د پاکستان پوځ وايي، په پښتونخوا کې یې ۱۳ وسله وال وژلي دي
د پاکستان د پوځ د عامه اړېکو دفتر په یوه خبرپاڼه کې ویلي، چې په پښتونخوا کې یې په پنځو بېلا بېلو عملیاتو کې ۱۳ تنه وسله وال وژلي دي.
د پاکستان د پوځ د عامه اړېکو دفتر په یوه خبرپاڼه کې ویلي، چې په پښتونخوا کې یې په پنځو بېلا بېلو عملیاتو کې ۱۳ تنه وسله وال وژلي دي.
د پاکستان د پوځ د عامه اړېکو په خبرپاڼه کې ویل شوي، چې د فبروري په ۱۲مه او ۱۳مه نېټه یې دا عملیات د پښتوخوا صوبي په ډیره اسماعیل خان، شمالي وزیرستان لکي مروت او خیبر کې کړي دي.
په خبرپانه کې ویل شوي، چې پاکستاني ځواکونو د دیره اسماعیل خان ولسوالۍ په کلاچۍ کې د استخباراتي معلوماتو پر بنسټ د وسله والو پر پټنځي عملیاتو کې پنځه تنه وسله وال، د شمالي وزیرستان په دوسالي او پاټي سیمو کې په دوو جلا جلا بریدونو کې پنځه وسله وال، په لکي مروت کې دوه او یو بل وسله وال د خیبر ولسوالۍ په باغ سیمه کې وژلي دي.
د پاکستان د پوځ په خبرپاڼه کې ويل شوي، چې دغو عملیاتو او نښتو کې یې د وسله والو څخه یو شمېر وسلي او مهمات هم نیولي دي.
د پاکستان پوځ ویلي، چې په نا امنو سیمو کې به تر هغو د وسله والو پر ضد عملیات دوام ولري، تر څو دغه هېواد په بشپړه توګه د ترهګرۍ له ګواښ څخه په امن کې شي.
