طالبان:له ازبکستان امریکا ته انتقال شوې چورلکې د افغانستان ملکیت دی او بېرته دې را وسپاري

د ریاست الوزرا د اقتصادي معاونیت اسنادو کې ښکاري، چې په کابل کې د سړک غاړې ماشومانو لپاره د مسلکي زدکړو یو مرکز چې (AWEC) موسسې جوړ کړی و، د طالبانو له واکمنیدو وروسته پوهنې وزارت بند کړی دی.

د یادې موسسو مسولینو اقتصادي معاونیت ته په وړاندې کړې عریضه کې د یاد مرکز بندیدل سوتفاهم بللی او د ملابرادر له دفتر یې د یاد مرکز د بېرته پرانېستلو لپاره د همکارۍ غوښتنه کړې ده.

په اسنادو کې د (AWEC) موسسې په اړه ویل شوي، چې یادې موسسې ۳۳ کاله وړاندې د لومړي ځل لپاره په پښتونخوا کې د افغان کډوالو په پنډغالو کې د زدکړو په برخه کې فعالیت پیل کړ او په ۲۰۰۶ کال کې د یادې موسسې دفتر کابل ته انتقال شوی او د زدکړو ترڅنګ د روغتیا، بشري او بیړنیو مرستو په برخه کې فعالیت کوي.

د یادې موسسې په عریضه کې لیکل شوي، چې د جمهوري نظام تر پرځیدو وروسته د کابل ښار په څلورمه تعلیمي حوزه کې د سړک غاړي ماشومانو لپاره د حرفوي زدکړو یو مرکز پر ځمکه د کابل د پوهنې ښاري ریاست د غصب ادعا وکړه او وروسته د پوهنې وزارت د یادې موسسې ټول فعالیتونه بند کړل.

په دغو سندونو کې ښکاري چې د یادې ستونزې د حل په موخه د ریاست الوزرا اقتصادي معاونیت د پوهنې وزارت ته یو مکتوب لیږلی او د کابل د والي په مشرۍ د پوهنې ښاري ریاست او موسسې د استازو په شتون کې پرېکړه شوې، چې یاد مرکز دې بېرته موسسې ته وسپارل شي او د سړک غاړي ماشومانو لپاره د حرفوي زدکړو مرکز د فعالیت او ځمکې سپارلو په اړه یې یو مکتوب هم صادر کړی.

خو د طالبانو د پوهنې وزارت د ملابرادر په مشرۍ د ریاست الوزرا یاده پرېکړه نه ده عملي کړې او د موسسې مسولینوتر ۷ میاشتو وروسته په دې اړه بیا د ملا برادر له دفتر همکاری غوښتنه کړې ده.

د پوهنې وزارت په ځواب کې ورته ویلي، چې د یاد مرکز د خلاصون پرېکړه د والي تر صلاحیت لوړه ده.

په اسنادو کې لیدل کیږي، چې د پوهنې وزارت د بهرنیو اړیکو ریاست مرستیال قاري حسیب الله ویلي، چې یوازې ملا هبت الله لري د ځمکې د ورکړې صلاحیت او یادې موسسې ته ځمکه د تېر نظام د یو وزیر په حکم ورکړل شوې ده.

د پوهنې وزارت موسسې ته په ځواب کې ویلي، چې پخوانی قرارداد د اصولو خلاف دی او د پوهنې وزارت د موسسې ودانیو ته اړتیا لري او غواړي خپله ترې ګټه واخلي.

د ریاست الوزرا اقتصادي معاونیت موندنې ښيي، چې د پوهنې وزارت له لوري پر موسسه د ځمکې د غصب او شکمنو کړنو ادعاوي نه دي ثابتې شوې.

سردار احمد شکیب د بهرنیو چارو وزارت ته په یوه مکتوب کې د پښتونخواه په کورمې ولسوالۍ کې پېښې شوې مذهبي جګړې په جزیاتو سره شریکې کړې دي.

په دې وروستیو کې د«طالب لیکس» په نامه د هېکرانو یوې ناپېژانده ډلې د طالبانو د ۲۱ مهمو ادارو او وزارتونو ویبپاڼې هک کړې او غلا شوي مواد یې په انټرنیټ خپاره کړي.

په اسلام اباد کې د طالبانو د سفیر سردار احمد شکیب په لاسلیک شوي مکتوب کې د رسنیو راپورونو ته اشاره شوې ده.

د مکتوب په یوه برخه کې راغلي، چې د کورمې ولسوالۍ قومي مشرانو او ځايي پاکستاني حکومتي چارواکي د جوړجاړی رامنځته کولو کې ناکام دي.

د طالبانو سفیر په رپوټ کې ویلي، چې د کورمې ولسوالۍ خلکو غوښتل چې په سمدستي توګه د پاکستان پوځ مداخله وکړي او د سیمې امنیت په لاس کې واخلي.

د طالبانو سفارت د سیمې د خلکو په حواله لیکلي چې دواړه لورو په رڼا ورځ مورچو کې ځای پر ځای شول؛ خو هغه وخت نه پاکستاني پولیسو او نه هم کمیشنر د ځايي وسلوالو مخه ونیوله.

د افشا شوي مکتوپ په پای کې لیکل شوي چې تر دې مخکې د کورمې د تېر کال د جولاي شخړو کې هم مرګ ژوبله تر ۲۰ کسانو ډېره وه.

دغه مکتوب په ډاګه کوي، چې په پاکستان کې د طالبانو سفیر سردار احمد شکیب کابل کې طالب چارواکو ته د شهباز شریف په مشرۍ د پاکستان حکومت له جوړېدو مخکې د ترینګلو اړیکو په اړه خبرداری ورکوي.

په دغه مکتوب کې چې پراخ بحثونه یې راپارولي دي، په اسلام اباد کې د طالبانو سرپرست سفیر په ښکاره ډول لیکي چې د طالبانو سره د تربګنۍ کیسه د پخواني لومړي وزیر انوارالحق کاکړ له‌خوا د پوځي ادارې په امر رامنځته شوې وه، او د شهباز شریف په مشرۍ جوړېدونکي حکومت کې د اړیکو د لا خرابیدو وړاندوینه یې کړې وه.

په افشا شوي دغه مکتوب کې سفیر سردار احمد شکیب په ډیپلوماتیکو اړیکو کې د مخ په زیاتیدونکي کړکیچ په اړه خپله اندیښنه څرګنده کړې او ټینګار یې کړی چې د طالبانو په اړه د عامه نظر او سیاسي بحث په جوړولو کې د پوځ ښکېلتیا یو مهم فکتور دی.

په لیک کې راغلي چې: «د تربګنۍ کیسه عضوي نه ده، بلکې منظمه ده.»

د طالبانو د سفیر خبرداری ښيي چې طالبان په زیاتیدونکې توګه ځان ګوښه احساسوي او له نوي حکومت سره د احتمالي دښمنۍ د زیاتوالي په اړه اندیښمن دي.

د طالبانو افشا شوي اسناد په سیمه کې د ځواک نازک توازن او د ډیپلوماسۍ پېچلیو جالونو یادونه کوي چې د افغانستان او پاکستان په راتلونکي ثبات باندې مستقیمه اغېزه کوي.

له دغه مکتوبه څرګندیږي، چې طالبان په پاکستان کې هر ډول پېښیدونکو سیاسي بدلونونو او اړیکو څخه کابل خبر ساتي. ان په دې مکتوب کې اشاره شوې چې د پوځ له لاسه به د پاکستان او طالبانو اړیکې لا نورې هم خرابې شي.

د سیاسي شنونکو په وینا، افشا شوي اسناد به د افغانستان لپاره د پاکستان په بهرني سیاست جدي اغېزې ولري.

د پاکستان مخالفو ګوندونو لا دمخه د دغو نویو خپرو شویو معلوماتو په رڼا کې د بهرنیو اړیکو په اړه د حکومت دریځ او چلند تر پوښتنې لاندې راوستی دی، او د افغانستان په اړه د تګلارې په جوړولو کې د پوځ د رول په اړه یې د وضاحت غوښتنه کړې ده.

دغه وزارت وايي، یاد بندیان پاکستان کې له دوو تر پنځو ورځو بندیان وو، او دوه ورځې وړاندې افغانستان ته ستانه کړل شوې دي.

د طالبانو د کډوالو او بېرته راستنېدونکو چارو وزارت نن شنبه د (سلواغې ۲۰مه) د یوې خبرپاڼې په خپرولو سره ویلي، چې د پاکستان له بیلابیلو زندانونو ۴۲ افغان بندیان خوشې شوې چې ښځې او ماشومان هم په کې دي.

د طالبانو کډوالو وزارت د ننګرهار د تورخم سرحدي امریت په حواله ویلي، چې دغه کسان د قانوني اسنادو د نه لرلو له امله د پاکستان په بېلابېلو سیمو کې نیول شوي وو.

د طالبانو په خبرپاڼه کې راغلي، چې دغه افغان کډوال له دوو تر پنځو ورځو پورې په بند کې وو، چې هېواد ته په راستنېدو سره خپلو سیمو ته لېږدول شوي او په دې سربېره د همکارو بنسټونو له لوري ورسره بشري مرستې هم شوې دي.

تر دې وړاندې هم طالبانو له پاکستان څخه د سلګونو افغان بندیانو له خوشې کېدو خبر ورکړی و.

ملګرو ملتونو په خپل تازه راپور کې ویلي، چې یوازې د ۲۰۲۵ کال په جنورۍ میاشت کې له پاکستان څخه ۱۸ زره او ۳۰۰ افغانان پولیسو نیولي او په وزر یې افغانستان ته ستانه کړي دي.

په پاکستان کې ډېری دغه افغانان درېیمو هېوادونو ته د تګ تکل لري او د ویزو ترلاسه کولو په تمه دي.

د پاکستان پوځ د دغه وژل شوي کس په نوم د افغانستان دوه ټوکه تذکرو انځورونه هم خپاره کړي چې یوه یې بریښنايي تذکره ده او بله هغه پخوانۍ کاغذي ده.

پوځ وايي، له څېړنو وروسته، څرګنده شوه چې د وژل شوي کس اصلي نوم لقمان خان او مستعار نوم یې نصرت دی، د کمال خان زوی او د افغانستان د خوست ولایت د سپیرې ولسوالۍ اوسېدونکی و.

پاکستاني چارواکو ویلي، چې له طالبانو سره یې اړیکه کړې، ترڅو د دغه وسله وال مړی ور وسپاري.

تر اوسه پورې لا څرګنده نه ده، چې دغه کس ریښتیا هم وسله وال و او په ریښتیا هم د طالبانو د ډلې رسمي غړی و، خو څو ورځې وړاندې د پاکستان حکومت ویلي و، چې د بادغیس لپاره د طالبانو د مرستیال والي زوی (بدرالدین یوسف) هم د پاکستان په ډیره اسماعیل خان کې د تحریک طالبان پاکستان له ځینو غړو سره یو ځای وژل شوی و.

ویل کیږي، دغه ډول پېښې په پاکستان کې په ترهګریزو فعالیتونو کې د طالبانو د غړو د لاس لرلو د شواهدو هڅې دي، چې طالبانو ورنه تل انکار کوي او یا هم پټه خوله پاتې شوي دي.

پاکستاني چارواکو تل په طالبانو غږ کړی چې دوی خپلې ژمنې نه دي عملي کړي او د افغانستان خاوره د پاکستان پر وړاندې د ترهګریزو فعالیتونو د دوام لپاره کارول کېږي.