخه په هېواد کې پر ملي تفاهم ټینګار کړی او افغانستان یې د‌ ټولو قومونو شریک کور ګڼلی دی.

د حامد کرزي په وینا؛ په هېواد کې ټول قومونه برابر حقونه لري.
له بل پلوه د افغانستان پر حالاتو څارونکي بنسټونه په دې باور دي، چې د طالبانو اوسنۍ واکمني قبیلوي جوړښتونه لري او د طالبانو په کابینه کې ډېری وزیران یوازې د یوې مشخصې سیمې پورې تړاو لري.

تر دې څو ورځې مخکې په کابل کې یو شمېر دیني عالمانو نیوکه وکړه، چې ملا هبت الله د کابینې دولس وزیران یوازې له کندهاره ټاکلي دي.

یادو دیني عالمانو چې اوس د طالبانو له لوري زنداني شوي د طالبانو مشر د اسلامي شریعت له مخې د عدالت پر نه پلي کېدو تورن کړی و او نیوکې یې کړې وې، چې د واک په وېش کې یې انډول نه دی ساتلی. د طالبانو استخباراتو له دې څرګندونو وروسته سمدستي یاد دیني عالمان نیولي او راپورونه ترلاسه شوي، چې دغه عالمان اوس د طالبانو له لوري له سختو شکنجو سره مخ دي.
حامد کرزی او د هغه سیاسي ملګري هم له دغو بندیزونو خوندي نه دي پاتې.

د طالبانو د پرېکړو له مخې کرزی د هېواد دننه او بهر هېڅ ډول سیاسي سفرونه نشي کولای او نه هم د سیاسي غونډو د ترسراوي اجازه لري.

د حامد کرزي ناستې یوازې په کابل کې د هغه تر کوره محدودې دي؛ خو داسې راپورونه هم شته چې د هغه ټولې ناستې د طالبانو له لوري څارل کېږي.

طالبانو د خپلې روانې واکمنۍ په لومړیو ورځو کې ټول سیاسي ګوندونه لغوه کړل او د دوی پر هر ډول سیاسي فعالیتونو یې د هېواد دننه سخت بندیزونه ولګول.

د دغو ګوندونو په ډله کې د ګلبدین حکمتیار د اسلامي حزب هم شامل دی، چې څو ځلې د طالبانو له لوري له فعالیتونه راګرځول شوی او حکمتیار ته یې په دې تړاو ګواښونه هم کړي دي.
نړۍوالې ټولنې او افغان سیاست‌والو په وار، وار له طالبانو غوښتي، چې یو ټولګډونه حکومت دې رامنځته کړي او پر نجونو د زده‌کړو بندیزونه دې هم ختم کړي؛ خو طالبانو دغو غوښتنو ته چندان پام نه دی کړی.

یادې وسله‌والې ډلې ویلي، چې د پاکستان د پوځ پر ضد د دوی په دغو وسله‌والو فعالیتونو ځانمرګي، مخامخ بریدونه، ځای پر ځای کړي چاودېدونکي توکي، ځوابي بریدونه او د لېزري وسلو عملیات شامل دي.

ټي‌ټي‌پي وړاندې ويلي، چې په دغو بریدونو کې یې ټول‌ټال د پوځ په ګډون د پاکستان د امنیتي ادارو ۷۵ سرتېري وژلي، ۸۰ تنه یې ټپیان کړي او لس تنه نور یې بیا ژوندي نیولي دي.

په خبرپاڼه راغلي‌، چې د دغو بریدونو په پایله کې یې د خېبر پښتونخوا په ټانک او شمالي وزیرستان کې تر ټولو ډېر پاکستاني پوځیان وژلي چې شمېر ۳۴ تنو ته رسېږي.

همدا راز ادعا شوې، چې په بېلابېلو بریدونو کې یې له پاکستاني امنیتي ادارو څخه یو شمېر وسلې او ټانکونه هم نیولي دي.

ټي‌ټي‌پي زیاته کړې، چې د جنورۍ میاشتې په دغو جنګي فعالیتونو کې یې د پوځ یوه ډرون الوتکه، اته زغروال موټر او د سي‌سي‌ټي یو شمېر کامرې هم لمنځه وړې دي.

د‌ پاکستاني طالبانو دغه ادعاو ته لا تر اوسه پورې پوځ کوم غبرګون نه دی ښودلی.

د پاکستان پوځ تېره ورځ د (سلواغې ۱۳مه) ویلي و، چې د بلوچستان په قلات ولسوالۍ کې یې ۱۸ سرتېري وژل شوي او ادعا یې کړې چې دوی هم ۲۳ وسله‌وال وژلي دي.

د «ټي‌ټي‌پي» له‌خوا د پاکستان پوځ د تېرې جنورۍ میاشتې په لړ کې د اوښتې درنې مرګ ژوبلې ادعا داسې مهال کېږي، چې پاکستاني چارواکو په وار وار په افغانستان کې د دغې وسله‌والې ډلې د بریدونو د پلان کېدو خبرې کړې دي.

پاکستان نیوکې کوي، چې افغان طالبانو د افغانستان دننه «ټي‌ټي‌پي» وسله‌والې ډلې ته ځای ورکړی او له هماغې ځایه د پاکستان خلاف بریدونه تنظیموي؛ خو طالبانو بیا دغه ادعاوې رد کړې دي.

د پاکستان جېټ الوتکو څه باندې یوه میاشت وړاندې د پکتیکا ولایت په برمل ولسوالۍ هوایي بریدونه وکړل او بیا یې ادعا وکړه، چې د پاکستاني طالبانو یو شمېر مهم غړي او قوماندانان یې په نښه کړي دي.

د ملګرو ملتونو په ګډون طالبانو او د افغانستان پخواني جمهوري نظام لوړپوړو چارواکو دغه بریدونه وغندل.

دوی وویل، چې پاکستان په یادو هوایي بریدونو کې وزیرستاني کډوال په نښه کړي چې پکې ماشومان او ښځې هم شاملې وې.

په ورته مهال د خېبر پښتونخوا یو شمېر سیاست‌والو هم د «ټي‌ټي‌پي» د بریدونو له پراخېدو اندېښنه څرګنده کړې او نیوکې یې کړې، چې د پاکستان حکومت د بې غورۍ له امله ځنې سیمې د پاکستاني طالبانو تر واک لاندې راغلي دي.

د پښتون ژغورنې غورځنګ مشر منظور پښتون بیا تازه دا ادعا هم کړې، چې د باجوړ په ګډون د خېبر پښتونخوا په یو شمېر ولسوالیو کې د شپې د طالبانو حکومت وي او د ورځې د پاکستاني پوځ.

د طالبانو د دغه وزارت د معلوماتو له مخې، دوی په دغه لړ کې یوازې له افغانستانه منځنۍ اسیا ته د ۱۱۲ مېلیون ډالرو په ارزښت د وچې او تازه مېوې په ګډون د بېلابېلو توکو صادرات کړي دي.

د طالبانو د دغه وزارت ویاند عبدالسلام جواد د یوې ویډیو په خپرولو سره زیاته کړې، چې افغان سوداګرو له منځنۍ اسیا څخه هېواد ته د ۱.۵ مېلیارد ډالرو په ارزښت توکي وارد کړي دي.

هغه ویلي، له افغانستانه دغو هېوادونو ته په صادر شویو توکو کې پیاز، الوګان او د شوکاڼي ډبرې هم شاملې دي.

له بلې خوا نیوکې دا دي، چې طالبانو منځنۍ اسیا څخه په راواردونکو توکو کې سوداګرو ته ګڼې ستونزې راولاړې کړې دي او د بلخ په ګډون په کندوز ولایت کې د ګمرکونو له لارې د راتلونکو مالونو د چارو د ترسره کېدو پر مهال له سوداګرو بدې اخیستل کېږي.

په وار وار سوداګرو نیوکه کړې، چې د حیرتانو، میمنې او شېرخان بندرونو کې د طالبانو د ګمرکونو له لوري په بېلابېلو پلمو د افغان سوداګرو توکي ځنډول کېږي.

سوداګرو نیوکې کړې، چې د دوی په چارو کې د ځنډ له کبله دوی ته درانه زیانونه اوړي او د بېلابېلو فشارونو له لارې د طالبانو د ګمرکونو مسوولین له دوی څخه د بډو اخیستلو لپاره لارې برابروي. ویل کېږي، منځنۍ اسیا ته د سوداګریزو راکړو ورکړو پر مهال په ګمرکونو کې پراخ فساد د مالي عوایدو فرار ته هم لاره برابره کړې ده.
د چارو کارپوهان په دې باور دي، چې د طالبانو له لوري په خپلو منځونو کې سوداګریز بندرونه وېشل شوي چې ډېره برخه یې ملا هبت الله خپلو کسانو ته ورکړې او د هېواد په بېلابېلو بندرونو کې د پراخ فساد له کبله سوداګري له ګڼو ننګوونو سره مخ شوې ده.

د منځنۍ اسیا تر څنګ پاکستان او ایران هم د افغانستان لپاره د سوداګریزې راکړې ورکړې مهم هېوادونه بلل کېږي؛ خو د طالبانو د سیاسي ناندریو له کبله له دغو هېوادونو کېدونکې سوداګري هم زیانمنه شوې ده.