پاکستان وايي د نشه يي توکو ضد هڅو کې د طالبانو ملاتړ کوي

د طالبانو تر واک لاندي ملي ټلویزيون د دې ډلې د مرستيال ویاند حمدالله فطرت له قوله ویلي، چې «افغانستان کې د فساد پر وړاندي کوټلي ګامونه پورته شوي او کچه يې صفر ته نژدې شوې.»

فطرت زياتوي، چې د افغانستان په اړه د روڼتیا سازمان وروستی راپور د «عقده يي کړيو په لمسون له ناسمو سرچينو» جوړ شوی.

هغه ټينګار کړی، چې د افغانستان په اړه د دغه سازمان قضاوت ناسم دی او د دوی د حکومتولۍ سیسټم له فساده پاک شوی دی.

د روڼتیا نړیوال سازمان له لوري خپرو شویو معلوماتو کې لیدل کیږي، چې افغانستان ته له فساد سره د مبارزې په برخه کې له ۱۰۰ نومرو څخه ۱۷ نومرې ورکړل شوې او د فساد پر وړاندې د مبارزې نوملړ په ۱۸۰ هېوادونو کې په ۱۶۵ مقام کې ځای لري.

د رونټیا نړیوال سازمان هغه هېواد ته چې په بشپړه توګه له فساد څخه پاک وي ۱۰۰ او په فساد تر ټولو ککړ دولت ته صفر ورکوي.

د دغه نړیوال سازمان له لوري له فساد سره د مبارزې په برخه کې ډنمارک د ۹۰ نومرو په لرلو سره په لومړي، فنلنډ د ۸۸ نمرو په لرلو دویم، سینګاپور د ۸۴ نومرو په درلودو سره درېیم او افغانستان د ۱۷ نومرو په لرلو سره ۱۶۵ هېواد دی.

هغه وويل: «له روسيې پرته به په سيمه ييزو او نړيوالو اقتصادي اړيکو کې د افغانستان ادغام ستونزمن وي.»

دیميتري ژیرنوف په وینا، طالبان دا مهال روسیه د افغانستان مهم شریک ګڼي.

تر دې مخکې د روسیې د کرنې وزارت اړوند د اګرو ایکسپورټ مرکز اعلان کړی و، چې افغانستان په ۲۰۲۴ کال کې د روسيې د اوړو تر ټولو لوی پېرودونکی هېواد و.

د دغه مرکز د معلوماتو له مخې، په ۲۰۲۴ کال کې افغانستان ته د ۸۰ میلیونو ډالرو په ارزښت اوړه ورکړل شوي، چې د ۲۰۲۳ کال په پرتله دوه برابره دي.

په کابل کې د روسیې سفیر وايي، له افغانستان څخه کروم ډبرې، کنسانتره، یاقوت او زمرد هم روسیې ته استول کېږي.

هغه روسيې ته د دغو توکو د صادراتو د اندازې په اړه جزیيات ورنه کړل.

په ورته وخت کې دیميتري ژیرنوف د روسیې او طالبانو ترمنځ د اغیزناکو اړیکو خبر ورکړ.

په کابل کې د روسیې سفیر له ریانوستي سره په مرکه کې ویلي: «مسکو او کابل د پام وړ تماسونه ټینګ کړي او له افغان چارواکو سره د روسیې خبرې په اغېزناک ډول پرمخ روانې دي.»

دغه روسي ډيپلومات په تېرو مياشتو کې کابل ته د روسي چارواکو او مسکو ته د طالبانو د استازو سفر ته په اشارې سره زياته کړه: «خبرې اترې په رغنده توګه پر مخ ځي.»

د افغانستان په چارو کې د روسیې د ولسمشر ځانګړي استازي ضمیر کابلوف تر دې مخکې ویلي و، چې مسکو غواړي د ۲۰۲۵ کال په پسرلي کې د روسیې او طالبانو دوه اړخیزه کاري ډله جوړه کړي.

د کابلوف په وینا، په داسې یوه حالت کې، چې طالبان لا په رسمیت نه دي پیژندل شوي، دا ډله به د اقتصادي همکاریو د بین الحکومتي کمیسیون ځای ونیسي.

ایراني رسنیو د افغانستان لپاره د ایران د پټلۍ پراختیا کنسرسیوم اجرایيوي رییس مصطفی رضايي له قوله راپور ورکړی، چې د سې شنبه په ماښام د افغانستان او هند ترمنځ د ځمکې له لارې د سوداګرۍ لومړۍ جوپه د اورګادي په وسیله د ایران له لارې هرات ته رسېدلې ده.

رضايي ویلي، چې په دغه سوداګریزه جوپه کې شپږ کانټینره توکي له هند څخه د ایران له لارې افغانستان ته ولېږدول شول.

د نوموړي په خبره، دغه سوداګریزه جوپه د ایران د خراسان رضوي د شمتیغ ریلي پولې له لارې افغانستان ته واوښته او د هرات روزنک ریلي تمځای ته رسېدلې ده.

رضایي همداراز زیاته کړې ده، چې سږکال د هرات ـ خواف رېل پټلۍ له لارې تر اوسه د ایران او افغانستان ترمنځ له ۳۰زره ټنه څخه ډېر صادراتي او ټرانزیټي توکي د رېل پټلۍ له لارې لېږدول شوي دي.

د افغانستان د اوسپنې پټلۍ د کنسرسیوم رییس وايي، چې د خواف ـ هرات پټلۍ په فعاله کېدو سره د دواړو هېوادونو ترمنځ د سوداګرۍ توازن ډېر شوی او د سوداګرو لپاره ټرانسپورټي لګښتونه به راکم شي.

هرات- خواف پټلۍ چې ۲۲۰ کیلومتره دی، په څلورو برخو وېشل شوې، چې دوه برخې یې له خواف تر شمتیغ په ایران کې ۷۶ کیلومتره او درېیمه برخه یې له شمتیغ تر روزنک ۶۲ کیلومتره د افغانستان خاوره کې ده او څلورمه برخه یې بیا له روزنک تر هرات پورې ۸۰ کیلومتره ده.

د طالبانو د حکومت ویاند ذبیح الله مجاهد د چارشنبې په ورځ پر خپل اېکس لیکلي و، چې عبدالاحد طالب د کندهار د امنیه قوماندان په توګه ټاکل شوی دی.

عبدالاحد طالب پخوا د هلمند والي و او ملا هبت الله اخوندزاده ته د زیات قربت له امله دده د ځانګړي ځواک قوماندان و. طالب وکړای شول، چې په لږ وخت کې دغه ځواک په پرمختللو وسلو، تجهیزاتو او باوري سرتېرو سمبال کړي.

د شنونکو په باور، د کندهار د امنیه قوماندان په توګه د نوموړي ټاکل کېدل د وسله والو ډلو، په ځانګړې توګه داعش ډلې له خوا متوجه ګواښونو ته په پام مهمه ګومارنه ده.

په نویو ټاکنو کې د تخار لپاره ددې ډلې مخکینی والي مولوي عبید ﷲ امین زاده د طالبانو د کار او ټولنیزو چارو وزارت د ټولنیزو چارو معین په توګه او د کانونو او پټرولیم وزارت د پلان او پالیسۍ مخکینی معین ضیاء الرحمن اریوبي د لوړو زده کړو وزارت دعلمي معین په توګه ټاکل شوي دي.

دغه راز په نویو ګومارنو او تبدیلیو کې د طالبانو تر واک لاندې افغانستان بانک د نظارت مخکینی امر عبد الرحمن قانت د دې ډلې د کانونو او پټرولیم وزارت د پلان او پالیسۍ معین په توګه او د کندهار امنیه قوماندان مولوي سمیع ﷲ حزب ﷲ د تخار د والي په توګه ټاکل شوي دي.

د ګومارنو او تبدیلیو په بله برخه کې د طالبانو د لوړو زده کړو وزارت علمي معین لطف ﷲ خیرخواه د افغانستان بانک د نظارت د آمر په توګه ټاکل شوی.

دا تبیدلۍ او ګومارنې داسې مهال دي، چې د طالبانو پر مشر نیوکې کیږي، چې د ګومارنو او تبدیلیو په برخه کې مسلکي او اداري ارونو ته ډېره لږه پاملرنه کوي.

د نارت راین ویسټفالیا ایالت د کډوالو وزیر پاول راینیشه پوست ورځپاڼې ته وویل، « دغه کسان، چې د سوریې او افغانستان اوسېدونکي دي، ځکه ایستل شوي چې جرمني د دوی د پناه غوښتنې د دوسیو مسوول نه و.»

وزیر پاول دا ګام د کډوالو د چټکې بېرته ستنونې په برخه کې یو مهم پرمختګ وباله.

د جرمني رسنیو د رپوټونو له مخې، دغه الوتنه دیاد ایالت له خوا تنظیم شوې وه او اووه ځوانان پکې سپاره وو، چې هیڅ ډول جنایي سابقه نه لري. دوی د «ډوبلین تړون» له مخې بېرته بلغاریا ته شړل شوي دي.

د ډوبلین تړون له مخې، هغه پناه غوښتونکي چې د اروپايي اتحادیې کوم غړي هېواد ته ننوځي، باید هلته د پناه غوښتنه وسپاري. یاد ۷ کسان له بلغاریا څخه جرمني ته داخل شوي وو، نو د دوی د پناه غوښتنې د ارزونې مسوولیت هم د بلغاریا و.

د جرمني فدرالي حکومت تېر کال په نومبر کې ایالتي حکومتونو ته اجازه ورکړه چې د پناه غوښتونکو د ایستلو لپاره خپلې چارټر الوتنې تنظیم کړي.

دا لومړی ځل دی چې شمالي راین ویسټفالیا ایالت له دې نوې پالیسۍ استفاده کوي.