واشنګټن کې یوه قاضي حکومت ته امر وکړ چې په موقت ډول د امریکا بهرنیو مرستو ته دوام ورکړي

ځايي مرستیال کمیشنر ناصر خان خبریالانو ته ویلي چې د وزیرستان د سوداګرۍ خونې مشر سیف‌الرحمن، د ګمرک سرپرست نثار عباسي او د ګمرک مفتش خوشحال هغه مهال د نامعلومه وسله والو له لوري وتښتول شول، چې پر ډیورنډ کرښه له انګور اډې ګمرک څخه د ستندیو په حال کې وو.

د معلوماتو له مخې وسله والو لومړی د دوی موټر ودرولی او تر پلټلو وروسته یې دغه کسان له ځانه سره نامعلوم ځای ته وړي دي.

ځايي ادارې او پولیسو په دې تړاو د بېړنیو پلټنو خبر ورکوي؛ خو د دغو کسانو د ځای د څرګندیدو او موندلو په تړاو لا کوم پرمختګ نه لیدل کېږي.

دې پېښې ځايي سوداګر اندېښمن کړي او د وزیرستان د سوداګرو ټولنې او خونې دا پېښه غندلې ده.

د پاکستان ایالتي او مرکزي حکومت له امنیتي ادارو غوښتي چې د دغو کسانو د خوشې کیدو لپاره بېړني ګامونه واخلي.

سیمه ییز سوداګر خبرداری ورکوي چې دا ډول پېښې پر کاروباري فضا ناوړه اغېزې کوي او که امنیتي وضعیت همداسې ترینګلی وي؛ نو دوی به سړکونو ته د لاریونونو لپاره راووځي.

په وزیرستان کې فعال ازاد خبریال لعل وزیر وزیري بیا افغانستان انټرنشنل ته ویلي چې په یوې بله پېښه کې یو روغتیایي ډاکټر تښتول شوی دی.

هغه وايي، دا پېښه تېره ورځ د اعظم ورسک سیمه کې رامنځته شوې چې وسله والو د ډاکټر نعمان اعجازه په نوم د سره صلیب یو ډاکټر تښتولی دی.

له دې پېښو سره هم مهاله په وزیرستان کې د پاکستاني طالبانو فعالیتونو زور اخیستی او هره ورځ له دغه سیمې د پاکستاني پوځ سره د وسله والو نښتو خبرونه یې ترلاسه کېږي. نږدې یوه میاشت مخکې د خېبر پښتونخوا په ډېره اسماعیل خان کې پاکستاني طالبانو د دغه هېواد د اټومي انرژۍ اته تنه کارکوونکي وتښتول چې برخلیک یې لا هم نامعلوم دی.

د پنجشنبې په سهار یوه ۲۴ کلن افغان کډوال د جرمني په مونیخ ښار کې د خلکو پر ګڼه ګوڼه موټر وربرابر کړ او ۲۸ کسان یې ټپيان کړل.

امر الله صالح پر خپله اېکس پاڼه لیکي:« د ۲۰۲۵ کال د فبرورۍ په ۱۳مه، د جرمني په مونیخ کې وروستۍ ترهګریزه حمله، چې په‌کې یو موټر په قصدي ډول د اتحادیې د کارګرانو په غونډه کې د ملکي وګړو په ګڼه ګوڼه وروست، یو وحشي ترهګریز عمل دی، چې عاملین یې باید تر ټولو سخته سزا وویني. موږ د ترهګرو او د هغوی د هڅوونکو د سزا په اړه د جرمني د عدلي سیسټم ملاتړ کوو. زموږ فکرونه او دعاګانې د قربانیانو او د هغوی د کورنیو سره دي.»

صالح زیاته کړې، چې په اروپا کې د ترهګریزو بریدو ستر لامل په افغانستان کې د طالبانو بیا واک ته رسېدل او دغه ډلې ته د بشري مرستو په نامه په میلیونونو ډالر مرستې دي.

نوموړی زیاتوي:« مهرباني وکړئ په یاد ولرئ چې په کابل کې د جرمني سفارت د مې په ۳۱مه، ۲۰۱۷ کې د حقاني شبکې له خوا تر برید لاندې راغی، چې له ۱۵۰ څخه ډېر کسان یې ووژل او له ۴۰۰ څخه ډېر یې ټپیان کړل او د دې برید پلان جوړونکی د دوحې د تړون له مخې د ۵۰۰۰ خوشې شویو بندیانو څخه یو و.»

د جمهوري نظام د ولسمشر دغه لومړي مرستیال ویلي چې له ۲۰۰۱څخه تر ۲۰۲۱ پورې، د افغانستان اسلامي جمهوریت د ترهګرۍ پر وړاندې په جګړه کې یو باوري او مشروع شریک و خو د دوحې تړون د ناټو په ملاتړ د کودتا سره ډېر ورته و، چې طالبان یې بیا واک ته ورسول.

صالح پر اېکس پاڼه کې په اروپایي هېوادنو غږ کړی چې د افغانستان لپاره خپلې پالسیو ته بیا کتنه وکړي نوموړی زیاتوي: «هغه ترهګرې ډلې چې په اروپا کې فعالیت کوي، د طالبانو له خوا هڅول شوي، باید وځپل شي او له منځه یوړل شي. د دې د ترلاسه کولو لپاره، باید په افغانستان کې د اساسي قانون د سیسټم د بیرته راستنیدو لپاره ملاتړ وشي، کوم چې کولی شي ستاسو سره په سوله، امنیت، پرمختګ کې ملګرتیا وکړي او د دوامداره ډله ییز کډوالۍ د خطرونو کمولو لپاره شرایط رامینځته کړي.»

د مونیخ دغه شکمن برید څو ساعته مخکې له هغه وشو، چې ټاکلې وه د امریکا د ولسمشر مرستیال جي ډي وینس او د اوکران د ولسمشر ولادیمیر زېلېنسکي په ګډون د ځینو نورو هېوادونو استازي د مونشن امنیتيي کنفرانس لپاره د جرمني دغه سویلي ښار ته ورشي.

له دغه برید وروسته د جرمني لومړي وزیر اولاف شولڅ ویلي؛ برید کوونکي ته باید سزا ورکړل شي او باید له هېواده و اېستل شي.

د پاکستان د پوځ د عامه اړېکو په خبرپاڼه کې ویل شوي، چې د فبروري په ۱۲مه او ۱۳مه نېټه یې دا عملیات د پښتوخوا صوبي په ډیره اسماعیل خان، شمالي وزیرستان لکي مروت او خیبر کې کړي دي.

په خبرپانه کې ویل شوي، چې پاکستاني ځواکونو د دیره اسماعیل خان ولسوالۍ په کلاچۍ کې د استخباراتي معلوماتو پر بنسټ د وسله والو پر پټنځي عملیاتو کې پنځه تنه وسله وال، د شمالي وزیرستان په دوسالي او پاټي سیمو کې په دوو جلا جلا بریدونو کې پنځه وسله وال، په لکي مروت کې دوه او یو بل وسله وال د خیبر ولسوالۍ په باغ سیمه کې وژلي دي.

د پاکستان د پوځ په خبرپاڼه کې ويل شوي، چې دغو عملیاتو او نښتو کې یې د وسله والو څخه یو شمېر وسلي او مهمات هم نیولي دي.

د پاکستان پوځ ویلي، چې په نا امنو سیمو کې به تر هغو د وسله والو پر ضد عملیات دوام ولري، تر څو دغه هېواد په بشپړه توګه د ترهګرۍ له ګواښ څخه په امن کې شي.

د پنج شنبې په سهار یوه ۲۴ کلن افغان کډوال د جرمني په مونیخ ښار کې د خلکو پر ګڼه ګوڼه موټر وربرابر کړ او ۲۸ کسان یې ټپي کړل.

یادې پیښي ته د جرمني لومړي وزیر اولاف شولڅ سخت غبرګون ښودلی او وايي، چې مجرم د نرمۍ تمه نه شي کولی.

نوموړي ویلي:«هغه ته باید سزا ورکړل شي او هغه باید له هیواده ووځي.»

همددارنګه د جرمني لومړی وزیر وايي:« که دا پېښه یو برید وي، د احتمالي عاملینو په وړاندې د عدالت پلي کولو لپاره باید ټولې لارې چارې په کار واچول شي.»

د رسنیو د راپورونو له مخې، دا شکمن برید څو ساعته مخکې له هغه وشو، چې ټاکلې وه د امریکا د لسمشر مرستیال جي ډي وینس او د اوکران د ولسمشر ولادیمیر زیلینسکي په ګډون د ځینو نورو هېوادونو استازي د مونشن امنیتيي کنفرانس لپاره د جرمني دغه سویلي ښار ته ورشي.

بل خوا په جرمني کې د فبروي د ۲۳ مې نیتې د ټاکنو د کمپاین لپاره د کډوالو او امنیتي مسایلو باندې خورا ډیر تمرکز کیږي.

د جرمني د لومړي وزیر مخالف سیاستوال په خپلو کمپاینونو کې نوموړی له کډوالو سره په نرم چلند تورنوي.

په مونشن کې د ننۍ پیښي په غبرګون د محافظه کار ګوند یو مشر میرز چې د جرمني د راتلونکي لومړي وزیر څوکۍ ته مخکښ نوماند دی په اېکسپاڼې لیکلي:« موږ به قانون او نظم پلي کړو. هر څوک به بیا زموږ په هېواد کې خوندي احساس وکړي. په جرمني کې باید یو څه بدلون راشي.»

پولیسو د یادې پیښي وروسته په سیمه کې د شاهدانو د راټولیدو لپاره یو ځای جوړ کړی او هلته د یادې پیښي په اړه شاهدان خپل د سترګو لیدلی حال له پولیسو سره شریکوي.

بل خوا د مونیخ ځايي مسولینو ویلي، چې داسې نه انګیرل کیږي، چې دا پېښه دې د مونیخ د امنیتي کنفرانس سره کوم تړاو ولري.

په ګډه اعلاميه کې ويل شوي، چې له دې يې موخه د دواړو هېوادونو ستراتيژيکه ملګرتيا غښتلې او بنسټيزه کول دي.

پاکستان راډيو د پنجشنبې په ورځ په یوه خبر کې ويلي، چې شریف او اردوغان د دواړو هېوادونو د لوړې کچې ستراتيژيکې شورا د اوومې غونډې په پای کې دغه ګډه اعلاميه لاسلیک کړه.

د مالوماتو له مخې د لاسلیک مراسم د پنجشنبې په ورځ د لومړي وزير په ماڼۍ کې تر سره شول.

پاکستان او ترکیې په دفاعي، برېښنا، انرژۍ او کانونو، سوداګرۍ او صنعت، د ساينسي زدکړې او روزنې، د بانکدارۍ، مذهبي خدماتو او زدکړو، د حلال خوړو، د رسنيو او عامه اړیکو، حقوقي سکتور، روغتیا او درمل جوړولو، فضايي صنعت او کلتوري همکاريو د پراختیا په برخه کې ۲۰ تفاهم لیکونه د اوبو او تخمونو د تولید په برخه کې دوه تړونونه، د برېښنا انرژۍ او کانونو په سکتورونو کې یو پرتوکول کړي دي.

شهباز شریف او اردوغان د دواړو هېوادونو د سوداګرۍ په برخه کې د دوه اړخيزې همکارۍ د زياتولو لپاره د پاکستان – ترکيې سوداګريز فورم لاسلیک شوي دوه تفاهم لیکونه هم تبادله کړل.

د ترکیې ولسمشر رجب طیب اردوغان د پاکستان د لومړي وزیر شهباز شریف په بلنه د چهارشنبې په ورځ پاکستان تللی.