د تاجکستان لویې څارنوالۍ اعلان کړی، چې تر ۳۰ ډېر کسان د یو جشن د ګډونوالو د مسمومولو په تور له ۸ تر ۲۰ کلونو په بند محکوم شوي دي. رویټرز خبري اژانس د تاجکستان د یوې امنیتي سرچینې په حواله ویلي، چې نیول شوي کسان له داعش ډلې پورې تړاو لري.
د تاجکستان څارنوالانو د جمعې په ورځ د (سلواغې ۲۶مه) وویل، چې تورنو کسانو تېر کال د نوروز د مراسمو پر مهال د پلازمېنې په ختیځ وحدت ښار کې په زهرجنو خوړو سره د دغه جشن د ګډونوالو د مسمومولو هڅه کړې وه.
د تاجکستان د لویې څارنوالۍ د ترورېزم او افراطیت پر وړاندې د مبارزې مشر جمعه نظر سید احمدزاده خبریالانو ته وویل، چې د دغې پېښې په تړاو لس نور کسان هم تر څار لاندې دي.
د تاجکستان رسنیو د راپورونو له مخې، د روانې میاشتې په پیل کې د داعش نهو زندانیانو د وحدت ښارګوټې له زندان د تيښتي د هڅې پر مهال ۵ نور زندانیان وژلي وو.
د تاجکستان د بهرنیو چارو وزیر مخکې ویلي وو، چې وسله والو په ۲۰۲۴ کال کې په دغه هېواد کې درې بریدونه کړي او د دوو نورو بریدونو مخه نیول شوې ده.
تاجکستاني چارواکو په وار وار په افغانستان کې د داعش د فعالیتونو او په تاجکستان کې د هغو د نفوذ په اړه اندېښنه ښودلې ده.
په دې پېښه پسې نن ګڼو افغان کورنيو او ټولنو لومړي وزير اولاف شولڅ ته پرانيستی لیک کې دغه پېښه يو جنایت بللی دی.
په دې پېښه پسې ښاغلي شولڅ هم وویل، چې مجرم ته باید سزا ور کړل شي او له جرمني و اېستل شي.
په دې ليک کې هم د پيښې اړوند د لومړي وزير د څرګندونو ملاتړ او غوښتنه شوې، چې دا ډول کسان که هرڅوک وي باید له دغه هېواد وایستل شي.
د لیک په یوه برخه کې لیکل شوي: «دا ډول اعمال که هر چا کړي او هر څوک یې د افغان په نوم کوي او یا افغان وګړي په کې دخيل وي، ترويستان او مجرمان دي.»
د المان لومړي وزير ته د افغانانو په پرانيستي لیک کې ویل شوي، چې افغانان له ۵۰ کلنو د تروريزم قرباني دي او د مجرمينو په وړاندي د جرمني له حکومت سره ولاړ دي.
په دې لیک کې د المانیانو او افغانانو تاريخي اړیکو ته هم اشاره شوې او په پيښه کې د قربانیانو کورنيو سره غم شریکي ښودل شوې.
په المان کې مېشتو افغانانو د دغه هېواد له دولت او ولس مننه کړې، چې افغانانو ته یې په خپل هېواد کې ځای او پناه ورکړې.
د سلګونو افغان کورنيو او ټولنو په استازيتوب دغه لیک په پښتو، دري، الماني او انګليسي ژبو د المان لومړي وزير ته ليږل شوی.