زېلېنسکي: اوکراین د امریکا له ملاتړ پرته د بقا ډېر کم چانس لري
د اوکراین ولسمشر ولادیمیر زېلېنسکي له اېنبيسي (NBC) خبري شبکې سره په مرکه کې ویلي چې اوکراین د امریکا متحدهایالاتو له ملاتړ پرته د بقا ډېر کم چانس لري.
د اوکراین ولسمشر ولادیمیر زېلېنسکي له اېنبيسي (NBC) خبري شبکې سره په مرکه کې ویلي چې اوکراین د امریکا متحدهایالاتو له ملاتړ پرته د بقا ډېر کم چانس لري.
نوموړي تېره ورځ (فېبرورۍ ۱۴مه) په خپلې مرکې کې څرګنده کړه: «ښايي دا به ډېره، ډېره او ډېره ستونزمنه وي. البته، په ډېرو سختو شرایطو کې چانس تل وي؛ خو د امریکا له ملاتړ پرته به زمونږ د بقا چانس ډېر کم وي.»
دا څرګندونې داسې مهال کېږي چې کیف دوه ورځې دمخه له ډونالډ ټرمپ سره د ولادیمیر زېلېنسکي د ټیلفوني خبرواترو خبر ورکړی و.
د اوکراین ولسمشر دفتر منلې وه، چې د ټرمپ او زېلېنسکي ترمنځ ټلیفوني خبرواترو شاوخوا یو ساعت دوام وموند.
دا په داسې حال کې ده چې د امریکا ولسمشر د تېرې چهارشنبې په ورځ په یوه خبري کنفرانس کې ویلي و چې د اوکراین لپاره په ناټو کې د غړیتوب ترلاسهکول د عمليکېدو نه دی او په وینا یې، دغه هېواد به ونه شي کړای څو له روسیې سره په جګړه کې خپلې بایللې سیمې بېرته ترلاسه کړي.
د ټرمپ له دې څرګندونو وروسته یو شمېر اروپايي هېوادونو د سولې په مذاکراتو کې د اوکراین دریځ د پیاوړتیا پر لزوم ټینګار وکړ.
جرمني، ايټالیا، برېټانیا او یو شمېر نورو اروپایي هېوادونو په یوه ګډ بیان کې ویلي وو: «موږ چمتو یوو چې له اوکراین څخه خپل ملاتړ ډېر کړو. د روسیې پر وړاندې په یرغلیزې جګړه کې د اوکراین خپلواکۍ، حاکمیت او ځمکنۍ بشپړتیا ته ژمن یوو.»
د یادونې ده، چې روسیې د ۲۰۲۲ کال په فېبرورۍ کې پر اوکراین برید وکړ او د دغه هېواد په ختیځ کې یې د څلورو ولایتونو لویې برخې تر خپل کنټرول لاندې راوستې.
په دې پېښه پسې نن ګڼو افغان کورنيو او ټولنو لومړي وزير اولاف شولڅ ته پرانيستی لیک کې دغه پېښه يو جنایت بللی دی.
په دې پېښه پسې ښاغلي شولڅ هم وویل، چې مجرم ته باید سزا ور کړل شي او له جرمني و اېستل شي.
په دې ليک کې هم د پيښې اړوند د لومړي وزير د څرګندونو ملاتړ او غوښتنه شوې، چې دا ډول کسان که هرڅوک وي باید له دغه هېواد وایستل شي.
د لیک په یوه برخه کې لیکل شوي: «دا ډول اعمال که هر چا کړي او هر څوک یې د افغان په نوم کوي او یا افغان وګړي په کې دخيل وي، ترويستان او مجرمان دي.»
د المان لومړي وزير ته د افغانانو په پرانيستي لیک کې ویل شوي، چې افغانان له ۵۰ کلنو د تروريزم قرباني دي او د مجرمينو په وړاندي د جرمني له حکومت سره ولاړ دي.
په دې لیک کې د المانیانو او افغانانو تاريخي اړیکو ته هم اشاره شوې او په پيښه کې د قربانیانو کورنيو سره غم شریکي ښودل شوې.
په المان کې مېشتو افغانانو د دغه هېواد له دولت او ولس مننه کړې، چې افغانانو ته یې په خپل هېواد کې ځای او پناه ورکړې.
د سلګونو افغان کورنيو او ټولنو په استازيتوب دغه لیک په پښتو، دري، الماني او انګليسي ژبو د المان لومړي وزير ته ليږل شوی.